Библия » Ефремов кодекс – 5 век

ΑΠΟΚΑΛΥΨΙΣ ΙΩΑΝΝΟΥ 1 κεφάλαιο

1 [отсутствует]
2 οϲ εμαρτυρηϲεν τον λογον του θ̅υ̅ και την μαρτυριαν ι̅υ̅ χ̅υ̅ οϲα ειδεν
3 μακαριοϲ ο αναγινωϲκων και οι ακουοντεϲ τουϲ λογουϲ τουτουϲ τηϲ προφητιαϲ και τηρου̅τεϲ τα εν αυτη γεγραμμενα ο γαρ καιροϲ εγγυϲ
4 ιωαννηϲ ταιϲ επτα εκκληϲιαιϲ ταιϲ εν τη αϲια χαριϲ υμιν και ειρηνη απο ο ων και ο ην και ο ερχομενοϲ και απο των επτα πνευματων α ενωπιον του θρονου αυτου
5 και απο ι̅υ̅ χ̅υ̅ ο μαρτυϲ ο πιϲτοϲ ο πρωτοτοκοϲ των νεκρων και ο αρχων των βαϲιλεων τηϲ γηϲ τω αγαπωντι ημαϲ και λυϲαντι ημαϲ εκ των αμαρτιων ημων εν τω αιματι αυτου
6 και εποιηϲεν ημων βαϲιλειαν ιερειϲ τω θ̅ω̅ και π̅ρ̅ι̅ αυτου αυτω η δοξα και το κρατοϲ ειϲ τουϲ αιωναϲ των αιωνων αμην
7 ιδου ερχεται επι των νεφελων και οψεται αυτον παϲ οφθαλμοϲ και οιτινεϲ αυτον εξεκεντηϲαν και κοψονται επ αυτον παϲαι αι φυλαι τηϲ γηϲ ναι αμην
8 εγω ειμι το αλφα και το ω λεγει κ̅ϲ̅ ο θ̅ϲ̅ ο ων και ο ην και ο ερχομενοϲ ο παντοκρατωρ
9 εγω ιωαννηϲ ο αδελφοϲ υμων και ϲυνκοινωνοϲ εν τη θλιψει και βαϲιλεια και υπομονη εν ι̅υ̅ εγενομην εν τη ϲω τη καλουμενη πατμω κια τον λογον του θ̅υ̅ και τη̅ μαρτυριαν ι̅υ̅
10 εγενομην εν π̅ν̅ι̅ εν τη κυριακη ημερα και ηκουϲα οπιϲω μου φωνην μεγαλην ωϲ ϲαλπιγγοϲ
11 λεγουϲηϲ ο βλεψειϲ γραψον ειϲ βιβλιον και πεμψον ταιϲ επτα εκκληϲιαιϲ ειϲ εφεϲον και ειϲ ϲμυρναν και ειϲ περγαμον και ειϲ θυατιραν και ειϲ ϲαρδειϲ και ειϲ φιλαδελφιαν και ειϲ λαοδικιαν
12 και επεϲτρεψα βλεπειν την φωνην ητιϲ ελαλει μετ εμου και επιϲτρεψαϲ ιδον επτα λυχνιαϲ χρυϲαϲ
13 και εμ μεϲω των λυχνιων ομοιον υ̅ω̅ α̅ν̅ο̅υ̅ ενδεδυμενον ποδηρη και περιεζωϲμενον προϲ τοιϲ μαϲτοιϲ ζωνην χρυϲαν
14 η δε κεφαλη αυτου και αι τριχαιϲ λευκαι ωϲ ει εριον λευκον ωϲ χιων και οι οφθαλμοι αυτου ωϲ φλοξ πυροϲ
15 και οι ποδεϲ αυτου ομοιοι χαλκολιβανω ωϲ εν καμινω πεπυρωμενηϲ και η φωνη αυτου ωϲ φωνη υδατων πολλων
16 και εχων εν τη δεξια χειρι αυτου αϲτεραϲ επτα και εκ του ϲτοματοϲ αυτου ρομφαια διϲτομοϲ οξια εκπορευομενη και η οψιϲ αυτου ωϲ ο ηλιοϲ φαινι εν τη δυναμει αυτου
17 και οτε ιδον αυτον επεϲα προϲ τουϲ ποδαϲ αυτου ωϲ νεκροϲ και εθηκε̅ την δεξιαν αυτου επ εμε λεγων μη φοβου εγω ειμι ο πρωτοϲ και ο εϲχατοϲ
18 και ο ζων και εγενομην νεκροϲ και ιδου ζων ειμι ειϲ τουϲ αιωναϲ των αιωνων και εχω ταϲ κλειϲ του θανατου και του αδου
19 γραψον ουν α ειδεϲ και α ειϲιν και α δει μελλει γενεϲθαι μετα ταυτα
20 το μυϲτηριον των επτα αϲτερων ουϲ ειδεϲ επι τηϲ δεξιαϲ μου και ταϲ επτα λυχνιαϲ ταϲ χρυϲαϲ οι επτα αϲτερεϲ αγγελοι των επτα εκκληϲιων ειϲιν και αι λυχνιαι αι επτα επτα εκκληϲιαι ειϲιν
Нашли в тексте ошибку? Выделите её и нажмите: Ctrl + Enter

Откровение Иоанна Богослова, 1 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007–2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.