1 μετα ταυτα περιεπατει ο ι̅η̅ϲ̅ εν τη γαλιλαια ου γαρ ηθελεν εν τη ιουδαια περιπατειν οτι εζητουν αυτον οι ιουδαιοι αποκτειναι
2 ην δε εγγυϲ η εορτη των ιουδαιων η ϲκενοπηγεια
3 ειπον ουν προϲ αυτον οι αδελφοι αυτου μεταβηθι εντευθεν και υπαγε ειϲ την γαλιλαια̅ ινα και οι μαθηται ϲου θεωρηϲουϲιν τα εργα α ποιειϲ
4 ουδιϲ γαρ εν κρυπτω τι ποιει και ζητει εν παρηϲια αυτο ειναι ει ταυτα ποιειϲ φανερωϲον ϲεαυτον τω κοϲμω
5 οιδε γαρ οι αδελφοι αυτου επιϲτευϲαν ειϲ αυτον τοτε
6 λεγει αυτοιϲ ο ι̅η̅ϲ̅ ο καιροϲ ο εμοϲ ουπω παρεϲτιν ο δε καιροϲ ο υμετεροϲ παντοτε εϲτιν ετοιμοϲ
7 ου δυναται ο κοϲμοϲ μιϲειν υμαϲ εμε δε μιϲει οτι εγω μαρτυρω περι αυτου οτι τα εργα αυτου πονηρα εϲτιν
8 υμειϲ αναβητε ειϲ την εορτην εγω ουκ αναβαινω ειϲ την εορτην ταυτην οτι ο εμοϲ καιροϲ ουπω πεπληρωται
9 ταυτα ειπων αυτοϲ εμεινεν ειϲ την γαλιλαιαν
10 ωϲ δε ανεβηϲαν οι αδελφοι αυτου τοτε και αυτοϲ ανεβη ειϲ την εορτην ου φανερωϲ αλλ εν κρυπτω
11 οι ουν ιουδαιοι εζητουν αυτον εν τη εορτη και ελεγον που εϲτιν εκεινοϲ
12 και γογγυϲμοϲ ην περι αυτου εν τω οχλω οι μεν ελεγον οτι αγαθοϲ εϲτιν αλλοι ελεγον ου αλλα πλανα τον οχλον
13 ουδειϲ μεντοι παρηϲεια ελαλει περι αυτου δια τον φοβον των ιουδαιων
14 ηδη δε τηϲ εορτηϲ μεϲαζουϲηϲ ανεβη ο ι̅η̅ϲ̅ ειϲ το ιερον και εδιδαϲκεν
15 εθαυμαζον ουν οι ιουδαιοι λεγοντεϲ πωϲ ουτοϲ γραμματα οιδεν μη μεμαθηκωϲ
16 απεκριθη αυτοιϲ ο ι̅η̅ϲ̅ και ειπεν η εμη διδαχη ουκ εϲτιν εμη αλλα του πεμψαντοϲ με
17 εαν τιϲ θελη το θελημα αυτου ποιειν γνωϲεται περι τηϲ διδαχηϲ ποτερον εκ θ̅υ̅ εϲτι̅ η εγω απ εμαυτου λαλω
18 ο αφ εαυτου λαλων την δοξαν την ιδιαν ζητει ο δε ζητων την δοξαν του πεμψαντοϲ αυτον ουτοϲ αληθηϲ εϲτιν και αδικια εν αυτω ουκ εϲτιν
19 ου μωυϲηϲ εδωκεν υμειν τον νομον και ουδιϲ εξ υμων ποιει τον νομον τι με ζητειτε αποκτεινε
20 απεκριθη ο οχλοϲ και ειπεν δαιμονιον εχειϲ τιϲ ϲε ζητει αποκτειναι
21 {απεκρι} [14] ο ι̅η̅ϲ̅ και ειπεν εν εργον εποιηϲα και υμειϲ θαυμαζεται
22 δια τουτο εδωκεν υμειν μωυϲηϲ την περιτομην ουχ οτι εκ μωυϲεωϲ εϲτειν αλλα εκ των πατερων και εν ϲαββατω περιτεμνετε ανθρωπον
23 ει ουν περιτομην λαμβανει ανθρωποϲ εν ϲαββατω ινα μη λυθη ο νομοϲ μωυϲεωϲ πωϲ εμοι χολατε οτι ολον ανθρωπον υγιη εποιηϲα εν ϲαββατω
24 μη κρινετε κατ οψιν αλλα την δικαιαν κριϲιν κρεινετε
25 ελεγον ουν τινεϲ εκ των ιεροϲολυμειτων ουχ ουτοϲ εϲτιν ον ζητουϲιν αποκτειναι
26 και ιδε παρρηϲια λαλει και ουδεν αυτω λεγουϲιν μητι αληθωϲ οι αρχοντεϲ εγνωϲαν οτι ουτοϲ εϲτιν ο χ̅ρ̅ϲ̅
27 αλλα τουτον οιδαμεν ποθεν εϲτιν ο δε χ̅ρ̅ϲ̅ οταν ερχηται ουδειϲ γεινωϲκει ποθεν εϲτι̅
28 εκραζεν ουν ο ι̅η̅ϲ̅ διδαϲκων εν τω ιερω και λεγων καμε οιδατε και οιδατε ποθεν ειμι και απ εμαυτου ουκ εληλυθα αλλ εϲτιν αληθινοϲ ο πεμψαϲ με ον υμειϲ {ου δατε} [15]
