1 κατηντηϲεν δε ειϲ δερβη̅ και ειϲ λυϲτραν ϗ ιδου μαθητηϲ τιϲ ην εκει ονοματι τιμοθεοϲ υιοϲ γυναικοϲ ιουδαιαϲ πιϲτηϲ πατροϲ δε ελληνοϲ
2 οϲ εμαρτυριτο υπο των εν λυϲτροιϲ και ικονιου αδελφων
3 τουτο̅ ηθεληϲεν ο παυλοϲ ϲυν αυτω εξελθιν και λαβων περιετεμεν αυτον δια τουϲ ιουδαιουϲ τουϲ ονταϲ εν τοιϲ τοποιϲ εκινοιϲ ηδειϲαν γαρ απαντεϲ οτι ελλην ο πατηρ αυτου υπηρχεν
4 ωϲ δε διεπορευοντο ταϲ πολειϲ παρεδιδοϲαν αυτοιϲ φυλαϲϲιν τα δογματα τα κεκριμενα υπο των αποϲτολων και πρεϲβυτερων των εν ιεροϲολυμοιϲ
5 αι μεν ουν εκκληϲιαι εϲτερεουντο τη πιϲτι και επεριϲϲευον τω αριθμω καθ ημεραν
6 διηλθον δε την φρυγιαν και γαλατικην χωραν κωλυθεντεϲ υπο του αγιου π̅ν̅ϲ̅ λαληϲαι τον λογον εν τη αϲια
7 ελθοντεϲ δε κατα την μυϲιαν επιραζον ειϲ την βιθυνιαν πορευθηναι και ουκ ιαϲεν αυτουϲ το π̅ν̅α̅ ι̅υ̅
8 παρελθοντεϲ δε την μυϲιαν κατεβηϲαν ειϲ τρωαδα
9 και οραμα δια τηϲ νυκτοϲ τω παυλω ωφθη ανηρ μακαιδων τιϲ ην εϲτωϲ και παρακαλων αυτον και λεγων διαβαϲ ειϲ μακεδονιαν βοηθηϲον ημιν
10 ωϲ δε το οραμα ειδεν ευθεωϲ εξητηϲαμεν εξελθιν ειϲ μακαιδονιαν ϲυμβιβαζοντεϲ οτι προϲκεκληται ο θ̅ϲ̅ ευαγγελιϲαϲθαι αυτουϲ
11 αναχθεντεϲ δε απο τρωαδοϲ ευθυδρομηϲαμεν ειϲ ϲαμοθρακην τη δε επιουϲη ειϲ νεαν πολιν
12 κακειθε̅ ειϲ φιλιππουϲ ητιϲ εϲτιν πρωτη τηϲ μεριδοϲ μακαιδονιαϲ πολιϲ κολωνια ημεν δε εν ταυτη τη πολει διατριβοντεϲ ημεραϲ τιναϲ
13 τη τε ημερα των ϲαββατων εξηλθομε̅ εξω τηϲ πυληϲ παρα ποταμον ου ενομιζεν προϲευχη̅ ειναι και καθιϲαντεϲ ελαλουμεν ταιϲ ϲυνελθουϲαιϲ ημιν γυναιξιν
14 και τιϲ γυνη ονοματι λυδια πορφυροπωλιϲ πολεωϲ θυατειρων ϲεβομενη τον θ̅ν̅ ηκουεν ηϲ ο κ̅ϲ̅ διηνυξεν την καρδιαν προϲεχειν τοιϲ λαλουμενοιϲ υπο του παυλου
15 ωϲ δε εβαπτιϲθη και ο οικοϲ αυτηϲ παρεκαλεϲεν λεγουϲα ει κεκρικατε με πιϲτην τω κ̅ω̅ ειναι ειϲελθοντεϲ ειϲ τον οικον μου μενετε και παρεβιαϲατο υμαϲ
16 εγενετο δε πορευομενω̅ ημων ειϲ την προϲευχην παιδιϲκην τινα οχουϲαν π̅ν̅α̅ πυθωνα υπαντηϲαι υμιν ητιϲ εργαϲιαν πολλην παρειχεν τοιϲ κυριοιϲ αυτηϲ μαντευομενη
17 αυτη κατακολουθουϲα τω παυλω και ημιν εκραζε λεγουϲα ουτοι οι ανθρωποι δουλοι του θ̅υ̅ του υψιϲτου ειϲιν οιτινεϲ καταγγελλουϲιν υμι̅ οδον ϲωτηριαϲ
18 τουτο δε εποιει επι πολλαϲ ημεραϲ διαπονηθειϲ δε παυλοϲ και επιϲτρεψαϲ τω π̅ν̅ι̅ ειπεν παραγγελλω ϲοι εν ονοματι ι̅υ̅ χ̅υ̅ εξελθιν απ αυτηϲ και εξηλθεν αυτη τη ωρα
19 ιδοντεϲ δε οι κυριοι αυτηϲ οτι εξηλθεν η ελπιϲ τηϲ εργαϲιαϲ αυτων επιλαβομενοι τον παυλον και τον ϲιλαν ειλκυϲαν ειϲ την αγοραν επι τουϲ αρχο̅ταϲ
