Библия » Елизаветинская Елизаветинская Библия

Иисус Навин 12 Иисус Навин 12 глава

1 И҆ сі́и ца́рїе землѝ, и҆̀хже и҆зби́ша сы́нове ї҆и҃лєвы и҆ наслѣ́диша зе́млю и҆́хъ ѡ҆б̾ ѻ҆нѹ̀ странѹ̀ ї҆ѻрда́на, ѿ востѡ́къ со́лнца, ѿ де́бри а҆рнѡ́нскїѧ да́же до горы̀ а҆ермѡ́нъ, и҆ всю̀ зе́млю а҆́равѹ ѿ востѡ́къ:
2 сиѡ́на царѧ̀ а҆морре́йска, и҆́же живѧ́ше во є҆севѡ́нѣ, ѡ҆блада́ѧй ѿ а҆рои́ра, и҆́же є҆́сть въ де́бри а҆рнѡ́нстѣй ѿ страны̀ де́бри, и҆ по́лъ (землѝ) галаа́да да́же до ї҆аво́ка, (и҆дѣ́же) предѣ́лы сынѡ́въ а҆ммѡ́нихъ:
3 и҆ а҆́рава да́же до мо́рѧ хенере́ѳъ на восто́ки, и҆ да́же до мо́рѧ а҆́рава, мо́рѧ соли́щнагѡ ѿ востѡ́къ, пѹте́мъ и҆́же ко виѳсїмѡ́ѳѹ, и҆ ѿ ѳема́на и҆́же под̾ а҆сидѡ́ѳъ-фа́сгою:
4 и҆ ѡ҆́гъ ца́рь васа́нскїй ѡ҆ста́сѧ ѿ и҆споли́нѡвъ, и҆́же ѡ҆бита̀ во а҆старѡ́ѳѣ и҆ во є҆драі́нѣ,
5 ѡ҆блада́ѧй ѿ горы̀ а҆ермѡ́нъ, и҆ ѿ селхѝ, и҆ все́ю земле́ю васа́нъ да́же до предѣ҄лъ гесѹрї̀, и҆ махаѳї̀, и҆ по́лъ галаа́да до предѣ҄лъ сиѡ́на царѧ̀ є҆севѡ́нска.
6 Мѡѷсе́й ра́бъ гд҇ень и҆ сы́нове ї҆и҃лєвы порази́ша ѧ҆̀: и҆ дадѐ ю҆̀ мѡѷсе́й ра́бъ гд҇ень въ наслѣ́дїе рѹви́мѹ и҆ га́дѹ и҆ полпле́мени манассі́инѹ.
7 И҆ сі́и ца́рїе а҆морре́йстїи, ѩ҆̀же и҆збѝ ї҆исѹ́съ и҆ сы́нове ї҆и҃лєвы ѡ҆б̾ ѻ҆нѹ̀ странѹ̀ ї҆ѻрда́на, при мо́ри валга́дъ на по́ли лїва́на, и҆ да́же до горы̀ а҆ло́къ, восходѧ́щихъ въ сиі́ръ: и҆ дадѐ ю҆̀ ї҆исѹ́съ племенѡ́мъ ї҆и҃лєвымъ въ наслѣ́дїе по жре́бїю и҆́хъ,
8 на горѣ̀ и҆ на по́ли, и҆ во а҆́равѣ и҆ во а҆сидѡ́ѳѣ, и҆ въ пѹсты́ни и҆ во наге́вѣ, хетте́а и҆ а҆морре́а, и҆ ханане́а и҆ ферезе́а, и҆ є҆ѵе́а и҆ ї҆евѹсе́а:
9 царѧ̀ ї҆ерїхѡ́нска и҆ царѧ̀ га́йска, и҆́же є҆́сть бли́з̾ веѳи́лѧ,
10 царѧ̀ ї҆ер҇ли́мска, царѧ̀ хеврѡ́нска,
11 царѧ̀ ї҆ерїмѹ́ѳска, царѧ̀ лахі́сска,
12 царѧ̀ є҆глѡ́нска, царѧ̀ газе́рска,
13 царѧ̀ даві́рска, царѧ̀ гаде́рска,
14 царѧ̀ є҆рма́ѳска, царѧ̀ а҆де́рска,
15 царѧ̀ ле́внска, царѧ̀ ѻ҆долла́мска,
16 царѧ̀ маки́дска, царѧ̀ веѳи́лска,
17 царѧ̀ а҆пфѹ́ска, царѧ̀ ѻ҆фе́рска,
18 царѧ̀ а҆фе́кска, царѧ̀ хесарѡ́мска,
19 царѧ̀ самврѡ́нска, царѧ̀ фѹ́вска,
20 царѧ̀ марѡ́нска, царѧ̀ а҆хса́фска,
21 царѧ̀ ѳана́хска, царѧ̀ магдедѡ́нска,
22 царѧ̀ кеде́сска, царѧ̀ ї҆екона́ма херме́ла,
23 царѧ̀ а҆дѡ́рска нафеддѡ́рѧ,
24 царѧ̀ гѡі́мска гелге́лѧ, царѧ̀ ѳерска̀. Всѝ сі́и ца́рїе три́десѧть є҆ди́нъ.
Нашли в тексте ошибку? Выделите её и нажмите: Ctrl + Enter

Книга Иисуса Навина, 12 глава. Елизаветинская Библия.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Public Domain

Public Domain — общественное достояние.
Елизаветинская Библия на церковнославянском языке.
© 1751, 1762, 1756, 1784



2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.