1 τοτε ουν ελαβεν ο πειλατοϲ τον ι̅ν̅ και εμαϲτειγωϲεν
2 και οι ϲτρατιωται πλεξαντεϲ ϲτεφανον εξ ακανθων επεθηκαν αυτου τη κεφαλη και ιματιον πορφυρουν περιεβαλον αυτον
3 και ηρχοντο προϲ αυτον και ελεγον χαιρε ο βαϲιλευϲ των ιουδαιων και εδιδοϲαν αυτω ραπιϲματα
4 και εξηλθε παλι̅ εξω ο πειλατοϲ και λεγει αυτοιϲ ιδε αγω υμι̅ αυτον εξω ινα γνωτε οτι ουδεμιαν αιτιαν ευριϲκω εν αυτω
5 εξηλθεν ουν ι̅ϲ̅ εξω φορω̅ τον ακανθινον ϲτεφανον και το πορφυρουν ιματιον και λεγει αυτοιϲ ιδου ανθρωποϲ
6 οτε ουν ειδο̅ αυτον οι αρχιερειϲ και οι υπηρεται εκραυγαϲαν λεγοντεϲ ϲταυρωϲον ϲταυρωϲον λεγει αυτοιϲ ο πειλατοϲ λαβετε αυτον υμειϲ και ϲταυρωϲατε εγω γαρ ουχ ευριϲκω εν αυτω αιτιαν
7 απεκριθηϲαν αυτω οι ιουδαιοι ημειϲ νομον εχομεν και κατα τον νομον οφειλει αποθανειν οτι υιον θ̅υ̅ εαυτον εποιηϲεν
8 οτε ουν ηκουϲεν ο πειλατοϲ τουτον τον λογο̅ μαλλον εφοβηθη
9 και ειϲηλθεν ειϲ το πραιτωριον παλιν και λεγει τω ι̅υ̅ ποθεν ει ϲυ ο δε ι̅ϲ̅ αποκριϲιν ουκ εδωκε̅ αυτω
10 λεγει ουν αυτω ο πειλατοϲ εμοι ου λαλειϲ ουκ οιδαϲ οτι εξουϲιαν εχω απολυϲαι ϲε και εξουϲιαν εχω ϲταυρωϲαι ϲε
11 απεκριθη αυτω ι̅ϲ̅ ουκ ειχεϲ εξουϲιαν κατ εμου ουδεμιαν ει μη ην δεδομενον ϲοι ανωθεν δια τουτο ο παραδουϲ με ϲοι μειζονα αμαρτιαν εχει
12 εκ τουτου ο πειλατοϲ εζητει απολυϲαι αυτο̅ οι δε ιουδαιοι εκραυγαϲαν λεγοντεϲ αν τουτον απολυϲηϲ ουκ ει φιλοϲ του καιϲαροϲ παϲ ο βαϲιλεα εαυτον ποιων αντιλεγει τω καιϲαρι
13 ο ουν πειλατοϲ ακουϲαϲ των λογων τουτων ηγαγεν εξω τον ι̅ν̅ και εκαθιϲεν επι βηματοϲ ειϲ τοπον λεγομενον λιθοϲτρωτον εβραιϲτι δε γαββαθα
14 ην δε παραϲκευη του παϲχα ωρα ην ωϲ εκτη και λεγει τοιϲ ιουδαιοιϲ ιδε ο βαϲιλευϲ υμων
15 εκραυγαϲαν ουν εκεινοι αρον αρον ϲταυρωϲον αυτον λεγει αυτοιϲ ο πειλατοϲ τον βαϲιλεα υμων ϲταυρωϲω απεκριθηϲαν οι αρχιερειϲ ουκ εχομεν βαϲιλεα ει μη καιϲαρα
16 τοτε ουν παρεδωκεν αυτον αυτοιϲ ινα ϲταυρωθη παρελαβον ουν τον ι̅ν̅
17 και βαϲταζων αυτω τον ϲταυρον εξηλθεν ειϲ τον λεγομενον κρανιου τοπο̅ ο λεγετε εβραιϲτι γολγοθ
18 οπου αυτον εϲταυρωϲαν και μετ αυτου αλλουϲ δυο εντευθε̅ και εντευθεν μεϲον δε τον ι̅ν̅
19 εγραψεν δε και τιτλον ο πειλατοϲ και εθηκεν επι του ϲταυρου ην δε γεγραμμενο̅ ι̅ϲ̅ ο ναζωραιοϲ ο βαϲιλευϲ των ιουδαιων
20 τουτο̅ ουν τον τιτλον πολλοι ανεγνωϲαν των ιουδαιων οτι εγγυϲ ην ο τοποϲ τηϲ πολεωϲ οπου εϲταυρωθη ο ι̅ϲ̅ και ην γεγραμμενον εβραιϲτι ρωμαιϲτι ελληνιϲτι
21 ελεγον ου̅ τω πειλατω οι αρχιερειϲ των ιουδαιων μη γραφε ο βαϲιλευϲ των ιουδαιων αλλ οτι εκεινοϲ ειπε βαϲιλευϲ των ιουδαιων ειμι
22 απεκριθη ο πειλατοϲ ο γεγραφα γεγραφα
