1 αδελφοι μου μη εν προϲωπολημψιαιϲ εχετε την πιϲτι̅ του κ̅υ̅ ημων ι̅υ̅ χ̅υ̅ τηϲ δοξηϲ
2 εαν γαρ ειϲελθη ειϲ ϲυναγωγην υμων ανηρ χρυϲοδακτυλιοϲ εν εϲθητι λαμπρα ειϲελθη δε και πτωχοϲ εν ρυπαρα εϲθητι
3 επιβλεψητε δε επι τον φορουντα την εϲθητα την λαμπραν και ειπητε ϲυ καθου καλωϲ και τω πτωχω ειπητε ϲυ ϲτηθι εκει και καθου υπο το υποποδιον μου
4 ου διεκριθητε εν εαυτοιϲ και εγενεϲθε κριται διαλογιϲμων πονηρων
5 ακουϲατε αδελφοι μου αγαπητοι ουχ ο θ̅ϲ̅ εξελεξατο τουϲ πτωχουϲ τω κοϲμω πλουϲιουϲ εν πιϲτει και κληρονομουϲ τηϲ βαϲιλειαϲ ηϲ επηγγειλατο τοιϲ αγαπωϲιν αυτον
6 υμειϲ δε ητιμαϲατε τον πτωχον ουχι οι πλουϲιοι καταδυϲτευουϲιν υμων και αυτοι ελκουϲιν υμαϲ ειϲ κρετηρια
7 ουκ αυτοι βλαϲφημουϲι̅ το καλον ονομα το επικεκληθεν εφ υμαϲ
8 ει μεντοι νομον βαϲιλικον τελειτε κατα την γραφην αγαπηϲειϲ τον πληϲιον ϲου ωϲ ϲεαυτον καλωϲ ποιειτε
9 ει δε προϲωπολημπτειτε αμαρτιαν εργαζεϲθε ελεγχομενοι υπο του νομου ωϲ παραβαται
10 οϲτιϲ γαρ τον νομον ολον τηρηϲη πταιϲη δε εν ενι γεγονεν παντων ενοχοϲ
11 ο γαρ ειπων μη φονευϲηϲ ειπεν και μη μοιχευϲηϲ ει δε ου μοιχευειϲ φονευειϲ δε γεγοναϲ παραβατηϲ νομου
12 ουτωϲ λαλειτε και ουτωϲ ποιειτε ωϲ δια νομου ελευθεριαϲ μελλοντεϲ κρινεϲθαι
13 η γαρ κριϲιϲ ανελεοϲ τω μη ποιηϲαντι ελεοϲ κατακαυχαται ελεον κριϲεωϲ
14 τι οφελοϲ αδελφοι μου εαν πιϲτιν τιϲ λεγη εχειν εργα δε μη εχη μη δυναται η πιϲτιϲ ϲωϲαι αυτον
15 εαν δε αδελφοϲ η αδελφη γυμνοι υπαρχωϲιν και λειπομενοι τηϲ εφημερου τροφηϲ
16 ειπη δε τιϲ αυτοιϲ εξ υμω̅ υπαγε εν ειρηνη θερμαινεϲθε και χορταζεϲθε μη δωτε δε αυτοιϲ τα επιτηδεια του ϲωματοϲ τι οφελοϲ
17 ουτωϲ και η πιϲτιϲ εαν μη εχη εργα νεκρα εϲτιν καθ εαυτην
18 αλλ ερει τιϲ ϲυ πιϲτιν εχειϲ καγω εργα εχω δειξον μοι τη̅ πιϲτιν ϲου χωριϲ των εργων ϲου καγω δειξω ϲοι εκ τω̅ εργων μου την πιϲτιν
19 ϲυ πιϲτευειϲ οτι ειϲ ο θ̅ϲ̅ εϲτιν καλωϲ ποιειϲ και τα δαιμονια πιϲτευουϲιν και φριϲϲουϲιν
20 θελειϲ δε γνωναι ω α̅ν̅ε̅ κενε οτι η πιϲτιϲ χωριϲ των εργω̅ αργη εϲτιν
21 αβρααμ ο π̅η̅ρ̅ ημων ουκ εξ εργων εδικαιωθη ανενεγκαϲ ιϲαακ τον υιον αυτου επι το θυϲιαϲτηριον
22 βλεπειϲ οτι η πιϲτιϲ ϲυνηργει τοιϲ εργοιϲ αυτου και εκ των εργων η πιϲτιϲ ετελειωθη
23 και επληρωθη η γραφη η λεγουϲα επιϲτευϲεν δε αβρααμ τω θ̅ω̅ και ελογιϲθη αυτω ειϲ δικαιοϲυνην και φιλοϲ θ̅υ̅ εκληθη
24 ορατε οτι εξ εργων δικαιουται α̅ν̅ο̅ϲ̅ και ουκ εκ πιϲτεωϲ μονον
25 ουτωϲ και ρααβ η πορνη ουκ εξ εργων εδικαιωθη υποδεξαμενη τουϲ καταϲκοπουϲ και ετερα οδω εκβαλουϲα
26 ωϲπερ γαρ το ϲωμα χωριϲ π̅ν̅ϲ̅ νεκρον εϲτιν ουτωϲ και η πιϲτιϲ χωριϲ των εργων νεκρα εϲτιν
Нашли в тексте ошибку? Выделите её и нажмите:
Ctrl + Enter
Соборное послание апостола Иакова, 2 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.