1 ϲυ δε λαλει α πρεπει τη υγιαινουϲη διδαϲκαλεια
2 πρεϲβυταϲ νηφαλιουϲ ειναι ϲεμνουϲ ϲωφροναϲ υγιαινο̅ταϲ τη πιϲτει τη αγαπη τη υπομονη
3 πρεϲβυτιδαϲ ωϲαυτωϲ εν καταϲτηματι ιεροπρεπει μη διαβολουϲ μηδε οινω πολλω δεδουλωμεναϲ καλοδιδαϲκαλουϲ
4 ινα ϲωφρονιζωϲι ταϲ νεαϲ φιλα̅δρουϲ ειναι φιλοτεκνουϲ
5 ϲωφροναϲ αγναϲ οικουργουϲ αγαθαϲ υποταϲϲομεναϲ τοιϲ ιδιοιϲ ανδραϲιν ινα μη ο λογοϲ του θ̅υ̅ και διδαϲκαλια βλαϲφημηται
6 τουϲ νεωτερουϲ ωϲαυτωϲ παρακαλει ϲωφρονει
7 περι παντα ϲεαυτον παρεχομενοϲ τυπον καλων εργων εν τη διδαϲκαλια αφθοριαν αγνειαν ϲεμνοτητα
8 λογον υγιη ακαταγνωϲτον ινα ο εξ εναντιαϲ εντραπη μηδεν εχων λεγειν περι ημων φαυλο̅
9 δουλουϲ ιδιοιϲ δεϲποταιϲ υποταϲϲεϲθαι εν παϲιν ευαρεϲτουϲ ειναι μη αντιλεγονταϲ
10 μη νοϲφιζομενουϲ αλλα παϲαν πιϲτιν ενδεικνυμενουϲ αγαθην ινα την διδαϲκαλιαν την του ϲωτηροϲ ημων θ̅υ̅ κοϲμωϲιν εν παϲιν
11 επεφανη γαρ η χαριϲ του θ̅υ̅ ϲωτηριοϲ παϲιν α̅ν̅ο̅ι̅ϲ̅
12 παιδευϲα ημαϲ ινα αρνηϲαμενοι την αϲεβειαν και ταϲ κοϲμικαϲ επιθυμιαϲ ϲωφρονωϲ και δικαιωϲ και ευϲεβωϲ ζηϲωμεν εν τω νυν αιωνι
13 προϲδεχομενοι την μακαριαν ελπιδα και επιφανειαν τηϲ δοξηϲ του μεγαλου θ̅υ̅ και ϲωτηροϲ ημων ι̅υ̅ χ̅υ̅
14 οϲ εδωκεν εαυτον υπερ ημων ινα λυτρωϲηται ημαϲ απο παϲηϲ ανομιαϲ και καθαριϲη εαυτω λαον περιουϲιον ζηλωτην καλων εργων
15 ταυτα λαλει και παρακαλει και ελεγχε μετα παϲηϲ επιταγηϲ μηδειϲ ϲου περιφρονειτων