1 ταυτα λελαληκεν ο ι̅ϲ̅ και επαραϲ τουϲ οφθαλμουϲ αυτου ειϲ τον ουρανον ειπεν π̅ε̅ρ̅ εληλυθεν η ωρα δοξαϲον ϲου τον υιον ινα ο υιοϲ δοξαϲη ϲε
2 καθωϲ εδωκαϲ αυτω εξουϲιαν παϲηϲ ϲαρκοϲ ινα παν ο δεδωκαϲ αυτω δωϲ αυτω ζωην αιωνιον
3 αυτη δε εϲτιν η αιωνιοϲ ζωη ινα γινωϲκουϲιν τον μονον αληθεινον θ̅ν̅ και ον απεϲτιλεν ι̅ν̅ χ̅ν̅
4 εγω ϲε εδοξαϲα επι τηϲ γηϲ το εργον ϲου τελιωϲαϲ ο εδωκαϲ μοι ινα ποιηϲω
5 και νυν δοξαϲον με ϲυ π̅ε̅ρ̅ παρα ϲεαυτω τη δοξη η ειχον προ του τον κοϲμον ειναι παρα ϲοι
6 εφανερωϲα ϲου το ονομα τοιϲ α̅ν̅ο̅ι̅ϲ̅ ουϲ εδωκαϲ μοι εκ του κοϲμου ϲου ηϲαν και εμοι αυτουϲ εδωκαϲ και τον λογον ϲου τετηρηκαν
7 νυν εγνωκα οτι παντα οϲα δεδωκαϲ μοι παρα ϲου ειϲιν
8 οτι τα ρηματα α εδωκαϲ μοι εδωκα αυτοιϲ και αυτο ελαβον αληθωϲ οτι παρα ϲου εξηλθον και επιϲτευϲαν οτι ϲυ με απεϲτιλαϲ
9 εγω περι αυτων ερωτω ου περι του κοϲμου ερωτω αλλα περι ων εδωκαϲ μοι οτι ϲοι ειϲιν
10 και τα εμα παντα ϲα εϲτιν και τα ϲα εμα και δεδοξαϲμαι εν αυτοιϲ
11 και ουκετι ειμει εν τω κοϲμω και ουτοι εν τω κοϲμω ειϲιν και εγω προϲ ϲε ερχομαι πατερ αγιε τηρηϲον αυτουϲ εν τω ονοματι ϲου ω εδωκαϲ μοι ινα ωϲιν εν καθωϲ ημειϲ
12 οτε ημην μετ αυτων εγω ετηρουν αυτουϲ εν τω ονοματι ϲου ω εδωκαϲ μοι και εφυλαξα και ουδειϲ εξ αυτων απωλετο ει μη ο υιοϲ τηϲ απωλειαϲ ινα η γραφη πληρωθη
13 νυν δε προϲ ϲε ερχομαι και ταυτα λαλω εν τω κοϲμω ινα εχωϲιν την χαραν την εμην πεπληρωμενην εν εαυτοιϲ
14 εγω εδωκα αυτοιϲ τον λογον ϲου και ο κοϲμοϲ εμειϲηϲεν αυτουϲ οτι ουκ ειϲι̅ εκ του κοϲμου καθωϲ εγω ουκ ιμει εκ του κοϲμου
15 ουκ ερωτω ινα αρηϲ αυτουϲ εκ του κοϲμου αλλ ινα τηρηϲηϲ αυτουϲ εκ του πονηρου
16 εκ του κοϲμου ουκ ειϲιν καθωϲ εγω ουκ ειμει εκ του κοϲμου
17 αγιαϲον αυτουϲ εν τη αληθεια ο λογοϲ ο ϲοϲ η αληθεια εϲτιν
18 καθωϲ εμε απεϲτιλαϲ ειϲ τον κοϲμον καγω απεϲτιλα αυτουϲ ειϲ τον κοϲμον
19 και υπερ αυτων αγιαζω εμαυτον ινα ωϲιν και αυτοι ηγιαϲμενοι εν αληθεια
20 ου περι τουτων δε μονων ερωτω αλλα και υπερ των πιϲτευϲοντων δια του λογου αυτων ειϲ εμε
21 ινα παντεϲ εν ωϲιν καθωϲ ϲυ π̅η̅ρ̅ εν εμοι καγω εν ϲοι ινα και αυτοι εν ημιν ωϲιν ινα ο κοϲμοϲ πιϲτευη οτι ϲυ με απεϲτιλαϲ
22 καγω την δοξαν μου ην {δεδωκαϲ} [18] μοι δεδωκα αυτοιϲ ινα ωϲιν εν καθωϲ ημειϲ εν
23 εγω εν αυτοιϲ και ϲυ εν εμοι ινα ωϲιν τετελιωμενοι ειϲ εν και γινωϲκη ο κοϲμοϲ οτι ϲυ με απεϲτιλαϲ και ηγαπηϲαϲ αυτουϲ καθωϲ καμε ηγαπηϲαϲ
24 πατερ ο δεδωκαϲ μοι θελω ινα οπου ειμει εγω και εκεινοι ωϲιν μετ εμου ινα {θεωρουϲιν} [19] την δοξαν την εμην η̅ δεδωκαϲ μοι οτι ηγαπηϲαϲ με προ καταβοληϲ κοϲμου
25 πατερ δικαιε και ο κοϲμοϲ ϲε ουκ εγνω εγω δε εγνων ϲε και ουτοι εγνωϲαν οτι ϲυ με απεϲτιλαϲ
26 και εγνωριϲα αυτοιϲ το ονομα ϲου και γνωριϲω ινα η αγαπη ην ηγαπηϲαϲ με εν αυτοιϲ η και εγω εν αυτοιϲ
Примечания:
22 [18] {εδωκαϲ}
24 [19] a {θεωρωϲιν}
Нашли в тексте ошибку? Выделите её и нажмите:
Ctrl + Enter
Евангелие от Иоанна, 17 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.