1 ϲαυλοϲ δε ην ϲυνευδοκω̅ τη αναιρεϲι αυτου εγενετο δε εν εκινη τη ημερα διωγμοϲ μεγαϲ επι την εκκληϲιαν την εν ιεροϲολυμοιϲ παντεϲ διεϲπαρηϲαν κατα ταϲ χωραϲ τηϲ ιουδαιαϲ και ϲαμαριαϲ πλην των αποϲτολων
2 ϲυνεκομιϲαν δε τον ϲτεφανον ανδρεϲ ευλαβειϲ και εποιηϲαν κοπετον μεγαν επ αυτω
3 ϲαυλοϲ δε ελυμαινετο την εκκληϲιαν κατα τουϲ οικουϲ ειϲπορευομενοϲ ϲυρων τε τουϲ ανδραϲ και γυναικαϲ παρεδιδου ειϲ φυλακην
4 οι μεν ουν διαϲπαρεντεϲ ηλθον ευαγγελιζομενοι τον λογον
5 φιλιπποϲ δε κατελθω̅ ειϲ την πολιν τηϲ καιϲαριαϲ εκηρυϲϲεν αυτοιϲ τον χ̅ν̅
6 προϲειχον δε οι οχλοι τοιϲ λεγομενοιϲ υπο του φιλιππου ομοθυμαδον ε̅ τω ακουειν αυτου και βλεπιν τα ϲημια α εποιει
7 πολλοι γαρ των εχοντων π̅ν̅α̅τ̅α̅ ακαθαρτα βοωντα φωνη μεγαλη εξηρχοντο πολλοι δε παραλελυμενοι και χωλοι εθεραπευθηϲαν
8 εγενετο δε πολλη χαρα εν τη πολι εκεινη
9 ανηρ δε τιϲ ονοματι ϲιμων προυπηρχεν εν τη πολι μαγευων και εξιϲτανων το εθνοϲ τηϲ ϲαμαριαϲ λεγων ειναι τινα εαυτον μεγαν
10 ω προϲειχαν παντεϲ απο μικρου εωϲ μεγαλου λεγοντεϲ ουτοϲ εϲτιν η δυναμιϲ του θ̅υ̅ η καλουμενη μεγαλη
11 προϲειχον δε αυτω δια το ικανω χρονω ταιϲ μαγιαιϲ εξεϲτακεναι αυτουϲ
12 οτε δε επιϲτευϲαν του φιλιππου ευαγγελιζομενου περι τηϲ βαϲιλιαϲ του κ̅υ̅ και του ονοματοϲ ι̅υ̅ χ̅υ̅ εβαπτιζοντο ανδρεϲ τε και γυναικεϲ
13 ο δε ϲιμων και αυτοϲ επιϲτευϲε̅ και βαπτιϲθειϲ η̅ προϲκαρτερων τω φιλιππω θεορων τε ϲημια και δυναμιϲ μεγαλαϲ γεινομεναϲ εξιϲταντο
14 ακουϲαντεϲ δε οι εν ιεροϲολυμοιϲ αποϲτολοι οτι δεδεκται η ϲαμαρια τον λογον του χ̅υ̅ απεϲτιλαν προϲ αυτουϲ πετρον και ιωαννην
15 οιτινεϲ καταβαντεϲ προϲηυξαντο περι αυτων οπωϲ λαβωϲιν π̅ν̅α̅ αγιον
16 ουδεπω γαρ η̅ επ ουδενι αυτω̅ επιπεπτωκοϲ μονον δε εβαπτιϲμενοι υπηρχο̅ ειϲ το ονομα του κ̅υ̅ ι̅υ̅
17 τοτε επετιθεϲαν ταϲ χιραϲ επ αυτουϲ και ελαμβανον π̅ν̅α̅ αγιο̅
18 ιδων δε ο ϲιμων οτι δια τηϲ επιθεϲεωϲ των χιρω̅ των αποϲτολω̅ διδοται το π̅ν̅α̅ προϲηνεγκεν αυτοιϲ χρηματα
19 λεγων δοτε καμοι την εξουϲια̅ ταυτην ινα ω εα̅ επιθω ταϲ χιραϲ λαμβανη π̅ν̅α̅ αγιον
20 πετροϲ δε ειπεν προϲ αυτουϲ το αργυριον ϲου ϲυν ϲοι ειη ειϲ απωλιαν οτι την δωρεαν του θ̅υ̅ ενομιϲαϲ δια χρηματων κταϲθαι
21 ουκ εϲτιν ϲοι μεριϲ ουδε κληροϲ εν τω λογω τουτω η γαρ καρδια ϲου ουκ εϲτιν ευθια εναντι του θ̅υ̅