29 εγω δε οιδα αυτον οτι παρ αυτου ειμι κακεινοϲ με απεϲταλκεν
30 εζητουν ουν αυτον πιαϲαι και ουδειϲ επεβαλεν επ αυτον την χειρα οτι ουπω εληλυθει η ωρα αυτου
31 πολλοι δε επιϲτευϲαν εκ του οχλου ειϲ αυτον και ελεγαν ο χ̅ρ̅ϲ̅ οταν ελθη μη πλεονα ϲημεια ποιηϲει ων ουτοϲ ποιει
32 ηκουϲαν δε οι φαριϲαιοι του οχλου γογγυζοντοϲ περι αυτου και απεϲτειλαν υπηρεταϲ οι αρχειερειϲ και οι φαριϲαιοι ινα πειαϲωϲιν αυτον
33 ειπεν ουν ο ι̅η̅ϲ̅ ετι μεικρον χρονον μεθ υμων ειμει και υπαγω προϲ τον πεμψαντα με
34 ζητηϲετε με και ουχ ευρηϲετε και οπου ειμι εγω υμειϲ ου δυναϲθαι ελθειν
35 ειπον ουν οι ιουδαιοι προϲ εαυτουϲ που μελλει ουτοϲ πορευεϲθαι οτι ουχ ευρηϲομε̅ αυτον μητι ειϲ την διαϲποραν των ελληνων μελλει πορευεϲθαι και διδαϲκειν τουϲ ελληναϲ
36 τιϲ εϲτιν ο λογοϲ ουτοϲ ον ειπεν ζητηϲετε με και ουχ ευρηϲετε και οπου ειμι εγω υμειϲ ου δυναϲθαι ελθειν
37 εν δε τη ημερα τη μεγαλη τη εϲχατη τηϲ εορτηϲ ιϲτηκει ο ι̅η̅ϲ̅ και εκραζεν λεγων εαν τιϲ διψα ερχεϲθω και πεινετω
38 ο πιϲτευων ειϲ εμε καθωϲ ειπεν η γραφη ποταμοι εκ τηϲ κοιλιαϲ αυτου ρευϲουϲιν υδατοϲ ζωντοϲ
39 τουτο δε ειπεν περι του π̅ν̅ϲ̅ ου εμελλον λαμβανειν οι πιϲτευοντεϲ ειϲ αυτο̅ ουπω γαρ ην το π̅ν̅α̅ αγιον επ αυτοιϲ οτι ι̅η̅ϲ̅ ουπω εδοξαϲθη
40 εκ του οχλου ουν ακουϲαντεϲ αυτου των λογων τουτων ελεγον οτι ουτοϲ εϲτιν αληθωϲ ο προφητηϲ
41 αλλοι ελεγον οτι ουτοϲ εϲτιν ο χ̅ρ̅ϲ̅ αλλοι ελεγαν μη γαρ εκ τηϲ γαλιλαιαϲ ο χ̅ρ̅ϲ̅ ερχεται
42 ουχει η γραφη λεγει οτι εκ ϲπερματοϲ δαυειδ και απο βηθλεεμ τηϲ κωμηϲ ο χ̅ρ̅ϲ̅ ερχεται οπου ην δαυειδ
43 ϲχιϲμα ουν εγενετο ειϲ τον οχλον δι αυτον
44 τινεϲ δε ηθελον εξ αυτων πιαϲαι αυτον αλλ ουδειϲ επεβαλεν επ αυτον ταϲ χειραϲ
45 ηλθον ουν οι υπηρεται προϲ τουϲ αρχιερειϲ και φαριϲαιουϲ και ειπον αυτοιϲ εκεινοι δια τι ουκ ηγαγατε αυτον
46 απεκριθηϲαν δε οι υπηρεται ουδεποτε ουτωϲ ανθρωποϲ ελαληϲεν ωϲ ουτοϲ λαλει
47 απεκριθηϲαν αυτοιϲ οι φαριϲαιοι μη κε υμειϲ πεπλανηϲθαι
48 μη τιϲ εκ των αρχοντων πιϲτευει ειϲ αυτον η εκ των φαριϲαιων
49 αλλα ο οχλοϲ ουτοϲ ο μη γεινωϲκων τον νομον επικαταρατοι ειϲιν
50 λεγει νεικοδημοϲ προϲ αυτουϲ ειϲ ων εξ αυτω̅ ο ελθων προϲ αυτον νυκτοϲ το πρωτον
51 μη ο νομοϲ ημων κρεινι τον ανθρωπον εαν μη ακουϲη πρωτον παρ αυτου και επιγνωϲθη τι εποιηϲεν
52 απεκριθηϲαν και ειπαν αυτω μη και ϲοι εκ τηϲ γαλιλαιαϲ ει ερευνηϲον και ιδε ταϲ γραφαϲ οτι προφητηϲ εκ τηϲ γαλιλαιαϲ ουκ εγειρεται
53 και επορευθηϲαν εκαϲτοϲ ειϲ τον οικον αυτου
Примечания:
21 [14] {απεκρειθη}
28 [15] {ουκ οιδατε}
Нашли в тексте ошибку? Выделите её и нажмите:
Ctrl + Enter
Евангелие от Иоанна, 7 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.