1 και παραγων ιδεν ανθρωπον τυφλον εκ γενετηϲ καθημενον
2 και ηρωτηϲαν αυτον οι μαθηται ραββει τιϲ ημαρτεν ουτοϲ η οι γονειϲ αυτου ινα τυφλοϲ γεννηθη
3 απεκριθη ο ι̅η̅ϲ̅ ουτε ουτοϲ ημαρτεν ουτε οι γονειϲ αυτου αλλ ινα φανερωθη τα εργα του θ̅υ̅ εν αυτω
4 δι ημαϲ εργαζεϲθαι τα εργα του πεμψαντοϲ με εωϲ ημερα εϲτιν ερχεται νυξ οτε ουδειϲ δυναται εργαζεϲθαι
5 οταν ω εν τω κοϲμω φωϲ ειμει του κοϲμου
6 ταυτα ειπων επτυϲεν χαμαι και εποιηϲεν πηλον εκ του πτυματοϲ και επεχρειϲεν αυτω τον πηλον επι τουϲ οφθαλμουϲ αυτου
7 και ειπεν υπαγε νιψαι ειϲ την κολυμβηθραν του ϲιλωαμ ο μεθερμηνευεται απεϲταλμενοϲ απηλθεν ουν και ενιψατο και ηλθεν βλεπων
8 οι ουν γειτονεϲ και οι θεωρουντεϲ αυτον το προτερον οτι προϲετηϲ ην ελεγον ουχ ουτοϲ εϲτιν ο καθημενοϲ και προϲαιτων
9 αλλοι ελεγον οτι ουτοϲ εϲτιν ετεροι δε οτι ομοιοϲ αυτω εϲτιν εκεινοϲ ελεγεν οτι εγω ειμι
10 ειπον ουν αυτω πωϲ ουν ηνεωχθηϲαν ϲου οι οφθαλμοι
11 απεκριθη εκεινοϲ ανθρωποϲ λεγομενοϲ ι̅η̅ϲ̅ πηλον εποιηϲεν και επεχριϲεν μου τουϲ οφθαλμουϲ και ειπεν μοι υπαγε ειϲ τον ϲειλωαμ και νιψαι απελθον ουν και ενιψαμην και ηλθον βλεπων
12 ειπαν ουν αυτω που εϲτιν εκεινοϲ λεγει αυτοιϲ ουκ οιδα
13 και αγουϲιν αυτον προϲ τουϲ φαριϲαιουϲ τον ποτε τυφλον
14 ην δε ϲαββατον οτε τον πηλον εποιηϲεν ο ι̅η̅ϲ̅ και ηνυξεν αυτου τουϲ οφθαλμουϲ
15 παλιν ουν επηρωτων αυτον και οι φαριϲαιοι πωϲ ανεβλεψεν ο δε ειπεν αυτοιϲ πηλον επεθηκεν επι τουϲ οφθαλμουϲ μου και ενιψαμην και βλεπω
16 ελεγον ουν εκ των φαριϲαιων τινεϲ ουκ εϲτιν ουτοϲ παρα θ̅υ̅ ο ανθρωποϲ οτι το ϲαββατον ου τηρει αλλοι δε ελεγαν πωϲ δυναται ανθρωποϲ αμαρτωλοϲ τοιαυτα ϲημεια ποιειν και ϲχιϲμα ην εν αυτοιϲ
17 ελεγον ουν τω τυφλω ϲυ τι λεγειϲ περι εαυτου οτι ηνυξεν ϲου τουϲ οφθαλμουϲ ο δε ειπεν οτι προφητηϲ εϲτιν
18 ουκ επιϲτευϲαν οι ιουδαιοι περι αυτου εωϲ ου εφωνηϲαν τουϲ γονειϲ του αναβλεψαντοϲ
19 και επηρωτηϲαν αυτουϲ λεγοντεϲ ει εϲτιν ουτοϲ ο υιοϲ υμων ον υμειϲ λεγετε οτι τυφλοϲ εγεννηθηθη πωϲ ουν βλεπει αρτι
20 απεκριθηϲαν αυτοιϲ οι γονειϲ αυτου και ειπον οιδαμεν οτι ουτοϲ εϲτιν ο υιοϲ ημων και οτι τυφλοϲ εγεννηθη
21 πωϲ δε νυν βλεπει ουκ οιδαμεν η τιϲ αυτου ηνοιξε τουϲ οφθαλμουϲ ημειϲ ουκ οιδαμεν αυτον επερωτηϲατε ηλικιαν εχει αυτοϲ περι αυτου λαληϲει
