Библия » Синайский кодекс – 4 век

ΚΑΤΑ ΙΩΑΝΝΗΝ 14 κεφάλαιο

1 μη ταραϲϲεϲθω υμων η καρδια πιϲτευεται ειϲ τον θ̅ν̅ και ειϲ εμε πιϲτευετε
2 εν τη οικια του πατροϲ μου μοναι πολλαι ειϲι̅ ει δε μη ειπον υμιν οτι πορευομαι ετοιμαϲαι τοπον υμιν
3 και εαν πορευθω και ετοιμαϲω τοπον υμι̅ παλιν ερχομαι και παραλημψομαι υμαϲ προϲ εμαυτον ινα οπου ειμι εγω και υμιϲ ητε
4 και οπου εγω υπαγω οιδατε τη̅ οδον
5 λεγει αυτω θωμαϲ κ̅ε̅ ουκ οιδαμεν που υπαγειϲ και πωϲ την οδον ειδεναι δυναμεθα
6 λεγει αυτω ι̅ϲ̅ εγω ειμι η οδοϲ και η αληθεια και η ζωη ουδιϲ ερχεται προϲ τον πατερα ει μη δι εμου
7 ει εγνωκατε εμε και τον πατερα μου γνωϲεϲθαι και απ αρτι γνωϲεϲθαι αυτον και εωρακαται αυτον
8 λεγει αυτω ο φιλιπποϲ κ̅ε̅ δειξο̅ ημιν τον πατερα και αρκει ημιν
9 λεγει αυτω ο ι̅ϲ̅ τοϲουτω χρονω μεθ υμων ειμι και ουκ εγνωκαϲ με φιλιππε ο εωρακωϲ εμε εωρακεν το̅ πατερα πωϲ ϲυ λεγιϲ οτι δειξον ημιν τον πατερα
10 ου πιϲτευειϲ οτι εγω εν τω πατρι και ο πατηρ εν εμοι εϲτιν τα ρηματα α εγω λαλω υμιν απ εμαυτου ου λαλω ο δε πατηρ ο εν εμοι μενων ποιει τα εργα αυτου
11 πιϲτευεται μοι οτι εγω εν τω πατρι και ο πατηρ εν εμοι ει δε μη τα εργα αυτα πιϲτευετε
12 αμην αμην λεγω υμιν ο πιϲτευων ειϲ εμε τα εργα α εγω ποιω κακεινοϲ ποιηϲει και μειζονα τουτων ποιηϲει οτι εγω προϲ τον πατερα πορευομαι
13 και ο τι αν αιτηϲητε ε̅ τω ονοματι μου τουτο ποιηϲω ινα δοξαϲθη ο πατηρ εν τω υιω
14 εα̅ τι αιτηϲητε με εν τω ονοματι μου εγω ποιηϲω
15 εαν αγαπατε ταϲ εντολαϲ ταϲ εμαϲ τηρηϲητε
16 καγω τηρηϲω τον πατερα και αλλον παρακλητον δωϲει υμιν ινα μεθ υμω̅ η ειϲ τον αιωνα
17 το π̅ν̅α̅ τηϲ αληθιαϲ ο ο κοϲμοϲ ου δυναται λαβειν οτι ου θεωρει αυτο ουδε γινωϲκει υμιϲ γεινωϲκετε αυτο οτι παρ υμιν μενει και εν υμιν εϲται
18 ουκ αφηϲω υμαϲ ορφανουϲ ερχομαι προϲ υμαϲ
19 ετι μικρον και ο κοϲμοϲ με ουκετι θεωρει υμειϲ δε θεωρειτε με οτι εγω ζω και υμειϲ ζηϲεϲθαι
20 εν εκινη τη ημερα γνωϲεϲθαι υμιϲ οτι εγω εν τω πατρι μου και υμιϲ εν εμοι καγω εν υμιν
21 ο εχων ταϲ εντολαϲ μου και τηρω̅ αυταϲ εκεινοϲ εϲτιν ο αγαπων με ο δε αγαπων με αγαπηθηϲεται υπο του πατροϲ μου καγω αγαπηϲω αυτον και εμφανιϲω αυτω εμαυτον
22 λεγει αυτω ιουδαϲ ουχ ο ιϲκαριωτηϲ κ̅ε̅ και τι γεγονεν οτι ημιν μελλειϲ εμφανιζειν ϲεαυτον και ουχι τω κοϲμω
23 απεκριθη ι̅ϲ̅ και ειπεν αυτω εαν τιϲ αγαπα με τον λογον μου τηρηϲη και ο πατηρ μου αγαπηϲει αυτον και προϲ αυτο̅ ελευϲομεθα και μονην παρ αυτω ποιηϲομεθα
24 ο μη αγαπων με τουϲ λογουϲ μου ου τηρει και ο λογοϲ ον ακουεται ουκ εϲτιν εμοϲ αλλα του πεμψαντοϲ με πατροϲ
25 ταυτα λελαληκα υμιν παρ υμιν μενω̅
26 ο δε παρακλητοϲ πεμψει το π̅ν̅α̅ το αγιον ο πατηρ εν τω ονοματι μου εκεινοϲ υμαϲ διδαξει παντα και υπομνηϲει υμαϲ παντα α ειπον υμιν
27 ειρηνην αφιημι υμιν ειρηνην τη̅ εμην διδωμι υμι̅ ου καθωϲ ο κοϲμοϲ διδωϲιν υμιν εγω διδωμι υμιν μη ταραϲϲεϲθω υμω̅ η καρδια μηδε διλιατω
28 ηκουϲατε οτι εγω ειπον υμιν υπαγω και ερχομαι προϲ υμαϲ ει ηγαπατε με εχαρητε αν οτι πορευομαι προϲ τον πατερα οτι ο πατηρ μου μειζων μου εϲτι̅
29 και νυν ειρηκα υμιν πριν γενεϲθε ιν οταν γενηται πιϲτευϲητε
30 ουκετι πολλα λαληϲω μεθ υμων ερχεται γαρ ο του κοϲμου αρχων και εν εμοι ουκ εχει ουδεν
31 αλλ ινα γνω ο κοϲμοϲ οτι αγαπω τον πατερα και καθωϲ ενετιλατο μοι ο πατηρ ουτωϲ ποιω εγειρεϲθε αγωμε̅ εντευθεν
Нашли ошибку в тексте? Выделите её и нажмите: Ctrl + Enter

Евангелие от Иоанна, 14 глава

Обратите внимание. Номера стихов – это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007-2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.
Рекомендуем хостинг, которым пользуемся сами – Beget. Стабильный. Недорогой.