ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΙΩΑΝΝΗΝ 9 ΚΑΤΑ ΙΩΑΝΝΗΝ 9 ΚΕΦΆΛΑΙΟ

1 και παραγω̅ ειδεν ανθρωπον τυφλον εκ γενετηϲ
2 και ηρωτηϲαν αυτον οι μαθηται αυτου λεγο̅τεϲ ραββει τιϲ ημαρτε̅ ουτοϲ η οι οι γονειϲ αυτου ινα τυφλοϲ γεννηθη
3 απεκριθη ι̅ϲ̅ ουτε ουτοϲ ημαρτεν ουτε οι γονειϲ αυτου αλλ ινα φανερωθη τα εργα του θ̅υ̅ εν αυτω
4 ημαϲ δει εργαζεϲθε τα εργα του πεμψαντοϲ με εωϲ ημερα εϲτιν ερχεται νυξ οτε ουδειϲ δυναται εργαζεϲθαι
5 οταν εν τω κοϲμω ω φωϲ ειμι του κοϲμου
6 ταυτα ειπων επτυϲεν χαμαι και εποιηϲεν πηλον εκ του πτυϲματοϲ και επεθηκεν αυτου τον πηλον επι τουϲ οφθαλμουϲ
7 και ειπε̅ αυτω υπαγε νιψαι ειϲ την κολυμβηθραν του ϲιλωαμ ο ερμηνευετε απεϲταλμενοϲ απηλθεν βλεπων
8 οι ου̅ γειτονεϲ και οι θεωρου̅τεϲ αυτον το προτερο̅ οτι προϲαιτηϲ ην ελεγον ουχ ουτοϲ εϲτιν ο καθημενοϲ και προϲαιτων
9 αλλοι ελεγον οτι ουτοϲ εϲτιν αλλοι ελεγον ουχι αλλ ομοιοϲ αυτω εϲτιν εκεινοϲ ελεγεν οτι εγω ειμι
10 ελεγον ουν αυτω πωϲ ηνεωχθηϲαν ϲου οι οφθαλμοι
11 απεκριθη εκεινοϲ ο ανθρωποϲ ο λεγομενοϲ ι̅ϲ̅ πηλο̅ εποιηϲεν και επεχρειϲεν μου τουϲ οφθαλμουϲ και ειπεν μοι οτι υπαγε ειϲ τον ϲειλωαμ και νιψαι απελθω̅ ουν και νιψαμενοϲ ανεβλεψα
12 και ειπαν αυτω που εϲτιν εκεινοϲ λεγει ουκ οιδα
13 αγουϲι̅ αυτον προϲ τουϲ φαρειϲαιουϲ τον ποτε τυφλον
14 ην δε ϲαββατον εν η ημερα τον πηλον εποιηϲεν ο ι̅ϲ̅ και ανεωξεν αυτου τουϲ οφθαλμουϲ
15 παλιν ουν ηρωτων αυτον και οι φαρειϲαιοι πωϲ ανεβλεψεν ο δε ειπεν αυτοιϲ πηλον επεθηκεν μου επι τουϲ οφθαλμουϲ και ενιψαμην και βλεπω
16 ελεγον ουν εκ τω̅ φαρειϲαιων τινεϲ ουκ εϲτιν ουτοϲ παρα θ̅υ̅ ο ανθρωποϲ οτι το ϲαββατον ου τηρει αλλοι δε ελεγον πωϲ δυναται ανθρωποϲ αμαρτωλοϲ τοιαυτα ϲημεια ποιειν και ϲχιϲμα ην εν αυτοιϲ
17 λεγουϲιν ουν τω τυφλω παλι̅ τι ϲυ λεγειϲ περι αυτου οτι ηνεωξεν ϲου τουϲ οφθαλμουϲ ο δε ειπε̅ οτι προφητηϲ εϲτιν
18 ουκ επιϲτευϲαν ουν οι ιουδαιοι περι αυτου οτι ην τυφλοϲ και ανεβλεψεν εωϲ οτου εφωνηϲαν τουϲ γονειϲ αυτου του αναβλεψαντοϲ
19 και ηρωτηϲαν αυτουϲ λεγοντεϲ ουτοϲ εϲτιν ο υιοϲ υμων ον υμειϲ λεγετε οτι τυφλοϲ εγεννηθη πωϲ ουν βλεπει αρτι
20 απεκριθηϲαν ουν οι γονειϲ αυτου και ειπαν οιδαμεν οτι ουτοϲ εϲτιν ο υιοϲ ημω̅ και οτι τυφλοϲ εγεννηθη
21 πωϲ δε νυν βλεπει ουκ οιδαμεν η τιϲ ηνοιξεν αυτου τουϲ οφθαλμουϲ ημειϲ ουκ οιδαμεν αυτον ερωτηϲατε ηλικιαν εχει αυτοϲ περι εαυτου λαληϲει