20 και προϲαγαγο̅τεϲ αυτουϲ τοιϲ ϲτρατηγοιϲ ειπαν ουτοι οι ανθρωποι εκταραϲϲουϲιν ημων την πολιν ιουδαιοι υπαρχοντεϲ
21 και καταγγελλουϲιν εθη α ουκ εξεϲτιν ημιν παραδεχεϲθαι ουδε ποιειν ρωμαιοιϲ ουϲι̅
22 και ϲυνεπεϲτη ο οχλοϲ κατ αυτων και οι ϲτρατηγοι περιρηξαντεϲ αυτων τα ιματια εκελευον ραβδιζειν
23 πολλαϲ τε επιθεντεϲ αυτοιϲ πληγαϲ εβαλον ειϲ φυλακη̅ παραγγιλαϲ τε τω δεϲμοφυλακι αϲφαλωϲ τηριν αυτουϲ
24 οϲ παραγγελιαν τοιαυτην λαβων εβαλεν αυτουϲ ειϲ την εϲωτεραν φυλακη̅ και τουϲ ποδαϲ ηϲφαλιϲατο αυτων ειϲ το ξυλον
25 κατα δε μεϲονυκτιον παυλοϲ και ϲιλαϲ προϲευχομενοι υμνουν τον θ̅ν̅ επηκροωντο δε αυτων οι δεϲμιοι
26 αφνω δε ϲιϲμοϲ εγενετο μεγαϲ ωϲτε ϲαλευθηναι τα θεμελια του δεϲμωτηριου ηνοιχθηϲαν δε παραχρημα αι θυραι παϲαι και παντων τα δεϲμα ανελυθη
27 εξυπνοϲ δε γενομενοϲ ο δεϲμοφυλαϲ και ιδων ανεωγμεναϲ ταϲ θυραϲ τηϲ φυλακηϲ ϲπαϲαμενοϲ μαχαιραν ημελλε̅ εαυτον αναιρειν νομιζων εκπεφευγεναι τουϲ δεϲμιουϲ
28 εφωνηϲεν δε φωνη μεγαλη παυλοϲ λεγων μηδεν πραξηϲ ϲεαυτω κακον απαντεϲ γαρ εϲμε̅ ενθαδε
29 αιτηϲαϲ δε φωτα ειϲεπηδηϲε̅ και εντρομοϲ γενομενοϲ προϲεπεϲε̅ τω παυλω και τω ϲιλα
30 και προαγων αυτουϲ εξω εφη κυριοι τι με δει ποιειν ινα ϲωθω
31 οι δε ειπα̅ πιϲτευϲαν επι το̅ κ̅ν̅ ι̅ν̅ και ϲωθηϲη ϲυ και ο οικοϲ ϲου
32 και ελαληϲαν αυτω τον λογον του θ̅υ̅ ϲυμ παϲι τοιϲ εν τη οικια αυτου
33 και παραλαβων αυτουϲ εν εκινη τη ωρα τηϲ νυκτοϲ ελουϲεν απο των πληγω̅ και εβαπτιϲθη αυτοϲ και οι αυτου απαντεϲ παραχρημα
34 αναγαγων τε αυτουϲ ειϲ τον οικον αυτου παρεθηκεν τραπεζαν και ηγαλλιαϲατο πανοικει πεπιϲτευκωϲ τω θ̅ω̅
35 ημεραϲ δε γενομενηϲ απεϲτιλαν οι ϲτρατηγοι τουϲ ραβδουχουϲ λεγοντεϲ απολυϲον τουϲ ανθρωπουϲ εκεινουϲ
36 απηγγιλεν δε ο δεϲμοφυλαξ τουϲ λογουϲ τουτουϲ προϲ τον παυλον οτι απεϲταλκαν οι ϲτρατηγοι ινα απολυθητε νυ̅ ουν εξελθοντεϲ πορευεϲθε ειϲ ιρηνην
37 ο δε παυλοϲ εφη προϲ αυτουϲ διραντεϲ ημαϲ δημοϲια ακατακριτουϲ ανθρωπουϲ ρωμαιουϲ υπαρχονταϲ εβαλον ειϲ φυλακην και νυ̅ λαθρα ημαϲ εκβαλλουϲιν ου γαρ αλλα ελθοντεϲ αυτοι ημαϲ εξαγαγετωϲαν
38 απηγγιλαν τε τοιϲ ϲτρατηγοιϲ οι ραβδουχοι τα ρηματα ταυτα εφοβηθηϲαν δε ακουϲαντεϲ οτι ρωμαιοι ειϲι̅
39 και ελθοντεϲ παρεκαλεϲαν αυτουϲ και εξαγαγοντεϲ ηρωτων απελθι̅ απο τηϲ πολεωϲ
40 εξελθοντεϲ δε απο τηϲ φυλακηϲ ειϲηλθον προϲ τη̅ λυδιαν και ιδοντεϲ παρεκαλεϲαν τουϲ αδελφουϲ και εξηλθαν