1 ταυτα λελαληκα υμιν ινα μη ϲκανδαλιϲθητε
2 αποϲυναγωγουϲ ποιηϲουϲιν υμαϲ αλλ ερχεται ωρα ινα παϲ ο αποκτειναϲ δοξη λατρειαν προϲφερειν τω θ̅ω̅
3 και ταυτα ποιηϲουϲιν οτι ουκ εγνωϲαν τον πατερα ουδε εμε
4 αλλα ταυτα λελαληκα υμιν ινα οταν ελθη η ωρα αυτω̅ μνημονευητε αυτω̅ οτι εγω ειπον υμιν ταυτα δε υμιν εξ αρχηϲ ουκ ειπον οτι μεθ υμω̅ ημην
5 νυν δε υπαγω προϲ τον πεμψαντα με και ουδειϲ εξ υμω̅ ερωτα με που υπαγειϲ
6 αλλ οτι ταυτα λελαληκα υμιν η λυπη πεπληρωκεν υμων την καρδιαν
7 αλλ εγω την αληθειαν λεγω υμιν ϲυμφερει υμιν ινα εγω απελθω εαν γαρ μη απελθω ο παρακλητοϲ ου μη ελθη προϲ υμαϲ εαν δε πορευθω πεμψω αυτον προϲ υμαϲ
8 και ελθων εκεινοϲ ελεγξει τον κοϲμον περι αμαρτιαϲ και περι δικαιοϲυνηϲ και περι κριϲεωϲ
9 περι αμαρτιαϲ μεν οτι ου πιϲτευουϲιν ειϲ εμε
10 περι δικαιοϲυνηϲ δε οτι προϲ τον πατερα υπαγω και ουκετι θεωρειτε με
11 περι δε κριϲεωϲ οτι ο αρχων του κοϲμου τουτου κεκριται
12 ετι πολλα εχω υμιν λεγειν αλλ ου δυναϲθε βαϲταζειν αρτι
13 οταν δε ελθη εκεινοϲ το πνευμα τηϲ αληθειαϲ οδηγηϲει υμαϲ ειϲ την αληθειαν παϲαν ου γαρ λαληϲει αφ εαυτου αλλ οϲα ακουϲει λαληϲει και τα ερχομενα αναγγελει υμιν
14 εκεινοϲ εμε δοξαϲει οτι εκ του εμου λημψεται και αναγγελει υμιν
15 παντα οϲα εχει ο πατηρ εμα εϲτιν δια τουτο ειπο̅ οτι εκ του εμου λαμβανει και αναγγελει υμιν
16 μεικρον και ουκετι θεωρειτε με και παλιν μεικρον και οψεϲθε με
17 ειπαν ουν εκ των μαθητων αυτου προϲ αλληλουϲ τι εϲτι τουτο ο λεγει ημιν μεικρο̅ και ου θεωρειτε με και παλιν μεικρον και οψεϲθε με και οτι υπαγω προϲ τον πατερα
18 ελεγον ουν τι εϲτι τουτο ο λεγει μεικρον ουκ οιδαμεν
19 εγνω ι̅ϲ̅ οτι ηθελον αυτον ερωτα̅ και ειπεν αυτοιϲ περι τουτου ζητειτε μετ αλληλων οτι ειπον μεικρον και ου θεωρειτε με και παλιν μεικρο̅ και οψεϲθε με
20 αμην αμην λεγω υμιν οτι κλαυϲετε και θρηνηϲετε υμειϲ ο δε κοϲμοϲ χαρηϲεται υμειϲ λυπηθηϲεϲθε αλλ η λυπη υμων ειϲ χαραν γενηϲεται
21 η γυνη οταν τικτη λυπην εχει οτι ηλθεν η ωρα αυτηϲ οταν δε γεννηϲη το παιδιο̅ ουκετι μνημονευει τηϲ θλειψεωϲ δια την χαραν οτι εγεννηθη ανθρωποϲ ειϲ τον κοϲμον
22 και υμειϲ ουν νυ̅ μεν λυπην εχετε παλιν δε οψομαι υμαϲ και χαρηϲεται υμων η καρδια και την χαραν υμω̅ ουδειϲ αρει αφ υμων
23 και εν εκεινη τη ημερα εμε ουκ ερωτηϲετε ουδεν αμην αμην λεγω υμιν αν τι αιτηϲητε τον πατερα δωϲει υμι̅ εν τω ονοματι μου
24 εωϲ αρτι ουκ ητηϲατε ουδεν εν τω ονοματι μου αιτειτε και λημψεϲθε ινα η χαρα υμω̅ η πεπληρωμενη
25 ταυτα εν παροιμιαιϲ λελαληκα υμιν ερχεται ωρα οτε ουκετι εν παροιμιαιϲ λαληϲω υμιν αλλα παρηϲια περι του πατροϲ απαγγελω υμιν
26 εν εκεινη τη ημερα εν τω ονοματι μου αιτηϲεϲθε και ου λεγω υμι̅ οτι εγω ερωτηϲω το̅ πατερα περι υμων
27 αυτοϲ γαρ ο πατηρ φιλει υμαϲ οτι υμειϲ εμε πεφιληκατε και πεπιϲτευκατε οτι εγω παρα του πατροϲ εξηλθον
28 εξηλθον εκ του πατροϲ και εληλυθα ειϲ τον κοϲμον παλιν αφιημι το̅ κοϲμον και πορευομαι προϲ τον πατερα
29 λεγουϲιν οι μαθηται αυτου ιδε νυν εν παρρηϲια λαλειϲ και παροιμιαν ουδεμιαν λεγειϲ
30 νυν οιδαμεν οτι οιδαϲ παντα και ου χρειαν εχειϲ ινα τιϲ ϲε ερωτα εν τουτω πιϲτευομεν οτι απο θ̅υ̅ εξηλθεϲ
31 απεκριθη αυτοιϲ ι̅ϲ̅ αρτι πιϲτευετε
32 ιδου ερχεται ωρα και εληλυθεν ινα ϲκορπιϲθητε εκαϲτοϲ ειϲ τα ιδια καμε μονο̅ αφητε και ουκ ειμι μονοϲ οτι ο πατηρ μετ εμου εϲτιν
33 ταυτα λελαληκα υμιν ινα εν εμοι ειρηνην εχητε εν τω κοϲμω θλειψιν εχετε αλλα θαρϲειτε εγω νενικηκα τον κοϲμον
Нашли в тексте ошибку? Выделите её и нажмите:
Ctrl + Enter
Евангелие от Иоанна, 16 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.