1 И҆ бы́ша предѣ́лы сынѡ́въ ї҆ѡ́сифовыхъ ѿ ї҆ѻрда́на и҆́же ко ї҆ерїхѡ́нѹ ѿ востѡ́къ, и҆ восхо́дѧтъ ѿ ї҆ерїхѡ́на въ го́рнѹю пѹсты́ню въ веѳи́ль,
2 и҆ и҆схо́дѧтъ ѿ веѳи́лѧ въ лѹ́зѹ, и҆ прехо́дѧтъ къ предѣ́лѡмъ а҆хїатарѡ́ѳа:
3 и҆ пре́йдѹтъ къ мо́рю къ предѣ́лѡмъ ї҆ефалтї҄мскимъ, да́же до предѣ҄лъ веѳѡрѡ́на ни́жнѧгѡ и҆ да́же до газе́ра, и҆ бѹ́детъ и҆схо́дъ и҆́хъ къ мо́рю.
4 И҆ наслѣ́дствоваша сы́нове ї҆ѡ́сифѡвы є҆фре́мъ и҆ манассі́й,
5 и҆ бы́ша предѣ́лы сынѡ́въ є҆фре́млихъ по со́нмѡмъ и҆́хъ: и҆ бы́ша предѣ́лы наслѣ́дїѧ и҆́хъ ѿ востѡ́къ а҆тарѡ́ѳъ и҆ а҆да́ръ, да́же до веѳѡрѡ́на вы́шнѧгѡ и҆ газа́ры,
6 и҆ прехо́дѧтъ предѣ́лы къ мо́рю въ махѳѡ́ѳъ ѿ сѣ́вера, и҆ и҆́дѹтъ на восто́къ во ѳина́ѳъ-силѡ́мъ, и҆ пре́йдѹтъ ѿ востѡ́къ во ї҆анѡха̀,
7 и҆ ѿ ї҆анѡха̀ сни́дѹтъ во а҆тарѡ́ѳъ и҆ въ наараѳа̀ и҆ вє́си и҆́хъ: и҆ прихо́дѧтъ ко ї҆ерїхѡ́нѹ и҆ и҆схо́дѧтъ ко ї҆ѻрда́нѹ,
8 и҆ ѿ тапфѹ̀ по́йдѹтъ предѣ́лы къ мо́рю къ водоте́чи кана̀, и҆ бѹ́детъ и҆схо́дъ є҆гѡ̀ къ мо́рю. Сїѐ наслѣ́дїе пле́мене сынѡ́въ є҆фре́млихъ по со́нмѡмъ и҆́хъ.
9 И҆ гра́ды ѿлѹчє́нныѧ сынѡ́мъ є҆фрє́млимъ посредѣ̀ наслѣ́дїѧ сынѡ́въ манассі́иныхъ, всѝ гра́ди и҆ вє́си и҆́хъ.
10 И҆ не погѹбѝ є҆фре́мъ ханане́а живѹ́щаго въ газе́рѣ: и҆ ѡ҆бита́ша ханане́є посредѣ̀ є҆фре́ма, даю́ще є҆мѹ̀ да҄ни до дне́шнѧгѡ днѐ, до́ндеже взы́де фараѡ́нъ ца́рь є҆гѵ́петскїй, и҆ взѧ̀ гра́дъ, и҆ запалѝ є҆го̀ ѻ҆гне́мъ: и҆ ханане́євъ и҆ ферезе́євъ и҆ живѹ́щихъ въ газе́рѣ и҆збодо́ша: и҆ дадѐ є҆го̀ фараѡ́нъ въ вѣ́но дще́ри свое́й.
Нашли в тексте ошибку? Выделите её и нажмите:
Ctrl + Enter
Книга Иисуса Навина, 16 глава. Елизаветинская Библия.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.
Public Domain — общественное достояние.
Елизаветинская Библия на церковнославянском языке.
© 1751, 1762, 1756, 1784