Библия » Ефремов кодекс – 5 век

ΠΕΤΡΟΥ Β΄ 1 κεφάλαιο

1 [отсутствует]
2 χαριϲ υμιν και ειρηνη πληθυνθειη εν επιγνωϲει του θ̅υ̅ και ι̅υ̅ του κ̅υ̅ ημων
3 ωϲ παντα ημιν τηϲ θειαϲ δυναμεωϲ αυτου τα προϲ ζωην και ευϲεβειαν δεδωρημενηϲ δια τηϲ επιγνωϲεωϲ του καλεϲαντοϲ ημαϲ ιδια δοξη και αρετη
4 δι ων τα μεγιϲτα και τιμια ημιν επαγγελματα δεδωρηται ινα δια τουτων γενηϲθε θειαϲ κοινωνοι φυϲεωϲ αποφυγοντεϲ τηϲ εν κοϲμω επιθυμιαϲ και φθοραϲ
5 και αυτο τουτο δε ϲπουδην παρειϲενεγκαντεϲ επιχορηγηϲατε εν τη πιϲτει υμων την αρετην εν δε τη αρετη την γνωϲιν
6 εν δε τη γνωϲει την ενκρατειαν εν δε τη εγκρατεια την υπομονην εν δε τη υπομονη την ευϲεβειαν
7 εν δε τη ευϲεβεια την φιλαδελφιαν εν δε τη φιλαδελφια την αγαπην
8 ταυτα γαρ υμιν υπαρχοντα και πλεοναζοντα ουκ αργουϲ ουδε ακαρπουϲ καθιϲτηϲιν ειϲ την του κ̅υ̅ ημων ι̅υ̅ χ̅υ̅ επιγνωϲιν
9 ω γαρ μη παρεϲτιν ταυτα τυφλοϲ εϲτιν μαυωπαζω̅ ληθην λαβων του καθαριϲμου των παλαι αυτου αμαρτιων
10 διο μαλλον αδελφοι ϲπουδαϲατε βεβαιαν υμων την κληϲιν και εκλογην ποιειϲθαι ταυτα γαρ ποιουντεϲ ου μη πταιϲητε ποτε
11 ουτωϲ γαρ πλουϲιωϲ επιχορηγηθηϲεται υμιν η ειϲοδοϲ ειϲ την αιωνιαν βαϲιλειαν του κ̅υ̅ ημων και ϲ̅ρ̅ϲ̅ ι̅υ̅ χ̅υ̅
12 διο μελληϲω αει υμαϲ υπομιμνηϲκειν περι τουτων καιπερ ειδοταϲ και εϲτηριγμενουϲ εν τη παρουϲη αληθεια
13 δικαιον δε ηγουμαι εφ οϲον ειμι εν τουτω ϲκηνωματι διεγειρειν υμαϲ εν υπομνηϲει
14 ειδωϲ οτι ταχεινη εϲτιν η αποθεϲιϲ του ϲκηνωματοϲ μου καθωϲ και ο κ̅ϲ̅ ημων ι̅ϲ̅ χ̅ϲ̅ εδηλωϲεν μοι
15 ϲπουδαϲω δε και εκαϲτοτε εχειν υμαϲ μετα την εμην εξοδον την τουτων μνημην ποιειϲθε
16 ου γαρ ϲεϲοφιϲμενοιϲ μυθοιϲ εξακολουθηϲαντεϲ εγνωριϲαμεν υμιν την του κ̅υ̅ ημων ι̅υ̅ χ̅υ̅ δυναμιν και παρουϲιαν αλλ εποπται γενηθεντεϲ τηϲ εκεινου μεγαλιοτητοϲ
17 λαβων γαρ παρα θ̅υ̅ π̅ρ̅ϲ̅ τιμην και δοξαν φωνηϲ ανεχθειϲηϲ τοιαϲδε αυτω υπο τηϲ μεγαλοπρεπουϲ δοξηϲ ουτοϲ εϲτιν ο υιοϲ μου ο {ουτοϲ εϲτιν} [1] ειϲ ον εγω ευδοκηϲα
18 και ταυτην την φωνην ημειϲ ηκουϲαμεν εξ ουρανου ενεχθειϲαν ϲυν αυτω οντεϲ εν τω αγιω ορει
19 και εχομεν βεβαιοτερον τον προφητικον λογον ω καλωϲ ποιειτε προϲεχοντεϲ ωϲ λυχνω φαινοντι εν αυχμηρω τοπω εωϲ ου ημερα διαυγαϲη και φωϲφοροϲ ανατειλη εν ταιϲ καρδιαιϲ υμων
20 τουτο πρωτον γινωϲκοντεϲ οτι παϲα προφητεια γραφηϲ ιδιαϲ επιλυϲεωϲ ου γινεται
21 ου γαρ θεληματι α̅ν̅ο̅υ̅ ηνεχθη προφητια ποτε αλλα υπο π̅ν̅ϲ̅ αγιου φερομενοι ελαληϲαν απο θ̅υ̅ αγιοι ανθρωποι

Примечания:

17  [1] {αγαπητοϲ}

Нашли в тексте ошибку? Выделите её и нажмите: Ctrl + Enter

Второе соборное послание апостола Петра, 1 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007–2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.