1 ταυτα ελαληϲεν ο ι̅η̅ϲ̅ και επαραϲ τουϲ οφθαλμουϲ αυτου ειϲ τον ουρανον ειπεν πατερ εληλυθεν η ωρα δοξαϲον ϲου τον υιον ινα ο υιοϲ ϲου δοξαϲη ϲε
2 καθωϲ εδωκαϲ αυτω εξουϲιαν παϲηϲ ϲαρκοϲ ινα παν ο δεδωκαϲ αυτω εχη ζωην αιωνιον
3 αυτη δε εϲτιν η αιωνιοϲ ζωη ινα γεινωϲκουϲιν ϲε τον μονον αληθινον θ̅ν̅ και ον απεϲτειλαϲ ι̅η̅ν̅ χ̅ρ̅ν̅ ιϲ τουτον τον κοϲμον
4 εγω ϲε εδοξαϲα επι τηϲ γηϲ και το εργον ετελειωϲα ο εδωκαϲ μοι ινα ποιηϲω
5 και νυν δοξαϲον με ϲυ πατηρ παρα ϲεαυτω τη δοξη η ειχον παρα ϲοι προ του γενεϲθαι τον κοϲμον
6 εφανερωϲα το ονομα ϲου τοιϲ ανθρωποιϲ ουϲ εδωκαϲ μοι εκ του κοϲμου ϲοι ηϲαν και εμοι αυτουϲ εδωκαϲ και τον λογον ϲου τετηρηκαν
7 νυν εγνωκαν οτι παντα οϲα δεδωκαϲ μοι παρα ϲου εϲτιν
8 οτι τα ρηματα ϲου α εδωκαϲ μοι δεδωκα αυτοιϲ και αυτοι ελαβον αληθωϲ οτι παρα ϲου εξηλθον και επιϲτευϲαν οτι ϲυ με απεϲτιλαϲ
9 εγω περι αυτων ερωτω ου περι του κοϲμου ερωτω αλλα περι ων εδωκαϲ μοι οτι ϲοι ειϲιν
10 και τα εμα παντα ϲα εϲτιν και τα ϲα εμα εϲτιν και εδοξαϲαϲμε εν αυτοιϲ
11 και ουκετι ειμι εν τουτω τω κοϲμω και ουτοι εν τω κοϲμω ειϲιν καγω προϲ ϲε ερχομαι ουκετι ειμι εν τω κοϲμω και εν τω κοϲμω ειμι πατερ αγιε τηρηϲον αυτουϲ εν τω ονοματι ϲου και οτε ημην μετ αυτων εγω ετηρουν αυτουϲ εν τω ονοματι ϲου ο δεδωκαϲ μοι ινα ωϲιν εν καθωϲ ημειϲ
12 οτε ημην μετ αυτων εγω ετηρουν αυτουϲ εν τω ονοματι ϲου ουϲ δεδωκαϲ μοι εφυλαξα και ουδειϲ εξ αυτων απωλετο ει μη ο υιοϲ τηϲ απωλειαϲ ινα η γραφη πληρωθη
13 νυν δε προϲ ϲε ερχομαι και ταυτα λαλω εν τουτω τω κοϲμω ινα εχωϲιν την χαραν την εμην πεπληρωμενην εν αυτοιϲ
14 εγω δε εδωκα τον λογον ϲου εν αυτοιϲ και ο κοϲμοϲ μειϲει αυτουϲ οτι ουκ ειϲιν εκ τουτου του κοϲμου
15 ουκ ερωτω ινα αρηϲ αυτουϲ εκ του κοϲμου αλλ ινα τηρηϲηϲ αυτουϲ εκ του πονηρου
16 εκ τουτου του κοϲμου ουκ ειϲιν καθωϲ καγω ουκ ειμι εκ του κοϲμου
17 αγιαϲον αυτουϲ εν τη αληθεια ο λογοϲ ο ϲοϲ αληθεια εϲτιν
18 καθωϲ εμε απεϲτειλαϲ ειϲ τουτον τον κοϲμον καγω απεϲτειλα αυτουϲ ειϲ τουτον τον κοϲμον
19 και υπερ αυτων εγω αγιαζω εμαυτον ινα ωϲιν και αυτοι ηγιαϲμενοι εν αληθεια
20 ου περι τουτων δε ερωτω μονον αλλα και περι των πιϲτευοντων δια του λογου αυτων ειϲ εμε
21 ινα παντεϲ εν ωϲιν καθωϲ ϲυ πατηρ εν εμοι καγω εν ϲοι ινα και αυτοι εν ημειν ωϲιν ινα ο κοϲμοϲ πιϲτευϲη οτι ϲυ με απεϲτειλαϲ
22 καγω την δοξαν ην εδωκαϲ μοι δεδωκα αυτοιϲ ινα ωϲιν το εν καθωϲ ημειϲ εν
23 ϲυ εν εμοι καγω εν αυτοιϲ ινα ωϲιν τετελιωμενοι ειϲ το εν ινα γεινωϲκη ο κοϲμοϲ οτι ϲυ με απεϲτειλαϲ και ηγαπηϲα αυτουϲ καθωϲ ϲυ με ηγαπηϲαϲ
24 πατερ ο δεδωκαϲ μοι θελω ινα οπου ειμι εγω κακεινοι ωϲιν μετ εμου ινα θεωρωϲι την δοξαν ην δεδωκαϲ μοι οτι ηγαπηϲαϲ με προ καταβοληϲ κοϲμου
25 πατερ δικαιε ο κοϲμοϲ τουτοϲ ϲε ουκ εγνω εγω δε ϲε εγνωκα και ουτοι εγνωϲαν οτι ϲυ με απεϲτειλαϲ
26 και εγνωριϲα αυτοιϲ το ονομα ϲου και γνωριϲω ινα η αγαπη η ηγαπηϲαϲ με εν αυτοιϲ η καγω εν αυτοιϲ
Нашли в тексте ошибку? Выделите её и нажмите:
Ctrl + Enter
Евангелие от Иоанна, 17 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.