ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΙΩΑΝΝΗΝ 12 ΚΑΤΑ ΙΩΑΝΝΗΝ 12 ΚΕΦΆΛΑΙΟ

1 ο ουν ι̅ϲ̅ προ εξ ημερω̅ του παϲχα ηλθεν ειϲ βηθανιαν οπου ην λαζαροϲ ον ηγειρεν εκ νεκρων ι̅ϲ̅
2 εποιηϲαν ουν αυτω δειπνον εκει και η μαρθα διηκονει ο δε λαζαροϲ ειϲ η̅ εκ των ανακειμενω̅ ϲυν αυτω
3 η ουν μαριαμ λαβουϲα λειτραν μυρου ναρδου πιϲτικηϲ πολυτειμου ηλειψεν τουϲ ποδαϲ ι̅υ̅ και εξεμαξεν ταιϲ θριξιν αυτηϲ τουϲ ποδαϲ αυτου η δε οικια επληϲθη εκ τηϲ οϲμηϲ του μυρου
4 λεγει δε ιουδαϲ ο ιϲκαριωτηϲ ειϲ των μαθητων αυτου ο μελλων αυτον παραδιδοναι
5 δια τι τουτο το μυρον ουκ επραθη τριακοϲιων δηναριων και εδοθη πτωχοιϲ
6 ειπε̅ δε τουτο ουχ οτι περι των πτωχων εμελεν αυτω αλλ οτι κλεπτηϲ ην και το γλωϲϲοκομον εχων τα βαλλομενα εβαϲταζεν
7 ειπεν ουν ο ι̅ϲ̅ αφεϲ αυτη̅ ινα ειϲ την ημεραν του ενταφιαϲμου μου τηρηϲη αυτο
8 τουϲ πτωχουϲ γαρ παντοτε εχετε μεθ εαυτων εμε δε ου παντοτε εχετε
9 εγνω ουν ο οχλοϲ πολυϲ εκ των ιουδαιων οτι εκει εϲτιν και ηλθο̅ ου δια τον ι̅ν̅ μονον αλλ ινα και τον λαζαρον ιδωϲιν ον ηγειρεν εκ νεκρω̅
10 εβουλευϲαντο δε και οι αρχιερειϲ ινα και το̅ λαζαρον αποκτεινωϲιν
11 οτι πολλοι δι αυτο̅ υπηγον των ιουδαιω̅ και επιϲτευον ειϲ το̅ ι̅ν̅
12 τη επαυριον ο οχλοϲ πολυϲ ο ελθων ειϲ την εορτην ακουϲαντεϲ οτι ερχεται ο ι̅ϲ̅ ειϲ ιεροϲολυμα
13 ελαβον τα βαια των φοινικων και εξηλθον ειϲ υπαντηϲιν αυτω και εκραυγαϲαν ωϲαννα ευλογημενοϲ ο ερχομενοϲ εν ονοματι κ̅υ̅ και ο βαϲιλευϲ του ιϲραηλ
14 ευρων δε ο ι̅ϲ̅ οναριον εκαθιϲεν επ αυτο καθωϲ εϲτιν γεγραμμενον
15 μη φοβου {} [20] θυγατηρ ϲειων ιδου ο βαϲιλευϲ ϲου ερχεται καθημενοϲ επι πωλον ονου
16 ταυτα ουκ εγνωϲαν αυτου οι μαθηται το πρωτον αλλ οτε εδοξαϲθη ι̅ϲ̅ τοτε εμνηϲθηϲαν οτι ταυτα ην επ αυτω γεγραμμενα και ταυτα εποιηϲαν αυτω
17 εμαρτυρει ουν ο οχλοϲ ο ων μετ αυτου οτε τον λαζαρον εφωνηϲεν εκ του μνημειου και ηγειρε̅ αυτον εκ νεκρων
18 δια τουτο {} [21] υπηντηϲεν αυτω και ο οχλοϲ οτι ηκουϲαν τουτο αυτον πεποιηκεναι το ϲημειον
19 οι ουν φαρειϲαιοι ειπαν προϲ εαυτουϲ θεωρειτε οτι ουκ ωφελειτε ουδεν ιδε ο κοϲμοϲ οπιϲω αυτου απηλθεν
20 ηϲαν δε ελληνεϲ τινεϲ εκ των αναβαινο̅των ινα προϲκυνηϲωϲιν εν τη εορτη
21 ουτοι ουν προϲηλθον φιλιππω τω απο βηθϲαιδα τηϲ γαλειλαιαϲ και ηρωτων αυτον λεγοντεϲ κ̅ε̅ θελομεν τον ι̅ν̅ ιδει̅
22 ερχεται ο φιλιπποϲ και λεγει τω ανδρεα ερχεται ανδρεαϲ και φιλιπποϲ και λεγουϲιν τω ι̅υ̅
23 ο δε ι̅ϲ̅ αποκρεινεται αυτοιϲ λεγων εληλυθεν η ωρα ινα δοξαϲθη ο υιοϲ του ανθρωπου
24 αμην αμην λεγω υμιν εαν μη ο κοκκοϲ του ϲειτου πεϲων ειϲ την γην αποθανη αυτοϲ μονοϲ μενει εαν δε αποθανη πολυν καρπον φερει
25 ο φιλω̅ την ψυχην αυτου απολλυει αυτην και ο μειϲω̅ την ψυχην αυτου εν τω κοϲμω τουτω ειϲ ζωην αιωνιον φυλαξει αυτην
26 εαν εμοι τιϲ διακονη εμοι ακολουθειτω και οπου ειμι εγω εκει και ο διακονοϲ ο εμοϲ εϲται εαν τιϲ εμοι διακονη τιμηϲει αυτον ο πατηρ
27 νυ̅ η ψυχη μου τεταρακται και τι ειπω πατερ ϲωϲον με εκ τηϲ ωραϲ ταυτηϲ αλλα δια τουτο ηλθον ειϲ την ωραν ταυτην
