1 ταυτα λελαληκεν ι̅ϲ̅ και επαραϲ τουϲ οφθαλμουϲ αυτου ειϲ τον ουρανον ειπεν πατερ εληλυθεν η ωρα δοξαϲον ϲου τον υ̅ν̅ ινα ο υ̅ϲ̅ δοξαϲη ϲε
2 καθωϲ εδωκαϲ αυτω εξουϲιαν παϲηϲ ϲαρκοϲ ινα παν ο δεδωκαϲ αυτω δωϲω αυτω ζωην αιωνιον
3 αυτη δε εϲτιν η αιωνιοϲ ζωη ινα γινωϲκωϲι ϲε τον μονον αληθινον θ̅ν̅ και ον απεϲτιλαϲ ι̅ν̅ χ̅ν̅
4 εγω ϲε εδοξαϲα επι τηϲ γηϲ το εργο̅ τελιωϲαϲ ο δεδωκαϲ με ινα ποιηϲω
5 και νυν δοξαϲον με ϲυ πατερ παρα ϲεαυτω τη δοξη ην ειχον προ του τον κοϲμον ειναι παρα ϲοι
6 εφανερωϲα ϲου το ονομα τοιϲ ανθρωποιϲ ουϲ εδωκαϲ μοι εκ του κοϲμου ϲοι ηϲαν και εμοι αυτουϲ εδωκαϲ και τον λογον ϲου ετηρηϲαν
7 νυν εγνων οτι παντα οϲα δεδωκαϲ μοι παρα ϲου ειϲιν
8 οτι τα ρηματα α δεδωκαϲ μοι δεδωκα αυτοιϲ και αυτοι ελαβον αληθωϲ οτι παρα ϲου εξηλθον και επιϲτευϲαϲ οτι ϲυ με απεϲτιλαϲ
9 εγω περι αυτων ερωτω ου περι του κοϲμου ερωτω αλλα περι ων δεδωκαϲ μοι οτι ϲοι ειϲιν
10 και εμοι αυτουϲ εδωκαϲ και δεδοξαϲμε εν αυτοιϲ
11 και ουκετι ειμι εν τω κοϲμω και αυτοι εν τω κοϲμω ειϲιν καγω προϲ ϲε ερχομαι πατερ αγιε τηρηϲον αυτουϲ εν τω ονοματι ϲου ω εδωκαϲ μοι ινα ωϲιν εν καθωϲ ημειϲ
12 οτε ημην μετ αυτων εγω ετηρουν αυτουϲ εν τω ονοματι κ ϲου και εφυλαϲϲον και ουδιϲ εξ αυτω̅ απωλετο ει μη ο υ̅ϲ̅ τηϲ απωλιαϲ ινα η γραφη πληρωθη
13 νυν δε προϲ ϲε ερχομαι και ταυτα λαλω εν τω κοϲμω ινα εχωϲιν την χαραν την εμην πεπληρωκενην εν {αυτοιϲ} [62]
14 εγω δεδωκα αυτοιϲ τον λογον ϲου και ο κοϲμοϲ εμιϲηϲεν αυτουϲ οτι ουκ ειϲιν εκ του κοϲμου καθωϲ ουκ ειμι εκ του κοϲμου
15 ουκ ερωτω ινα αρηϲ αυτουϲ εκ του κοϲμου αλλ ινα τηρηϲηϲ αυτουϲ εκ του πονηρου
16 εκ του κοϲμου ουκ ειϲιν καθωϲ εγω ουκ ειμι εκ του κοϲμου
17 αγιαϲον αυτουϲ εν τη αληθια εϲτιν
18 καθωϲ εμε απεϲτιλαϲ ειϲ τον κοϲμον καγω απεϲτιλα αυτουϲ ειϲ τον κοϲμον
19 ϗ υπερ αυτων αγιαζω εμαυτον ινα ωϲιν και αυτοι ηγιαϲμενοι εν αληθια
20 ου περι τουτων δε ερωτω μονον αλλα και περι των πιϲτευοντων δια του λογου αυτων ειϲ εμε
21 ινα παντεϲ εν ωϲιν καθωϲ ϲυ πατερ εν εμοι καγω εν ϲοι ινα ϗ αυτοι εν ημιν εν ωϲιν ινα ο κοϲμοϲ πιϲτευη οτι ϲυ με απεϲτιλαϲ
22 καγω την δοξαν ην δεδωκαϲ μοι εδωκα αυτοιϲ ινα ωϲι̅ εν καθωϲ ημειϲ
23 εγω εν αυτοιϲ και ϲυ εν εμοι ινα ωϲιν τετελιωμενοι ειϲ εν και γινωϲκη ο κοϲμοϲ οτι ϲυ με απεϲτιλαϲ και ηγαπηϲαϲ αυτουϲ καθωϲ εμε ηγαπηϲαϲ
24 πατερ ο δεδωκαϲ μοι θελω ινα οπου ειμι εγω κακεινοι ωϲιν μετ εμου ινα θεωρωϲιν την δοξαν την εμην ην δεδωκαϲ μοι οτι ηγαπηϲαϲ με προ καταβοληϲ κοϲμου
25 πατερ δικαιε και ο κοϲμοϲ ϲε ουκ εγνω εγω δε ϲε εγνων και ουτοι εγνωϲαν οτι ϲυ με απεϲτιλαϲ
26 και εγνωριϲα αυτοιϲ το ονομα ϲου και γνωριϲω ινα η αγαπη ην ηγαπηϲαϲ αυτουϲ εν αυτοιϲ η καγω εν αυτοιϲ
Примечания:
13 [62] {εαυτοιϲ}
Нашли в тексте ошибку? Выделите её и нажмите:
Ctrl + Enter
Евангелие от Иоанна, 17 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.