22 ταυτα ειπον οι γονειϲ αυτου οτι εφοβουντο τουϲ ιουδαιουϲ ηδη γαρ ϲυνετεθιντο οι ιουδαιοι ινι εαν τιϲ ομολογηϲη αυτον χ̅ρ̅ν̅ ειναι αποϲυναγωγοϲ γενηται
23 δια τουτο οι γονειϲ αυτου ειπαν ηλικιαν εχει αυτον ερωτατε
24 εφωνηϲαν ουν αυτον εκ δευτερου οϲ ην τυφλοϲ και ειπαν αυτω δοϲ δοξαν τω θ̅ω̅ ημειϲ οιδαμεν οτι ο ανθρωποϲ ουτοϲ αμαρτωλοϲ εϲτιν
25 απεκρειθη ουν εκεινοϲ ει αμαρτωλοϲ εϲτιν ουκ οιδα εν οιδα οτι τυφλοϲ ημην και αρτι βλεπω
26 ειπον ουν αυτω τι εποιηϲεν ϲοι και πωϲ ηνυξεν ϲου τουϲ οφθαλμουϲ
27 ο δε ειπεν ειπον υμειν ηδη και ουκ ηκουϲατε τι θελετε παλιν ακουϲαι μη και υμειϲ θελετε μαθηται αυτου γενεϲθαι
28 οι δε ελοιδορηϲαν αυτον και ειπαν ϲυ μαθητηϲ εκεινου ει ημειϲ του μωυϲεωϲ εϲμεν μαθηται
29 ημειϲ οιδαμεν οτι μωυϲει λελαληκεν ο θ̅ϲ̅ και οτι θ̅ϲ̅ αμαρτωλων ουκ ακουει τουτον δε ουκ οιδαμεν ποθεν εϲτιν
30 απεκριθη ο ανθρωποϲ και ειπεν εν τουτω ουν θαυμαϲτον εϲτιν οτι υμειϲ ουκ οιδατε ποθεν τιν και ηνυξε μου τουϲ οφθαλμουϲ
31 οιδαμεν οτι ο θ̅ϲ̅ αμαρτωλων ουκ ακουει αλλ εαν τιϲ θεοϲεβηϲ η και το θελημα αυτου ποιη τουτου ακουει
32 εκ του αιωνοϲ ουκ ηκουϲθη οτι ηνυξε τιϲ οφθαλμουϲ τυφλου γεγεννημενου
33 ει μη ουτοϲ παρα θ̅υ̅ ην ουκ ηδοινατο ποιειν ουδεν
34 απεκριθηϲαν αυτω και ειπαν εν αμαρτιαιϲ ϲυ εγεννηθηϲ ολοϲ και ϲυ διδαϲκειϲ ημαϲ και εξεβαλον αυτον εξω
35 και ηκουϲεν ο ι̅η̅ϲ̅ οτι εξεβαλον αυτον και ευρεν αυτον και ειπεν ϲυ πιϲτευειϲ ειϲ τον υιον του ανθρωπου
36 απεκριθη εκεινοϲ και ειπεν και τιϲ εϲτιν κ̅ε̅ ινα πιϲτευϲω ειϲ αυτον
37 απεκριθη αυτω ο ι̅η̅ϲ̅ και εωρακαϲ αυτον και ο μετα ϲου λαλων εκεινοϲ εϲτιν
38 ο δε εφη πιϲτευω κ̅ε̅ και προϲεκυνηϲεν αυτο̅
39 και ειπεν ο ι̅η̅ϲ̅ εγω ειϲ κριμα ηλθον ειϲ τον κοϲμο̅ τουτον ινα οι μη βλεποντεϲ βλεπωϲιν και οι βλεποντεϲ τυφλοι γενωνται
40 ηκουϲαν δε εκ των φαριϲαιων οι μετ αυτου οντεϲ και ειπαν αυτω μη και ημειϲ τυφλοι εϲμεν
41 ειπεν ουν ο ι̅η̅ϲ̅ αυτοιϲ ει τυφλοι ητε ουκ ειχετε αμαρτιαν νυν δε λεγετε οτι βλεπομεν αι αμαρτιαι υμων μενουϲιν
Нашли в тексте ошибку? Выделите её и нажмите:
Ctrl + Enter
Евангелие от Иоанна, 9 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.