1 ομοιωϲ γυναικεϲ υποταϲϲομεναι τοιϲ ιδιοιϲ ανδραϲιν ινα ει τινεϲ απειθουϲιν τω λογω δια τηϲ των γυναικω̅ αναϲτροφηϲ ανευ λογου κερδηθηϲονται
2 εποπτευϲαντεϲ τη̅ εν φοβω αγνην αναϲτροφην υμων
3 ων εϲτω ουχ ο εξωθεν εμπλοκηϲ τριχων και περιθεϲεωϲ χρυϲιω̅ η ενδυϲεωϲ ιματιω̅ κοϲμοϲ
4 αλλ ο κρυπτοϲ τηϲ καρδιαϲ ανθρωποϲ εν τω αφθαρτω του ηϲυχιου και πραεωϲ πνευματοϲ ο εϲτιν ενωπιον του θ̅υ̅ πολυτελεϲ
5 ουτωϲ γαρ ποτε και αι αγιαι γυναικεϲ αι ελπιζουϲαι ειϲ θ̅ν̅ εκοϲμουν εαυταϲ υποταϲϲομεναι τοιϲ ιδιοιϲ ανδραϲιν
6 ωϲ ϲαρρα υπηκουεν τω αβρααμ κυριον αυτον καλουϲα ηϲ εγενηθητε τεκνα αγαθοποιουϲαι και μη φοβουμεναι μηδεμιαν πτοηϲι̅
7 ανδρεϲ ομοιωϲ ϲυνοικουντεϲ κατα γνωϲι̅ ωϲ αϲθενεϲτερω ϲκευει τω γυναικειω απονεμοντεϲ τειμην ωϲ και ϲυνκληρονομοιϲ χαριτοϲ ζωηϲ ειϲ το μη εγκοπτεϲθαι ταιϲ προϲευχαιϲ υμων
8 το δε τελοϲ παντεϲ ομοφρονεϲ ϲυμπαθειϲ φιλαδελφοι ευϲπλαγχνοι ταπεινοφρονεϲ
9 μη αποδιδοντεϲ κακο̅ αντι κακου η λοιδοριαν αντι λοιδοριαϲ τουναντιον δε ευλογου̅τεϲ οτι ειϲ τουτο εκληθητε ινα ευλογια̅ κληρονομηϲητε
10 ο γαρ θελων ζωην αγαπα̅ και ιδειν ημεραϲ αγαθαϲ παυϲατω την γλωϲϲαν απο κακου και χειλη του μη λαληϲαι δολον
11 εκκλεινατω δε απο κακου και ποιηϲατω αγαθον ζητηϲατω ειρηνην και διωξατω αυτην
12 οτι οφθαλμοι κ̅υ̅ επι δικαιουϲ και ωτα αυτου ειϲ δεηϲιν αυτων προϲωπον δε κ̅υ̅ επι ποιουνταϲ κακα
13 και τιϲ ο κακωϲων υμαϲ ει του αγαθου ζηλωται γενοιϲθε
14 αλλ ει και παϲχοιτε δια δικαιοϲυνην μακαριοι τον δε φοβον αυτων μη φοβηθητε
15 κ̅ν̅ δε τον χ̅ν̅ αγιαϲατε εν ταιϲ καρδιαιϲ υμων ετοιμοι αει προϲ απολογιαν παντι τω αιτουντι υμαϲ λογο̅ περι τηϲ εν υμιν ελπιδοϲ
16 αλλα μετα πραυτητοϲ και φοβου ϲυνειδηϲιν εχοντεϲ αγαθην ινα εν ω καταλαλειϲθε καταιϲχυ̅θωϲιν οι επηρεαζοντεϲ υμων την αγαθη̅ εν χ̅ω̅ αναϲτροφην
17 κρειττον γαρ αγαθοποιουνταϲ ει θελοι το θελημα του θ̅υ̅ παϲχειν η κακοποιουνταϲ
18 οτι και χ̅ϲ̅ απαξ περι αμαρτιων επαθεν δικαιοϲ υπερ αδικω̅ ινα υμαϲ προϲαγαγη θανατωθειϲ μεν ϲαρκι ζωοποιηθειϲ δε πνευματι
19 εν ω και τοιϲ εν φυλακη πνευμαϲιν πορευθειϲ εκηρυξεν
20 απειθηϲαϲιν ποτε οτε απεξεδεχετο η του θ̅υ̅ μακροθυμια εν ημεραιϲ νωε καταϲκευαζομενηϲ κειβωτου ειϲ ην ολιγοι τουτ εϲτιν οκτω ψυχαι διεϲωθηϲαν δι υδατοϲ
21 ο και υμαϲ αντιτυπο̅ νυν ϲωζει βαπτιϲμα ου ϲαρκοϲ αποθεϲιϲ ρυπου αλλα ϲυνειδηϲεωϲ αγαθηϲ επερωτημα ειϲ θ̅ν̅ δι αναϲταϲεωϲ ι̅υ̅ χ̅υ̅
22 οϲ εϲτιν εν δεξια θ̅υ̅ πορευθειϲ ειϲ ουρανον υποταγεντων αυτω αγγελων και εξουϲιων και δυναμεων
Нашли в тексте ошибку? Выделите её и нажмите:
Ctrl + Enter
Первое соборное послание апостола Петра, 3 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.