22 ταυτα ειπον οι γονειϲ αυτου οτι εφοβου̅το τουϲ ιουδαιουϲ ηδη γαρ ϲυνετεθειντο οι ιουδαιοι ινα εαν τιϲ αυτον ομολογηϲη χ̅ν̅ αποϲυναγωγοϲ γενηται
23 δια τουτο οι γονειϲ αυτου ειπαν οτι ηλικιαν εχει αυτον επερωτηϲατε
24 εφωνηϲα̅ ουν τον ανθρωπον εκ δευτερου οϲ ην τυφλοϲ και ειπαν αυτω δοϲ δοξαν τω θ̅ω̅ ημειϲ οιδαμεν οτι ουτοϲ ο ανθρωποϲ αμαρτωλοϲ εϲτι̅
25 απεκριθη ουν εκεινοϲ ει αμαρτωλοϲ εϲτιν ουκ οιδα εν οιδα οτι τυφλοϲ ων αρτι βλεπω
26 ειπον ουν αυτω τι εποιηϲεν ϲοι πωϲ ηνοιξεν ϲου τουϲ οφθαλμουϲ
27 απεκριθη αυτοιϲ ειπον υμιν ηδη και ουκ ηκουϲατε τι ουν παλιν θελετε ακουειν μη και υμειϲ θελετε αυτου μαθηται γενεϲθαι
28 και ελοιδορηϲαν αυτον και ειπον ϲυ μαθητηϲ ει εκεινου ημειϲ δε του μωϲεωϲ εϲμε̅ μαθηται
29 ημειϲ οιδαμεν οτι μωυϲει λελαληκεν ο θ̅ϲ̅ τουτον δε ουκ οιδαμεν ποθεν εϲτι̅
30 απεκριθη ο ανθρωποϲ και ειπεν αυτοιϲ εν τουτω γαρ το θαυμαϲτον εϲτιν οτι υμειϲ ουκ οιδατε ποθεν εϲτι̅ και ηνοιξεν μου τουϲ οφθαλμουϲ
31 οιδαμε̅ οτι ο θ̅ϲ̅ αμαρτωλων ουκ ακουει αλλα εαν τιϲ θεοϲεβηϲ η και το θελημα αυτου ποιη τουτου ακουει
32 εκ του αιωνοϲ ουκ ηκουϲθη οτι ηνεωξεν τιϲ οφθαλμουϲ τυφλου γεγεννημενου
33 ει μη ην ουτοϲ παρα θ̅υ̅ ουκ ηδυνατο ποιειν ουδεν
34 απεκριθηϲαν και ειπαν αυτω εν αμαρτιαιϲ ϲυ εγεννηθηϲ ολοϲ και ϲυ διδαϲκειϲ ημαϲ και εξεβαλον αυτον εξω
35 ηκουϲεν ι̅ϲ̅ οτι εξεβαλον αυτον εξω και ευρων αυτον ειπεν ϲυ πιϲτευειϲ ειϲ τον υιον του ανθρωπου
36 και τιϲ εϲτι̅ εφη κ̅ε̅ ινα πιϲτευϲω ειϲ αυτον
37 ειπεν αυτω ο ι̅ϲ̅ και εορακαϲ αυτον και ο λαλων μετα ϲου εκεινοϲ εϲτιν
38 ο δε εφη πιϲτευω κ̅ε̅ και προϲεκυνηϲεν αυτω
39 και ειπεν ο ι̅ϲ̅ ειϲ κριμα εγω ειϲ τον κοϲμον τουτον ηλθον ινα οι μη βλεποντεϲ βλεπωϲιν και οι βλεποντεϲ τυφλοι γενωνται
40 ηκουϲαν εκ των φαρειϲαιων ταυτα οι μετ αυτου ο̅τεϲ και ειπον αυτω μη και ημειϲ τυφλοι εϲμεν
41 ειπεν αυτοιϲ ι̅ϲ̅ ει τυφλοι ητε ουκ αν ειχετε αμαρτιαν νυν δε λεγετε οτι βλεπομεν η αμαρτια υμων μενει
Нашли в тексте ошибку? Выделите её и нажмите: Ctrl + Enter

Евангелие от Иоанна, 9 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΙΩΑΝΝΗΝ 9 ΚΕΦΆΛΑΙΟ в переводах:
ΙΩΑΝΝΗΝ 9 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Комментарии Джона Райла
  8. Толкования Августина
  9. Толкование Иоанна Златоуста
  10. Толкование Феофилакта Болгарского
  11. Новый Библейский Комментарий
  12. Лингвистический. Роджерс
  13. Комментарии Давида Стерна
  14. Библия говорит сегодня
  15. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.