1 φηϲτοϲ ουν επιβαϲ τη επαρχιω μετα τριϲ ημεραϲ ανεβη ειϲ ιεροϲολυμα απο καιϲαριαϲ
2 ενεφανιϲαν τε αυτω οι αρχιερειϲ και οι πρωτοι των ιουδεων κατα του παυλου και παρεκαλουν αυτον
3 αιτουμενοι χαριν κατ αυτου οπωϲ μεταπεμψηται αυτον ειϲ ιερουϲαλημ ενεδραν ποιουντεϲ ανελειν αυτον κατα την οδον
4 ο μεν ουν φηϲτοϲ απεκριθη τηριϲθαι τον παυλον ειϲ καιϲαριαν εαυτο̅ δε μελλιν εν ταχει εκπορευεϲθαι
5 οι ουν εν ημιν φηϲιν δυνατοι καταβαντεϲ ει τι εϲτι̅ εν τω ανδρι ατοπο̅ κατηγοριτωϲαν αυτου
6 διατριψαϲ δε εν αυτοιϲ ου πλειουϲ ημεραϲ οκτω η δεκα καταβαϲ ειϲ κεϲαριαν τη επαυριον καθιϲαϲ επι του βηματοϲ εκελευϲεν τον παυλον προαχθηναι
7 παραγενομενου δε αυτου περιεϲτηϲαν αυτον οι απο ιεροϲολυμω̅ καταβεβηκοτεϲ ιουδαιοι πολλα και βαρεα αιτιωματα καταφεροντεϲ α ουκ ιϲχυϲαν αποδιξαι
8 του παυλου απολογουμενου οτι ουτε ειϲ τον νομον των ιουδαιω̅ ουτε ειϲ το ιερον ουτε ειϲ καιϲαρα τι ημαρτον
9 ο φηϲτοϲ δε θελω̅ τοιϲ ιουδαιοιϲ χαριν καταθεϲθαι αποκριθειϲ τω παυλω ειπεν θελειϲ ειϲ ιεροϲολυμα αναβαϲ εκει περι τουτων κριθηναι επ εμου
10 ειπεν δε ο παυλοϲ εϲτωϲ επι του βηματοϲ καιϲαροϲ ειμι ου με δι κρινεϲθαι ιουδαιουϲ ουδεν ηδικηκα ωϲ και ϲυ καλλιον επιγινωϲκειϲ
11 ει μεν ουν αδικω και αξιον θανατου πεπραχα τι ου παραιτουμε το αποθανιν ει δε ουδεν εϲτιν ω̅ ουτοι κατηγορουϲιν μου ουδειϲ με δυναται αυτοιϲ χαριϲαϲθαι καιϲαρα επικαλουμαι
12 τοτε ο φηϲτοϲ ϲυνλαληϲαϲ μετα του ϲυμβουλιου απεκριθη καιϲαρα επικεκληϲαι επι καιϲαρα πορευϲη
13 ημερων δε διαγενομενων τινων αγριππαϲ ο βαϲιλευϲ και βερνικη κατη̅τηϲαν ειϲ καιϲαριαν αϲπαϲαμενοι τον φηϲτον
14 ωϲ δε πλειουϲ ημεραϲ διετριβον εκει ο φηϲτοϲ τω βαϲιλει ανεθετο τα κατα τον παυλο̅ λεγων ανηρ τιϲ εϲτιν καταλελιμμενοϲ υπο φηλικοϲ δεϲμιοϲ
15 περι ου γενομενου μου ιϲ ιεροϲολυμα ενεφανιϲαν οι αρχιερειϲ και οι πρεϲβυτεροι τω̅ ιουδαιων αιτουμενοι κατ αυτου καταδικην
16 προϲ ουϲ απεκριθην οτι ουκ εϲτιν εθοϲ ρωμαιοιϲ χαριζεϲθαι τινα ανθρωπον πριν η ο κατηγορουμενοϲ εχοι κατα προϲωπον τουϲ κατηγορουϲ τοπον τε απολογιαϲ λαβοι περι του εγκληματοϲ
17 ϲυνελθοντων ουν αυτων ενθαδε αναβολην μηδεμια̅ ποιηϲαμενοι τη εξηϲ καθιϲαϲ επι του βηματοϲ εκελευϲα αχθηναι τον α̅δρα
18 περι ου ϲταθεντεϲ οι κατηγοροι ουδεμιαν αιτιαν εφερον ων εγω υπενοουν πονηρα
19 ζητηματα δε τινα περι τηϲ ιδιαϲ διϲιδαιμονιαϲ ειχον προϲ αυτον και περι τινοϲ ι̅υ̅ τεθνηκοτοϲ ον εφαϲκεν ο παυλοϲ ζην
20 απορουμενοϲ δε εγω την περι τουτων ζητηϲιν ελεγο̅ ει βουλοιτο κρινεϲθαι ειϲ ιεροϲολυμα κακει κρινεϲθαι περι τουτων
21 του δε παυλου επικαλεϲαμενου τηρηθηναι αυτον ειϲ την του ϲεβαϲτου διαγνωϲιν εκελευϲα τηριϲθαι αυτον εωϲ ου αναπεμψω αυτον προϲ καιϲαρα
22 αγριππαϲ δε προϲ το̅ φηϲτον εβουλομη̅ και αυτοϲ του ανθρωπου ακουϲαι αυριον φηϲιν ακουϲη αυτου
23 τη ουν επαυριον ελθοντοϲ του αγριππα και τηϲ βερνικηϲ μετα πολληϲ φανταϲιαϲ και ειϲελθοντων ειϲ το ακρωτηριον ϲυν τε χιλιαρχοιϲ και ανδραϲι τοιϲ κατ εξοχην τηϲ πολεωϲ και κελευϲαντοϲ του φηϲτου ηχθη ο παυλοϲ
24 και φηϲιν ο φηϲτοϲ αγριππα βαϲιλευ και παντεϲ οι ϲυνπαροντεϲ ημιν α̅δρεϲ θεωρειτε τουτο̅ περι ου απαν το πληθοϲ των ιουδαιω̅ ενετυχον μοι εν τε ιεροϲολυμοιϲ και ενθαδε βοω̅τεϲ μη δειν αυτο̅ ζην μηκετι
25 εγω δε καταλαβομενοϲ μηδεν αξιον θανατου αυτον πεπραχεναι αυτου δε τουτου επικαλεϲαμενου τον ϲεβαϲτο̅ εκρινα πεμπιν
26 περι ου αϲφαλεϲ τι γραψαι τω κυριω ουκ εχω διο προηγαγον αυτον εφ υμων και μαλιϲτα επι {}[71] βαϲιλευ αγριππα οπωϲ τηϲ ανακριϲεωϲ γενομενηϲ ϲχω τι γραψω
27 αλογον γαρ μοι δοκει πεμποντα δεϲμιον μη και ταϲ κατ αυτου αιτιαϲ ϲημαναι