ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΙΩΑΝΝΗΝ 18 ΚΑΤΑ ΙΩΑΝΝΗΝ 18 ΚΕΦΆΛΑΙΟ

1 ταυτα ειπων ο ι̅ϲ̅ εξηλθεν ϲυν τοιϲ μαθηταιϲ αυτου περαν του χειμαρρου του κεδρου οπου ην κηποϲ ειϲ ον ειϲεληλυθεν αυτοϲ και οι μαθηται αυτου
2 ηδει δε και ιουδαϲ ο παραδιδουϲ αυτο̅ τον τοπον οτι πολλακειϲ ϲυνηχθη ο ι̅ϲ̅ εκει μετα των μαθητων αυτου
3 ο ουν ιουδαϲ λαβων την ϲπειραν και εκ των αρχιερεων και φαριϲαιων υπηρεταϲ ερχεται εκει μετα φανω̅ και λαμπαδων και οπλων
4 ι̅ϲ̅ δε ιδωϲ παντα τα ερχομενα επ αυτον εξελθων ειπεν αυτοιϲ τινα ζητειτε
5 απεκριθηϲαν αυτω ι̅ν̅ τον ναζωραιον λεγει αυτοιϲ ο ι̅ϲ̅ εγω ειμει ειϲτηκει δε και ιουδαϲ ο παραδιδουϲ αυτον μετ αυτων
6 ωϲ ουν ειπεν αυτοιϲ εγω ειμει απηλθαν ειϲ τα οπιϲω και επεϲαν χαμε
7 παλιν ουν αυτουϲ επηρωτηϲεν τινα ζητειται οι δε ειπον ι̅ν̅ τον ναζωραιο̅
8 απεκριθη ι̅ϲ̅ ειπον υμιν οτι εγω ειμει ει ουν εμε ζητειται αφεται τουτουϲ υπαγειν
9 ινα πληρωθη ο λογοϲ ον ειπεν οτι ουϲ δεδωκαϲ μοι ουκ απωλεϲα εξ αυτω̅ ουδενα
10 ϲιμων ουν πετροϲ εχων μαχαιραν ειλκυϲεν αυτην και επεϲεν τον του αρχιερεωϲ δουλον και απεκοψεν αυτου το ωταριον το δεξιον ην δε ονομα τω δουλω μαλχοϲ
11 ειπεν ουν ο ι̅ϲ̅ τω πετρω βαλε την μαχαιραν ειϲ την θηκην το ποτηριον ο δεδωκεν μοι ο π̅η̅ρ̅ ου μη πιω αυτο
12 η ουν ϲπειρα και ο χειλιαρχοϲ και οι υπηρεται των ιουδαιων ϲυνελαβον τον ι̅ν̅ και εδηϲαν αυτον
13 και ηγαγο̅ προϲ ανναν πρωτον ην γαρ πενθεροϲ του καιαφα οϲ ην αρχιερευϲ του ενιαυτου εκεινου
14 ην δε καιαφαϲ ο ϲυνβουλευϲαϲ τοιϲ ιουδαιοιϲ οτι ϲυμφερι ενα α̅ν̅ο̅ν̅ αποθανειν υπερ του λαου
15 ηκολουθει δε τω ι̅υ̅ ϲιμων πετροϲ και αλλοϲ μαθητηϲ ο δε μαθητηϲ εκεινοϲ γνωϲτοϲ ην τω αρχιερει και ϲυνειϲηλθεν τω ι̅υ̅ ειϲ την αυλην του αρχιερεωϲ
16 ο δε πετροϲ ιϲτηκει προϲ τη θυρα εξω εξηλθεν ουν ο μαθητηϲ ο αλλοϲ οϲ ην γνωϲτοϲ τω αρχιερει και ειπεν τω θυρωρω και ειϲηνεγκε̅ τον πετρον
17 λεγει ουν αυτω η παιδιϲκη η θυρωροϲ τω πετρω μη και ϲυ εκ των μαθητων ει του α̅ν̅ο̅υ̅ τουτου λεγει εκεινοϲ ουκ ειμει
18 ιϲτηκειϲαν δε οι δουλοι και οι υπηρεται ανθρακιαν πεποιηκοτεϲ οτι ψυχοϲ ην και εθερμενοντο ην δε και πετροϲ μετ αυτων εϲτωϲ και θερμενομενοϲ
19 ο ουν αρχιερευϲ ηρωτηϲεν τον ι̅ν̅ περι των μαθητων αυτου και περι τηϲ διδαχηϲ αυτου
20 απεκριθη αυτω ο ι̅ϲ̅ εγω παρρηϲια ελαληϲα τω κοϲμω εγω παντοτε εδιδαξα εν ϲυναγωγη και εν τω ιερω οπου παντεϲ οι ιουδαιοι ϲυνερχονται και εν κρυπτω ελαληϲα ουδεν
21 τι με ερωταϲ ερωτηϲον τουϲ ακηκοοταϲ τι ελαληϲα αυτοιϲ ειδε ουτοι οιδαϲιν α ειπον εγω
22 ταυτα δε αυτου ειποντοϲ ειϲ παρεϲτηκωϲ των υπηρετων εδωκεν ραπιϲμα τω ι̅υ̅ ειπων ουτωϲ αποκρινη τω αρχιερει
23 ο δε ι̅ϲ̅ ειπεν αυτω ει κακωϲ ειπον μαρτυρηϲον περι του κακου ει δε καλωϲ τι με δερειϲ