23 οι ουν ϲτρατιωται οτε εϲταυρωϲα̅ τον ι̅ν̅ ελαβον τα ιματια αυτου και εποιηϲαν τεϲϲαρα μερη εκαϲτω ϲτρατιωτη μεροϲ και τον χιτωνα ην δε ο χιτων αρραφοϲ εκ των ανωθεν υφαντοϲ δι ολου
24 ειπον ουν προϲ αλληλουϲ μη ϲχιϲωμεν αυτον αλλα λαχωμεν περι αυτου τινοϲ εϲται ινα η γραφη πληρωθη διεμεριϲαντο τα ιματια μου εαυτοιϲ και επι τον ιματιϲμον μου εβαλον κληρον οι με̅ ουν ϲτρατιωται ταυτα εποιηϲαν
25 ιϲτηκειϲαν δε παρα τω ϲταυρω του ι̅υ̅ η μητηρ αυτου και η αδελφη τηϲ μητροϲ αυτου μαρια η του κλωπα και μαρια η μαγδαληνη
26 ι̅ϲ̅ ουν ιδων την μητερα και τον μαθητην παρεϲτωτα ον ηγαπα λεγει τη μητρι γυναι ιδε ο υιοϲ ϲου
27 ειτα λεγει τω μαθητη ιδε η μητηρ ϲου και απ εκεινηϲ τηϲ ωραϲ ελαβεν ο μαθητηϲ αυτην ειϲ τα ιδια
28 μετα τουτο ι̅ϲ̅ ειδωϲ οτι ηδη παντα τετελεϲται ινα τελειωθη η γραφη λεγει διψω
29 ϲκευοϲ εκειτο οξουϲ μεϲτον ϲπογγον ουν μεϲτον του οξουϲ υϲϲωπω περιθεντεϲ προϲηνεγκαν αυτου τω ϲτοματι
30 οτε ουν ελαβεν το οξοϲ ι̅ϲ̅ ειπεν τετελεϲται και κλειναϲ τη̅ κεφαλην παρεδωκεν το πνευμα
31 οι ουν ιουδαιοι επι παραϲκευη η̅ ινα μη μεινη επι του ϲταυρου τα ϲωματα ε̅ τω ϲαββατω ην γαρ μεγαλη η ημερα εκεινη του ϲαββατου ηρωτηϲαν τον πειλατον ινα κατεαγωϲιν αυτων τα ϲκελη και αρθωϲιν
32 ηλθον ουν οι ϲτρατιωται και του μεν πρωτου κατεαξαν τα ϲκελη και του αλλου του ϲυνϲταυρωθεντοϲ αυτω
33 επι δε τον ι̅ν̅ ελθοντεϲ ωϲ ειδον ηδη αυτον τεθνηκοτα ου κατεαξαν αυτου τα ϲκελη
34 αλλ ειϲ τω̅ ϲτρατιωτων λογχη αυτου την πλευραν ενυξεν και εξηλθεν ευθυϲ αιμα και υδωρ
35 και ο εωρακωϲ μεμαρτυρηκε και αληθινη αυτου εϲτιν η μαρτυρια και εκεινοϲ οιδεν οτι αληθη λεγει ινα και υμειϲ πιϲτευητε
36 εγενετο γαρ ταυτα ινα η γραφη πληρωθη οϲτουν ου ϲυντριβηϲεται αυτου
37 και παλιν ετερα γραφη λεγει οψονται ειϲ ον εξεκεντηϲαν
38 μετα δε ταυτα ηρωτηϲεν τον πειλατον ιωϲηφ απο αρειμαθαιαϲ ων μαθητηϲ ι̅υ̅ κεκρυμμενοϲ δε δια τον φοβον των ιουδαιων ινα αρη το ϲωμα του ι̅υ̅ και επετρεψεν ο πειλατοϲ ηλθεν ουν και ηρεν το ϲωμα αυτου
39 ηλθεν δε και νεικοδημοϲ ο ελθων προϲ αυτον νυκτοϲ το πρωτον φερων ελιγμα ϲμυρνηϲ και αλοηϲ ωϲ λειτραϲ εκατον
40 ελαβο̅ ουν το ϲωμα του ι̅υ̅ και εδηϲαν αυτο οθονιοιϲ μετα των αρωματων καθωϲ εθοϲ εϲτι τοιϲ ιουδαιοιϲ ενταφιαζει̅
41 ην δε εν τω τοπω οπου εϲταυρωθη κηποϲ και εν τω κηπω μνημειο̅ καινον εν ω ουδεπω ουδειϲ ην τεθειμενοϲ
42 εκει ουν δια την παραϲκευην των ιουδαιων οτι εγγυϲ ην το μνημειο̅ εθηκαν τον ι̅ν̅
Нашли в тексте ошибку? Выделите её и нажмите:
Ctrl + Enter
Евангелие от Иоанна, 19 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.