1 μετα ταυτα εφανερωϲεν εαυτον παλιν ι̅ϲ̅ τοιϲ μαθηταιϲ επι τηϲ θαλαϲϲηϲ τηϲ τιβεριαδοϲ εφανερωϲεν δε ουτωϲ
2 ηϲαν ομου ϲιμων πετροϲ και θωμαϲ ο λεγομενοϲ διδυμοϲ και ναθαναηλ ο απο κανα τηϲ γαλειλαιαϲ και οι του ζεβεδαιου και αλλοι εκ των μαθητων αυτου δυο
3 λεγει αυτοιϲ ϲιμων πετροϲ υπαγω αλιευειν λεγουϲιν αυτω ερχομεθα και ημειϲ ϲυν ϲοι εξηλθον και ενεβηϲαν ειϲ το πλοιον και εν εκεινη τη νυκτι επιαϲαν ουδεν
4 πρωιαϲ δε ηδη γεινομενηϲ εϲτη ι̅ϲ̅ ειϲ τον αιγιαλο̅ ου μεντοι ηδειϲαν οι μαθηται οτι ι̅ϲ̅ εϲτιν
5 λεγει ουν αυτοιϲ ι̅ϲ̅ παιδια μη τι προϲφαγιον εχετε απεκριθηϲαν αυτω ου
6 ο δε ειπεν αυτοιϲ βαλετε ειϲ τα δεξια μερη του πλοιου το δικτυον και ευρηϲετε εβαλο̅ ουν και ουκετι αυτο ελκυϲαι ιϲχυον απο του πληθουϲ των ιχθυω̅
7 λεγει ουν ο μαθητηϲ εκεινοϲ ον ηγαπα ο ι̅ϲ̅ τω πετρω ο κ̅ϲ̅ εϲτιν ϲιμω̅ ουν πετροϲ ακουϲαϲ οτι ο κ̅ϲ̅ εϲτιν τον επε̅δυτην διεζωϲατο ην γαρ γυμνοϲ και εβαλεν εαυτον ειϲ την θαλαϲϲαν
8 οι δε αλλοι μαθηται τω πλοιαριω ηλθον ου γαρ ηϲαν μακραν απο τηϲ γηϲ αλλα ωϲ απο πηχω̅ διακοϲιων ϲυροντεϲ το δικτυον των ιχθυω̅
9 ωϲ ουν απεβηϲαν ειϲ την γην βλεπουϲιν ανθρακιαν κειμενην και οψαριον επικειμενον και αρτον
10 λεγει αυτοιϲ ι̅ϲ̅ ενεγκατε απο των οψαριων ων επιαϲατε νυ̅
11 ανεβη ουν ϲιμων πετροϲ και ειλκυϲεν το δικτυον ειϲ την γην μεϲτο̅ ιχθυων μεγαλων εκατο̅ πεντηκοντα τριων και τοϲουτων οντων ουκ εϲχιϲθη το δικτυον
12 λεγει αυτοιϲ ι̅ϲ̅ δευτε αριϲτηϲατε ουδειϲ ετολμα των μαθητων εξεταϲαι αυτον ϲυ τιϲ ει ειδοτεϲ οτι ο κ̅ϲ̅ εϲτιν
13 ερχεται ι̅ϲ̅ και λαμβανει το̅ αρτον και διδωϲιν αυτοιϲ και το οψαριον ομοιωϲ
14 τουτο ηδη τριτον εφανερωθη ι̅ϲ̅ τοιϲ μαθηταιϲ εγερθειϲ εκ νεκρων
15 οτε ουν ηριϲτηϲαν λεγει τω ϲιμωνι πετρω ο ι̅ϲ̅ ϲιμω̅ ιωανου αγαπαϲ με πλεον τουτων λεγει αυτω ναι κ̅ε̅ ϲυ οιδαϲ οτι φιλω ϲε λεγει αυτω βοϲκε τα αρνια μου
16 λεγει αυτω παλιν δευτερον ϲιμω̅ ιωανου αγαπαϲ με λεγει αυτω ναι κ̅ε̅ ϲυ οιδαϲ οτι φιλω ϲε λεγει αυτω ποιμαινε τα προβατια μου
17 λεγει αυτω το τριτον ϲιμων ιωανου φιλειϲ με ελυπηθη ο πετροϲ οτι ειπεν αυτω το τριτον φιλειϲ με και ειπε̅ κ̅ε̅ παντα ϲυ οιδαϲ ϲυ γεινωϲκειϲ οτι φιλω ϲε λεγει αυτω ι̅ϲ̅ βοϲκε τα προβατια μου
18 αμην αμη̅ λεγω ϲοι οτε ηϲ νεωτεροϲ εζωννυεϲ ϲεαυτον και περιεπατειϲ οπου ηθελεϲ οταν δε γηραϲηϲ εκτενειϲ ταϲ χειραϲ ϲου και αλλοϲ ζωϲει ϲε και οιϲει οπου ου θελειϲ
19 τουτο δε ειπεν ϲημαινων ποιω θανατω δοξαϲει τον θ̅ν̅ και τουτο ειπων λεγει αυτω ακολουθει μοι
20 επιϲτραφειϲ ο πετροϲ βλεπει τον μαθητην ον ηγαπα ο ι̅ϲ̅ ακολουθουντα οϲ και ανεπεϲεν εν τω δειπνω επι το ϲτηθοϲ αυτου και ειπεν κ̅ε̅ τιϲ εϲτιν ο παραδιδουϲ ϲε
21 τουτον ου̅ ιδων ο πετροϲ λεγει τω ι̅υ̅ κ̅ε̅ ουτοϲ δε τι
22 λεγει αυτω ο ι̅ϲ̅ εαν αυτον θελω μενειν εωϲ ερχομαι τι προϲ ϲε ϲυ μοι ακολουθει
23 εξηλθεν ουν ουτοϲ ο λογοϲ ειϲ τουϲ αδελφουϲ οτι ο μαθητηϲ εκεινοϲ ουκ αποθνηϲκει ουκ ειπεν δε αυτω ο ι̅ϲ̅ οτι ουκ αποθνηϲκει αλλ εαν αυτον θελω μενειν εωϲ ερχομαι τι προϲ ϲε
24 ουτοϲ εϲτιν ο μαθητηϲ ο και μαρτυρων περι τουτων και ο γραψαϲ ταυτα και οιδαμεν οτι αληθηϲ αυτου η μαρτυρια εϲτιν
25 εϲτι̅ δε και αλλα πολλα α εποιηϲεν ο ι̅ϲ̅ ατινα εαν γραφηται καθ εν ουδ αυτο̅ οιμαι τον κοϲμον χωρηϲειν τα γραφομενα βιβλια
Нашли в тексте ошибку? Выделите её и нажмите:
Ctrl + Enter
Евангелие от Иоанна, 21 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.