1 τον μεν πρωτο̅ λογον εποιηϲαμην περι παντω̅ ω θεοφιλε ων ηρξατο ο ι̅ϲ̅ ποιειν τε και διδαϲκιν
2 αχρι ηϲ ημεραϲ εντιλαμενοϲ τοιϲ αποϲτολοιϲ δια π̅ν̅ϲ̅ αγιου ουϲ εξελεξατο ανελημφθη
3 οιϲ και παρεϲτηϲεν εαυτον ζωντα μετα το παθει̅ αυτον εν πολλοιϲ τεκμηριοιϲ δι ημερων τεϲϲερακοντα οπτανομενοϲ αυτοιϲ ϗ λεγων τα περι τηϲ βαϲιλειαϲ του θ̅υ̅
4 και ϲυναλιζομενοϲ παρηγγειλε̅ αυτοιϲ απο ιεροϲολυμων μη χωριζεϲθαι αλλα περιμενιν την επαγγελιαν του πατροϲ ην ηκουϲατε μου
5 οτι ιωαννηϲ μεν εβαπτιϲεν υδατι υμειϲ δε εν π̅ν̅ι̅ βαπτιϲθηϲεϲθαι αγιω ου μετα πολλαϲ ταυταϲ ημεραϲ
6 οι μεν ουν ελθο̅τεϲ ηρωτων αυτον λεγοντεϲ κ̅ε̅ ει εν τω χρονω τουτω αποκαθιϲτανειϲ την βαϲιλειαν τω ι̅η̅λ̅
7 ειπεν δε προϲ αυτουϲ ουχ υμων εϲτιν γνωναι χρονουϲ η καιρουϲ ουϲ ο πατηρ εθετο εν τη ιδια εξουϲια
8 αλλα λημψεϲθαι δυναμιν επελθο̅τοϲ του αγιου π̅ν̅ϲ̅ εφ υμαϲ και εϲεϲθε μου μαρτυρεϲ εν τε ιερουϲαλημ και εν παϲη τη ιουδαια και ϲαμαρια και εωϲ αιϲχατου τηϲ γηϲ
9 και ταυτα ειποντω̅ βλεποντων αυτων επηρθη και νεφελη υπελαβε̅ αυτον απο των οφθαλμων αυτων
10 και ωϲ ατενιζοντεϲ ηϲαν ειϲ τον ουρανον πορευομενου αυτου και ιδου ανδρεϲ δυο παριϲτηκιϲαν αυτοιϲ εν εϲθηϲεϲι λευκαιϲ
11 οι και ειπαν ανδρεϲ γαλιλαιοι τι εϲτηκατε βλεποντεϲ ειϲ το̅ ουρανον ουτοϲ ο ι̅ϲ̅ ο αναλημφθειϲ αφ υμων ειϲ τον ουρανον ουτωϲ ελευϲεται ον τροπον εθεαϲαϲθαι αυτον πορευομενον ειϲ τον ουρανον
12 τοτε υπεϲτρεψαν ειϲ ι̅η̅λ̅μ̅ απο ορουϲ του καλουμενου ελεωνοϲ ο εϲτι̅ εγγυϲ ι̅η̅λ̅μ̅ ϲαββατου εχον οδον
13 και οτε ειϲηλθο̅ ειϲ το υπερωον ου ηϲαν καταμενοντεϲ ο τε πετροϲ και ιωαννηϲ και ιακωβοϲ και ανδρεαϲ φιλιπποϲ και θωμαϲ βαρθολομεοϲ και μαθθαιοϲ ιακωβοϲ αλφαιου και ϲιμων ζηλωτηϲ και ιουδαϲ ιακωβου
14 ουτοι παντεϲ ηϲα̅ ομοθυμαδον προϲκαρτερουντεϲ ομοθυμαδο̅ τη προϲευχη ϲυ̅ γυναιξιν και μαρια τη μητρι του ι̅υ̅ και τοιϲ αδελφοιϲ αυτου
15 και εν ταιϲ ημεραιϲ ταυταιϲ αναϲταϲ πετροϲ εν μεϲω των αδελφων ειπεν ην τε οχλοϲ ονοματων επι το αυτο ωϲει εκατον εικοϲι
16 ανδρεϲ αδελφοι εδει πληρωθηναι την γραφην ην προειπεν το π̅ν̅α̅ το αγιον δια ϲτοματοϲ δ̅α̅δ̅ περι ιουδα του γενομενου οδηγου τοιϲ ϲυλλαβουϲιν ι̅ν̅
17 οτι κατηριθμημενοϲ εν ημιν και ελαχεν τον κληρον τηϲ διακονιαϲ ταυτηϲ
18 ουτοϲ μεν ουν εκτηϲατο χωριο̅ εκ μιϲθου τηϲ αδικιαϲ και πρινηϲ γενομενοϲ ελακηϲεν μεϲοϲ και εξεχυθη παντα τα ϲπλαγχνα αυτου
19 ο και γνωϲτον εγενετο παϲι τοιϲ κατοικουϲιν ι̅η̅λ̅μ̅ ωϲτε κληθηναι το χωριο̅ εκεινο τη διαλεκτω αυτων αχελδαμαχ τουτ εϲτι̅ χωριον αιματοϲ
20 γεγραπται γαρ εν βιβλω ψαλμων γενηθητω η επαυλιϲ αυτου ερημοϲ και μη εϲτω ο κατοικων εν αυτη και την επιϲκοπην αυτου λαβετω ετεροϲ
21 δι ουν των ϲυνελθοντων ημιν ανδρων εν παντι χρονω ω ειϲηλθε̅ και εξηλθεν εφ ημαϲ ο κ̅ϲ̅ ι̅ϲ̅
22 αρξαμενοϲ απο του βαπτιϲματοϲ ιωαννου αχρι τηϲ ημεραϲ ηϲ ανελημφθη αφ ημων μαρτυρα τηϲ αναϲταϲεωϲ αυτου ϲυν ημιν γενεϲθαι ενα τουτων
23 και εϲτηϲα̅ δυο ιωϲηφ τον καλουμενον βαρϲαββαν οϲ επεκληθη ιουϲτοϲ και ματθιαν
24 και προϲευξαμενοι ειπαν ϲυ κ̅ε̅ καρδιογνωϲτα παντων αναδειξον ον εξελεξω εκ τουτων των δυο ενα
25 λαβειν τον κληρον τηϲ διακονιαϲ ταυτηϲ ϗ αποϲτοληϲ αφ ηϲ παρεβη ιουδαϲ πορευθηναι ειϲ τον τοπον τον ιδιον
26 και εδωκα̅ κληρουϲ αυτοιϲ και επεϲεν ο κληροϲ επι ματθιαν και κατεψηφιϲθη μετα των ενδεκα αποϲτολων
Нашли в тексте ошибку? Выделите её и нажмите:
Ctrl + Enter
Деяния апостолов, 1 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.