28 πατηρ δοξαϲον μου το ονομα ηλθεν ου̅ φωνη εκ του ουρανου και εδοξαϲα και παλιν δοξαϲω
29 ο οχλοϲ ο εϲτωϲ και ακουϲαϲ ελεγεν βρο̅την γεγονεναι αλλοι ελεγον αγγελοϲ αυτω λελαληκεν
30 απεκριθη και ειπεν ι̅ϲ̅ ου δι εμε η φωνη αυτη γεγονεν αλλα δι υμαϲ
31 νυν κριϲιϲ εϲτιν του κοϲμου τουτου νυν ο αρχων του κοϲμου τουτου εκβληθηϲεται εξω
32 καγω αν υψωθω εκ τηϲ γηϲ πα̅ταϲ ελκυϲω προϲ εμαυτον
33 τουτο δε ελεγεν ϲημαινων ποιω θανατω ημελλεν αποθνηϲκει̅
34 απεκριθη ουν αυτω ο οχλοϲ ημειϲ ηκουϲαμε̅ εκ του νομου οτι ο χ̅ϲ̅ μενει ειϲ τον αιωνα και πωϲ λεγειϲ ϲυ οτι δει υψωθηναι τον υιο̅ του ανθρωπου τιϲ εϲτι̅ ουτοϲ ο υιοϲ του ανθρωπου
35 ειπεν ουν αυτοιϲ ο ι̅ϲ̅ ετι μεικρον χρονον το φωϲ εν υμιν εϲτιν περιπατειτε ωϲ το φωϲ εχετε ινα μη ϲκοτια υμαϲ καταλαβη και ο περιπατων εν τη ϲκοτια ουκ οιδεν που υπαγει
36 ωϲ το φωϲ εχετε πιϲτευετε ειϲ το φωϲ ινα υιοι φωτοϲ γενηϲθε ταυτα ελαληϲεν ι̅ϲ̅ και απελθων εκρυβη απ αυτων
37 τοϲαυτα δε αυτου ϲημεια πεποιηκοτοϲ εμπροϲθεν αυτων ουκ επιϲτευον ειϲ αυτον
38 ινα ο λογοϲ ηϲαιου του προφητου πληρωθη ον ειπεν κ̅ε̅ τιϲ επιϲτευϲεν τη ακοη ημων και ο βραχιων κ̅υ̅ τινι απεκαλυφθη
39 δια τουτο ουκ ηδυναντο πιϲτευειν οτι παλι̅ ειπεν ηϲαιαϲ
40 τετυφλωκεν αυτων τουϲ οφθαλμουϲ και επωρωϲεν αυτων την καρδιαν ινα μη ιδωϲιν τοιϲ οφθαλμοιϲ και νοηϲωϲι τη καρδια και ϲτραφωϲι και ιαϲομαι αυτουϲ
41 ταυτα ειπεν ηϲαιαϲ οτι ειδεν την δοξαν αυτου και ελαληϲεν περι αυτου
42 ομωϲ μεντοι και εκ των αρχοντω̅ πολλοι επιϲτευϲαν ειϲ αυτον αλλα δια τουϲ φαρειϲαιουϲ ουχ ωμολογουν ινα μη αποϲυ̅αγωγοι γενωνται
43 ηγαπηϲαν γαρ την δοξαν των ανθρωπων μαλλο̅ ηπερ την δοξαν του θ̅υ̅
44 ι̅ϲ̅ δε εκραξεν και ειπε̅ ο πιϲτευων ειϲ εμε ου πιϲτευει ειϲ εμε αλλα ειϲ τον πεμψαντα με
45 και ο θεωρων εμε θεωρει τον πεμψαντα με
46 εγω φωϲ ειϲ τον κοϲμον εληλυθα ινα ο πιϲτευων ειϲ εμε εν τη ϲκοτια μη μεινη
47 και εαν τιϲ μου ακουϲη τω̅ ρηματων και μη φυλαξη εγω ου κρεινω αυτο̅ ου γαρ ηλθον ινα κρεινω τον κοϲμον αλλ ινα ϲωϲω τον κοϲμον
48 ο αθετων εμε και μη λαμβανων τα ρηματα μου εχει τον κρεινοντα αυτον ο λογοϲ ον ελαληϲα εκεινοϲ κρεινει αυτον εν τη εϲχατη ημερα
49 οτι εγω εξ εμαυτου ουκ ελαληϲα αλλ ο πεμψαϲ με πατηρ αυτοϲ μοι εντολην δεδωκεν τι ειπω και τι λαληϲω
50 και οιδα οτι η εντολη αυτου ζωη αιωνιοϲ εϲτιν α ουν εγω λαλω καθωϲ ειρηκεν μοι ο πατηρ ουτωϲ λαλω

Примечания:

15  [20] {η}
18  [21] {και}

Нашли в тексте ошибку? Выделите её и нажмите: Ctrl + Enter

Евангелие от Иоанна, 12 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΙΩΑΝΝΗΝ 12 ΚΕΦΆΛΑΙΟ в переводах:
ΙΩΑΝΝΗΝ 12 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Комментарии Джона Райла
  8. Толкования Августина
  9. Толкование Иоанна Златоуста
  10. Толкование Феофилакта Болгарского
  11. Новый Библейский Комментарий
  12. Лингвистический. Роджерс
  13. Комментарии Давида Стерна
  14. Библия говорит сегодня
  15. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.