24 απεϲτιλεν ουν αυτον ο ανναϲ δεδεμενον προϲ καιαφαν το̅ αρχιερεα
25 ην δε ϲιμων πετροϲ εϲτωϲ και θερμενομενοϲ ειπον ουν αυτω μη και ϲυ εκ των μαθητων αυτου ει ηρνηϲατο εκεινοϲ και ειπεν ουκ ειμει
26 λεγει ειϲ εκ των δουλων του αρχιερεωϲ ϲυγγενηϲ ων ου απεκοψεν πετροϲ το ωτιον ουκ εγω ϲε ειδον εν τω κηπω μετ αυτου
27 παλιν ουν ηρνηϲατο πετροϲ και ευθυϲ αλεκτωρ εφωνηϲε̅
28 αγουϲιν ουν τον ι̅ν̅ απο του καιαφα ειϲ το πρετωριον ην δε πρωει και αυτοι ουκ ειϲηλθον ειϲ το πρετωριον ινα μη μιανθωϲιν αλλα φαγωϲιν το παϲχα
29 εξηλθεν ουν προϲ αυτουϲ ο πειλατοϲ εξω και φηϲιν τινα κατηγοριαν φερεται κατα του α̅ν̅ο̅υ̅ τουτου
30 απεκριθηϲαν και ειπον αυτω ει μη ην ουτοϲ κακον ποιων ουκ αν ϲοι παραδεδωκειμεν αυτον
31 ειπεν ουν αυτοιϲ ο πειλατοϲ λαβεται αυτον υμειϲ και κατα τον νομον υμων κρεινατε ειπον ουν αυτω οι ιουδαιοι ημιν ουκ εξεϲτιν αποκτιναι ουδενα
32 ινα πληρωθη ο λογοϲ του ι̅υ̅ ον ειπεν ϲημαινων ποιω θανατω ημελλεν αποθνηϲκειν
33 ειϲηλθεν ουν παλιν ειϲ το πρετωριο̅ ο πειλατοϲ και εφωνηϲεν τον ι̅ν̅ και ειπεν αυτω ϲυ ει ο βαϲιλευϲ των ιουδαιων
34 και απεκρινατο ο ι̅ϲ̅ αφ εαυτου ϲυ τουτο λεγειϲ η αλλοι ειπον ϲοι περι εμου
35 απεκριθη ο πειλατοϲ μη εγω ιουδαιοϲ ειμει το εθνοϲ το ϲον και οι αρχιερειϲ παρεδωκαν ϲε εμοι τι εποιηϲαϲ
36 απεκριθη ι̅ϲ̅ η βαϲιλεια η εμη ουκ εϲτι̅ εκ του κοϲμου τουτου ει ην εκ του κοϲμου τουτου η βαϲιλεια η εμη οι υπηρεται οι εμοι ηγωνιζοντο αν ινα μη παραδοθω τοιϲ ιουδαιοιϲ νυν δε η βαϲιλεια η εμη ουκ εϲτιν ε̅τευθεν
37 ειπεν ουν αυτω ο πειλατοϲ ουκουν βαϲιλευϲ ει ϲυ απεκριθη ι̅ϲ̅ ϲυ λεγειϲ οτι βαϲιλευϲ ειμει εγω ειϲ τουτο γεγενημαι και ειϲ τουτο εληλυθα ειϲ τον κοϲμον ινα μαρτυρηϲω τη αληθεια παϲ ο ων εκ τηϲ αληθειαϲ ακουει μου τηϲ φωνηϲ
38 λεγει αυτω ο πειλατοϲ τι εϲτιν αληθεια και τουτο ειπων παλιν εξηλθεν προϲ τουϲ ιουδαιουϲ και λεγει αυτοιϲ εγω ουδεμιαν αιτιαν ευριϲκω εν αυτω
39 εϲτιν δε ϲυνηθεια υμιν ινα ενα απολυω υμιν εν τω παϲχα βουλεϲθαι ουν ινα απολυϲω υμιν τον βαϲιλεα των ιουδαιων
40 εκραυγαϲαν ουν παλιν λεγοντεϲ μη τουτον αλλα τον {βαρραββαν} [20] ην δε ο βαραββαϲ ληϲτηϲ

Примечания:

40  [20] {βαραββαν}

Нашли в тексте ошибку? Выделите её и нажмите: Ctrl + Enter

Евангелие от Иоанна, 18 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΙΩΑΝΝΗΝ 18 ΚΕΦΆΛΑΙΟ в переводах:
ΙΩΑΝΝΗΝ 18 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Комментарии Джона Райла
  8. Толкования Августина
  9. Толкование Иоанна Златоуста
  10. Толкование Феофилакта Болгарского
  11. Новый Библейский Комментарий
  12. Лингвистический. Роджерс
  13. Комментарии Давида Стерна
  14. Библия говорит сегодня
  15. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.