1 και μετα ταυτα περιεπατει ι̅ϲ̅ εν τη γαλειλαια ου γαρ ηθελεν εν τη ιουδαια περιπατειν οτι εζητουν αυτον οι ιουδαιοι αποκτειναι
2 ην δε εγγυϲ η εορτη τω̅ ιουδαιων η ϲκηνοπηγια
3 ειπον ουν προϲ αυτον οι αδελφοι αυτου μεταβηθι εντευθεν και υπαγε ειϲ την ιουδαια̅ ινα και οι μαθηται ϲου θεωρηϲουϲιν ϲου τα εργα α ποιειϲ
4 ουδειϲ γαρ τι εν κρυπτω ποιει και ζητει αυτο εν παρηϲια ειναι ει ταυτα ποιειϲ φανερωϲον ϲεαυτον τω κοϲμω
5 ουδε γαρ οι αδελφοι αυτου επιϲτευον ειϲ αυτον
6 λεγει ουν αυτοιϲ ο ι̅ϲ̅ ο καιροϲ ο εμοϲ ουπω παρεϲτιν ο δε καιροϲ ο υμετεροϲ παντοτε παρεϲτιν ετοιμοϲ
7 ου δυναται ο κοϲμοϲ μειϲιν υμαϲ εμε δε μειϲει οτι εγω μαρτυρω περι αυτου οτι τα εργα αυτου πονηρα εϲτιν
8 υμειϲ αναβητε ειϲ την εορτην εγω ουπω αναβαινω ειϲ την εορτην ταυτην οτι ο εμοϲ καιροϲ ουπω πεπληρωται
9 ταυτα δε ειπων αυτοιϲ εμεινεν εν τη γαλειλαια
10 ωϲ δε ανεβηϲαν οι αδελφοι αυτου ειϲ την εορτην τοτε και αυτοϲ ανεβη ου φανερωϲ αλλα ωϲ εν κρυπτω
11 οι ουν ιουδαιοι εζητουν αυτο̅ εν τη εορτη και ελεγον που εϲτιν εκεινοϲ
12 και γογγυϲμοϲ περι αυτου ην πολυϲ εν τοιϲ οχλοιϲ οι μεν ελεγον οτι αγαθοϲ εϲτιν αλλοι δε ελεγον ου αλλα πλανα τον οχλον
13 ουδειϲ μεντοι παρρηϲια ελαλει περι αυτου δια τον φοβον των ιουδαιων
14 ηδη δε τηϲ εορτηϲ μεϲουϲηϲ ανεβη ι̅ϲ̅ ειϲ το ιερον και εδιδαϲκεν
15 εθαυμαζον ουν οι ιουδαιοι λεγοντεϲ πωϲ ουτοϲ γραμματα οιδεν μη μεμαθηκωϲ
16 απεκριθη ουν αυτοιϲ ι̅ϲ̅ και ειπεν η εμη διδαχη ουκ εϲτιν εμη αλλα του πεμψαντοϲ με
17 εαν τιϲ θελη το θελημα αυτου ποιειν γνωϲεται περι τηϲ διδαχηϲ ποτερον εκ του θ̅υ̅ εϲτι̅ η εγω απ εμαυτου λαλω
18 ο αφ εαυτου λαλων τη̅ δοξαν την ιδιαν ζητει ο δε ζητων την δοξαν του πεμψαντοϲ αυτο̅ ουτοϲ αληθηϲ εϲτιν και αδικια εν αυτω ουκ εϲτιν
19 ου μωυϲηϲ εδωκεν υμιν τον νομον και ουδειϲ εξ υμων ποιει τον νομον τι με ζητειτε αποκτειναι
20 απεκριθη ο οχλοϲ δαιμονιο̅ εχειϲ τιϲ ϲε ζητει αποκτειναι
21 απεκριθη ι̅ϲ̅ και ειπεν αυτοιϲ εν εργον εποιηϲα και παντεϲ θαυμαζετε
22 δια τουτο μωυϲηϲ δεδωκεν υμι̅ την περιτομην ουκ οτι εκ του μωυϲεωϲ εϲτι̅ αλλ εκ των πατερων και ϲαββατω περιτεμνετε ανθρωπον
23 ει περιτομην λαμβανει ο ανθρωποϲ εν ϲαββατω ινα μη λυθη ο νομοϲ μωυϲεωϲ εμοι χολαται οτι ολον ανθρωπον υγιη εποιηϲα εν ϲαββατω
24 μη κρεινετε κατ οψιν αλλα τη̅ δικαιαν κριϲιν κρινετε
25 ελεγον ουν τινεϲ εκ τω̅ ιεροϲολυμειτων ουχ ουτοϲ εϲτιν ον ζητουϲι̅ αποκτειναι
26 και ιδε παρρηϲια λαλει και ουδεν αυτω λεγουϲιν μηποτε αληθωϲ εγνωϲαν οι αρχοντεϲ οτι ουτοϲ εϲτιν ο χ̅ϲ̅
27 αλλα τουτο̅ οιδαμεν ποθεν εϲτιν ο δε χ̅ϲ̅ οταν ερχηται ουδειϲ γεινωϲκει ποθεν εϲτιν
