1 μετα ταυτα περιεπατει ο ι̅ϲ̅ εν τη γαλιλαια ου γαρ ηθελεν εν τη ιουδαια περιπατειν οτι εζητουν αυτον οι ιουδαιοι αποκτιναι
2 ην δε εγγυϲ η εορτη των ιουδαιω̅ η ϲκηνοπηγια
3 ειπον ουν οι αδελφοι αυτου προϲ αυτον μεταβηθι εντευθεν και υπαγε ειϲ την ιουδαιαν ινα και οι μαθηται ϲου θεωρουϲιν τα εργα α ποιειϲ
4 ουδιϲ γαρ τι εν κρυπτω ποιων ζητι αυτοϲ εν παρρηϲια ειναι ει ταυτα ποιειϲ φανερωϲον ϲεαυτον τω κοϲμω
5 ουδε γαρ οι αδελφοι αυτου επιϲτευον ειϲ αυτον
6 λεγει αυτοιϲ ι̅ϲ̅ ο καιροϲ ο εμοϲ ου παρεϲτιν ο δε καιροϲ ο υμετεροϲ παντοτε εϲτιν ετοιμοϲ
7 ο κοϲμοϲ ου δυναται μιϲειν υμαϲ εμε δε μιϲει οτι μαρτυρω οτι τα εργα αυτου πονηρα εϲτιν
8 υμειϲ αναβηται ειϲ την εορτην ταυτην εγω ουκ αναβαινω ειϲ την εορτην ταυτην οτι εμοϲ καιροϲ ουπω πεπληρωται
9 ταυτα ειπων αυτοϲ εμινεν εν τη γαλιλαια
10 ωϲ δε ανεβηϲαν οι αδελφοι αυτου ειϲ την εορτην τοτε και αυτοϲ ανεβη ου φανερωϲ αλλ εν κρυπτω
11 οι ουν ιουδαιοι εζητουν αυτον εν τη εορτη και ελεγον που εϲτιν εκινοϲ
12 και γογγυϲμοϲ πολυϲ ην περι αυτου εν τω οχλω οι με̅ ελεγον οτι αγαθοϲ εϲτιν αλλοι ελεγο̅ ου αλλα πλανα το̅ οχλον
13 ουδιϲ μεντοι παρρηϲια περι αυτου ελαλει δια τον φοβον των ιουδαιων
14 ηδη δε τηϲ {ερτηϲ} [30] μεϲουϲηϲ ανεβη ι̅ϲ̅ ειϲ το ιερον και εδιδαϲκεν
15 εθαυμαζον ουν οι ιουδαιοι λεγοντεϲ πωϲ ουτοϲ γραμματα οιδεν μη μεμαθηκωϲ
16 απεκριθη ουν αυτοιϲ ι̅ϲ̅ και ειπεν η εμη διδαχη ουκ εϲτιν εμη αλλα του πεμψαντοϲ με
17 εαν τιϲ θελη το θελημα αυτου ποιειν γνωϲεται περι τηϲ διδαχηϲ ποτερον εκ θ̅υ̅ εϲτιν η εγω απ εμαυτου λαλω
18 ο αφ εαυτου λαλω̅ την δοξαν την ιδιαν ζητι και ο ζητων την δοξα̅ του πεμψαντοϲ αυτον ουτοϲ αληθηϲ εϲτιν και αδικια εν αυτω ουκ εϲτι̅
19 ου μωυϲηϲ δεδωκεν υμιν τον νομον και ουδιϲ εξ υμων ποιει τον νομον τι με ζητειται αποκτιναι
20 απεκριθη ο οχλοϲ δαιμονιον εχειϲ τιϲ ϲε ζητι αποκτιναι
21 απεκριθη ι̅ϲ̅ και ειπεν αυτοιϲ εν εργον εποιηϲα και παντεϲ θαυμαζετε
22 ο μωυϲηϲ δεδωκεν υμιν την περιτομην ουχ οτι εκ του μωϲεωϲ εϲτιν αλλ οτι εκ των πατερων και εν ϲαββατω περιτεμνετε ανθρωπον
23 ει περιτομην λαμβανι ανθρωποϲ εν ϲαββατω ινα μη λυθη ο νομοϲ ο μωυϲεωϲ εμοι χολαται οτι ολον ανθρωπον υγιη εποιηϲα εν ϲαββατω
24 μη κρινετε κατ οψιν αλλα την δικαιαν κριϲιν κρινατε
25 ελεγον ουν τινεϲ των ιεροϲολυμειτω̅ ουκ ουτοϲ εϲτιν ον ζητουϲιν αποκτιναι
26 και ιδε παρρηϲια λαλι και ουδεν αυτω λεγουϲιν μητι αληθωϲ εγνωϲαν οι αρχιερειϲ οτι ουτοϲ εϲτιν ο χ̅ϲ̅
27 αλλα τουτον οιδαμεν ποθεν εϲτιν ο χ̅ϲ̅ οταν ελθη μη πλιονα ϲημια ποιηϲει η οταν ερχεται ουδιϲ γινωϲκει αυτον ποθεν εϲτιν