22 μετανοηϲον ου̅ απο τηϲ κακιαϲ ϲου ταυτηϲ και δεηθητι του κ̅υ̅ ει αρα αφεθηϲεται ϲοι η επινοια τηϲ καρδιαϲ ϲου
23 ειϲ γαρ χολην πικριαϲ και ϲυ̅δεϲμον αδικιαϲ ορω ϲε οντα
24 αποκριθειϲ δε ο ϲιμων ειπεν δεηθηται υμιϲ υπερ εμου προϲ τον κ̅ν̅ οπωϲ μηδεν επελθη επ εμε ων ειρηκατε
25 οι μεν ουν διαμαρτυρομενοι και λαληϲαντεϲ τον λογον του κ̅υ̅ υπεϲτρεφον ειϲ ιεροϲολυμα πολλαϲ τε κωμαϲ των ϲαμαριτων ευηγγελιζοντο
26 αγγελοϲ δε κ̅υ̅ ελαληϲεν προϲ φιλιππο̅ λεγων αναϲτηθι και πορευου κατα μεϲημβριαν επι την οδον την καλουμενην καταβαινουϲαν απο ιερουϲαλημ ειϲ γαζαν αυτη εϲτιν ερημοϲ
27 και αναϲταϲ επορευθη και ιδου ανηρ αιθιοψ ευνουχοϲ δυναϲτηϲ κανδακηϲ βαϲιλιϲϲηϲ αιθιοπων οϲ ην επι παϲηϲ τηϲ γαζηϲ αυτηϲ εληλυθει προϲκυνηϲων ειϲ ιερουϲαλημ
28 ην τε υποϲτρεφων και καθημενοϲ επι του αρματοϲ αυτου ανεγινωϲκεν το̅ προφητην ηϲαιαν
29 ειπεν δε το π̅ν̅α̅ τω φιλιππω προϲελθε και κολληθητι τω αρματι τουτω
30 προϲδραμων δε ο φιλιπποϲ ηκουϲεν αυτου αναγινωϲκο̅τοϲ ηϲαιαν τον προφητην και ειπεν αρα γε γινωϲκειϲ α αναγινωϲκειϲ
31 ο δε ειπεν πωϲ γαρ αν δυναιμην εαν μη τιϲ οδηγηϲει με παρεκαλεϲεν τε τον φιλιππον αναβαντα καθιϲε ϲυν αυτω
32 η δε περιοχη τηϲ γραφηϲ ην ανεγινωϲκε̅ ην αυτη ωϲ προβατον επι ϲφαγην ηχθη και ωϲ αμνοϲ εναντιον του κιραντοϲ αυτον αφωνοϲ ουτωϲ ουκ ανυγει το ϲτομα αυτου
33 εν τη ταπινωϲει η κριϲιϲ αυτου ηρθη την γενεαν αυτου τιϲ διηγηϲεται οτι αιρεται απο τηϲ γηϲ η ζωη αυτου
34 αποκριθειϲ δε ο ευνουχοϲ τω φιλιππω ειπεν δεομαι ϲου περι τινοϲ ο προφητηϲ λεγει τουτο περι εαυτου η περι ετερου τινοϲ
35 ανοιξαϲ δε ο φιλιπποϲ το ϲτομα αυτου και αρξαμενοϲ απο τηϲ γραφηϲ ταυτηϲ και ευηγγελιϲατο αυτω τον ι̅ν̅
36 ωϲ δε επορευοντο κατα την οδον ηλθον επι τι υδωρ και φηϲιν ο ευνουχοϲ ιδου ιδωρ τι κωλυει με βαπτιϲθηναι
37 [отсутствует]
38 και εκελευϲεν ϲτηναι το αρμα και κατεβηϲαν αμφοτεροι ειϲ το υδωρ ο τε φιλιπποϲ και ο ευνουχοϲ και εβαπτιϲεν αυτον
39 οτε δε ανεβηϲαν εκ του υδατοϲ π̅ν̅α̅ κ̅υ̅ ηρπαϲεν τον φιλιππον και ουκ ειδεν αυτον ουκετι ο ευνουχοϲ επορευετο γαρ την οδον αυτου χαιρω̅
40 φιλιπποϲ δε ευρεθη ειϲ αζωτον και διερχομενοϲ ευηγγελιζετο ταϲ πολιϲ παϲαϲ εωϲ του ελθιν αυτον ειϲ καιϲαριαν