28 εκραξεν ου̅ εν τω ιερω διδαϲκων {ο} [10] ι̅ϲ̅ και λεγων καμε οιδατε και οιδατε ποθεν ειμι και απ εμαυτου ουκ εληλυθα αλλ εϲτιν αληθινοϲ ο πεμψαϲ με ον υμειϲ ουκ οιδατε
29 εγω οιδα αυτον οτι παρ αυτου ειμι κακεινοϲ με απεϲτειλεν
30 εζητουν ου̅ αυτον πιαϲαι και ουδειϲ επεβαλεν επ αυτον τη̅ χειρα οτι ουπω εληλυθει η ωρα αυτου
31 εκ του οχλου δε πολλοι επιϲτευϲαν ειϲ αυτον και ελεγον ο χ̅ϲ̅ οταν ελθη μη πλειονα ϲημεια ποιηϲει ων ουτοϲ εποιηϲε̅
32 ηκουϲαν οι φαρειϲαιοι του οχλου γογγυζοντοϲ περι αυτου ταυτα και απεϲτειλαν οι αρχιερειϲ και οι φαρειϲαιοι υπηρεταϲ ινα πιαϲωϲι̅ αυτον
33 ειπεν ουν ο ι̅ϲ̅ ετι χρονον μεικρον μεθ υμων ειμι και υπαγω προϲ τον πεμψαντα με
34 ζητηϲετε με και ουχ ευρηϲετε με και οπου ειμι εγω υμειϲ ου δυναϲθε ελθειν εκει
35 ειπον ουν οι ιουδαιοι προϲ εαυτουϲ που ουτοϲ μελλει πορευεϲθαι οτι ημειϲ ουχ ευρηϲομεν αυτον μη ειϲ την διαϲποραν των ελληνων μελλει πορευεϲθαι και διδαϲκει̅ τουϲ ελληναϲ
36 τιϲ εϲτι̅ ο λογοϲ ουτοϲ ον ειπε ζητηϲετε με και ουχ ευρηϲετε με και οπου ειμι εγω υμειϲ ου δυναϲθε ελθειν
37 εν δε τη εϲχατη ημερα τη μεγαλη τηϲ εορτηϲ {ειϲτηκει} [11] ο ι̅ϲ̅ και εκραξε λεγων εαν τιϲ διψα ερχεϲθω προϲ εμε και πεινετω
38 ο πιϲτευων ει εμε καθωϲ ειπεν η γραφη ποταμοι εκ τηϲ κοιλιαϲ αυτου ρευϲουϲιν υδατοϲ ζω̅τοϲ
39 τουτο δε ειπεν περι του πνευματοϲ ο εμελλον λαμβανειν οι πιϲτευϲαντεϲ ειϲ αυτο̅ ουπω γαρ ην πνευμα αγιον δεδομενον οτι ι̅ϲ̅ ουπω εδοξαϲθη
40 εκ του οχλου ουν ακουϲαντεϲ των λογων τουτων ελεγον οτι ουτοϲ εϲτι̅ αληθωϲ ο προφητηϲ
41 αλλοι ελεγον ουτοϲ εϲτιν ο χ̅ϲ̅ οι δε ελεγον μη γαρ εκ τηϲ γαλειλαιαϲ ο χ̅ϲ̅ ερχεται
42 ουκ η γραφη ειπεν οτι εκ του ϲπερματοϲ δαυειδ και απο βηθλεεμ τηϲ κωμηϲ οπου ην δαυειδ ερχεται ο χ̅ϲ̅
43 ϲχιμα ουν εγενετο εν τω οχλω δι αυτο̅
44 τινεϲ δε ηθελον εξ αυτω̅ πιαϲαι αυτον αλλ ουδειϲ εβαλεν επ αυτον ταϲ χειραϲ
45 ηλθον ουν οι υπηρεται προϲ τουϲ αρχιερειϲ και φαρειϲαιουϲ και ειπον αυτοιϲ εκεινοι δια τι ουκ ηγαγετε αυτον
46 απεκριθηϲαν οι υπηρεται ουδεποτε ελαληϲεν ουτωϲ ανθρωποϲ
47 απεκριθηϲαν ου̅ οι φαρειϲαιοι μη και υμειϲ πεπλανηϲθε
48 μη τιϲ εκ των αρχοντων επιϲτευϲεν ειϲ αυτον η εκ των φαρειϲαιων
49 αλλα ο οχλοϲ ουτοϲ ο μη γεινωϲκων τον νομον επαρατοι ειϲιν
50 λεγει νεικοδημοϲ προϲ αυτουϲ ο ελθων προϲ αυτον προτερον ειϲ ω̅ εξ αυτων
51 μη ο νομοϲ ημων κρινει τον ανθρωπον εαν μη ακουϲη πρωτον παρ αυτου και γνω τι ποιει
52 απεκριθηϲαν και ειπαν αυτω μη και ϲυ εκ τηϲ γαλειλαιαϲ ει εραυνηϲον και ιδε οτι εκ τηϲ γαλειλαιαϲ προφητηϲ ουκ εγειρεται
53 [отсутствует]
Примечания:
28 [10] {}
37 [11] {ιϲτηκει}
Нашли в тексте ошибку? Выделите её и нажмите:
Ctrl + Enter
Евангелие от Иоанна, 7 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.