28 εκραξεν ουν ο ι̅ϲ̅ εν τω ιερω διδαϲκων και λεγων και εμε οιδατε και οιδατε ποθε̅ ειμι και απ εμαυτου ουκ εληλυθα αλλα εϲτιν αληθηϲ ο πεμψαϲ με ον υμειϲ ουκ οιδαται
29 εγω δε οιδα αυτον οτι παρ αυτω ειμι κακεινοϲ με απεϲταλκεν
30 οι δε εζητουν αυτον πιαϲαι και ουδειϲ επεβαλεν επ αυτον την χειρα οτι ουπω εληλυθει η ωρα αυτου
31 πολλοι δε επιϲτευϲαν εκ του οχλου ειϲ αυτον και ελεγον ο χ̅ϲ̅ οταν ελθη μη πλιονα ϲημεια ποιηϲει ω̅ ουτοϲ ποιει
32 ηκουϲαν δε οι φαριϲαιοι του οχλου γογγυζοντοϲ ταυτα περι αυτου και απεϲτιλαν τουϲ υπηρεταϲ οι αρχιερειϲ και οι φαριϲαιοι ινα πιαϲωϲιν αυτον
33 ειπεν ουν ο ι̅ϲ̅ ετι χρονον μικρον μεθ υμων ειμι και υπαγω προϲ τον πεμψαντα με
34 ζητηϲετε με και ουχ ευρηϲετε και οπου ειμι εγω υμιϲ ου δυναϲθαι ελθιν
35 ειπον ουν οι ιουδαιοι που ουτοϲ μελλει πορευεϲθε οτι ουχ ευρηϲομεν αυτον μη ειϲ την διαϲπορα̅ των ελληνων μελλει πορευεϲθε και διδαϲκιν τουϲ ελληναϲ
36 τι εϲτιν ουτοϲ ο λογοϲ ον ειπε ζητηϲετε με και ουχ ευρηϲετε και οπου ειμι εγω υμιϲ ου δυναϲθαι ελθι̅
37 εν δε τη εϲχατη ημερα τη μεγαλη τηϲ εορτηϲ ιϲτηκει ο ι̅ϲ̅ και εκραζεν λεγων εαν τιϲ διψα ερχεϲθω και πινετω
38 ο πιϲτευων ειϲ εμε καθωϲ ειπεν η γραφη ποταμοι εκ τηϲ κοιλιαϲ αυτου ρευϲουϲιν υδατοϲ ζωντοϲ
39 τουτο δε ελεγεν περι του π̅ν̅ϲ̅ ου ημελλον λαμβανιν οι πιϲτευοντεϲ ειϲ αυτον ουπω γαρ ην π̅ν̅α̅ οτι ι̅ϲ̅ ουπω δεδοξαϲτο
40 εκ του οχλου ουν ακουϲα̅τεϲ αυτου των λογων τουτων ελεγο̅ αληθωϲ ουτοϲ εϲτιν ο προφητηϲ
41 αλλοι ελεγον ουτοϲ εϲτιν ο χ̅ϲ̅ αλλοι ελεγον μη γαρ εκ τηϲ γαλιλαιαϲ ο χ̅ϲ̅ ερχεται
42 ουχι η γραφη ειπεν οτι εκ του ϲπερματοϲ δ̅α̅δ̅ και απο βηθλεεμ τηϲ κωμηϲ οπου ην ο δ̅α̅δ̅ ο χ̅ϲ̅ ερχεται
43 ϲχιϲμα ουν εγενετο εν τω οχλω δι αυτον
44 τινεϲ δε ελεγον εξ αυτω̅ πιαϲαι αυτον αλλ ουδιϲ επεβαλεν αυτω ταϲ χιραϲ
45 ηλθον ουν οι υπηρεται προϲ τουϲ αρχιερειϲ και φαριϲαιουϲ και λεγουϲιν αυτοιϲ εκεινοι δια τι ουκ ηγαγετε αυτον
46 οι δε υπηρεται απεκριθηϲα̅ ουδεποτε ουτωϲ ανθρωποϲ ελαληϲεν ωϲ ουτοϲ λαλει ο ανθρωποϲ
47 απεκριθηϲαν αυτοιϲ οι φαριϲαιοι μη και υμιϲ πεπλανηϲθαι
48 μη τιϲ εκ των αρχοντων πιϲτευει ειϲ αυτον η εκ τω̅ φαριϲαιων
49 αλλ ο οχλοϲ ουτοϲ ο μη γινωϲκων τον νομον επαρατοι ειϲιν
50 ειπεν δε νικοδημοϲ προϲ αυτουϲ ειϲ ων εξ αυτων
51 μη ο νομοϲ ημω̅ κρινι τον ανθρωπον εαν μη ακουϲη πρωτον και γνω τι ποιει
52 απεκριθηϲαν και ειπον αυτω μη και ϲυ εκ τηϲ γαλιλαιαϲ ει εραυνηϲον και ιδε οτι προφητηϲ εκ τηϲ γαλιλαιαϲ ουκ εγειρεται
53 [отсутствует]
Примечания:
14 [30] {εορτηϲ}
Нашли в тексте ошибку? Выделите её и нажмите:
Ctrl + Enter
Евангелие от Иоанна, 7 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.