1 και τη τριτη ημερα γαμοϲ εγενετο εν κανα τηϲ γαλειλαιαϲ και ην η μητηρ του ι̅υ̅ εκει
2 εκληθη δε και ο ι̅ϲ̅ και οι μαθηται αυτου ειϲ τον γαμον
3 και υϲτερηϲαντοϲ οινου λεγει η μητηρ του ι̅υ̅ προϲ αυτον οινον ουκ εχουϲι̅
4 και λεγει αυτη ο ι̅ϲ̅ τι εμοι και ϲοι γυναι ουπω ηκει η ωρα μου
5 λεγει η μητηρ αυτου τοιϲ διακονοιϲ ο ο αν λεγη υμι̅ ποιηϲατε
6 ηϲαν δε εκει λιθιναι υδριαι εξ κατα τον καθαριϲμον των ιουδαιων κειμεναι χωρουϲαι ανα μετρηταϲ δυο η τριϲ
7 λεγει αυτοιϲ ο ι̅ϲ̅ γεμιϲατε ταϲ υδριαϲ υδατοϲ και εγεμιϲα̅ αυταϲ εωϲ ανω
8 και λεγει αυτοιϲ αντληϲατε νυν και φερετε τω αρχιτρικλεινω οι δε ηνεγκαν
9 ωϲ δε εγευϲατο ο αρχιτρικλεινοϲ το υδωρ οινον γεγενημενον και ουκ ηδει ποθε̅ εϲτιν οι δε διακονοι ηδειϲαν οι ηντληκοτεϲ το υδωρ φωνει το̅ νυμφιον ο αρχιτρικλεινοϲ
10 και λεγει αυτω παϲ ανθρωποϲ πρωτον το̅ καλον οινον τιθηϲιν και οταν μεθυϲθωϲι τον ελαϲϲω ϲυ τετηρηκαϲ τον καλον οινο̅ εωϲ αρτι
11 ταυτην εποιηϲεν αρχην των ϲημιων ο ι̅ϲ̅ εν κανα τηϲ γαλειλαιαϲ και εφανερωϲεν την δοξαν αυτου και επιϲτευϲαν ειϲ αυτον οι μαθηται αυτου
12 μετα τουτο κατεβη ειϲ καφαρναουμ αυτοϲ και η μητηρ αυτου και οι αδελφοι και οι μαθηται αυτου και εκει εμειναν ου πολλαϲ ημεραϲ
13 και εγγυϲ ην το παϲχα των ιουδαιω̅ και ανεβη ειϲ ιεροϲολυμα ο ι̅ϲ̅
14 και ευρεν εν τω ιερω τουϲ πωλουνταϲ βοαϲ και προβατα και περιϲτεραϲ και τουϲ κερματιϲταϲ καθημενουϲ
15 και ποιηϲαϲ φραγελλιον εκ ϲχοινιων πανταϲ εξεβαλεν εκ του ιερου τα τε προβατα και τουϲ βοαϲ και των κολλυβιϲτων εξεχεεν τα κερματα και ταϲ τραπεζαϲ ανετρεψεν
16 και τοιϲ ταϲ περιϲτεραϲ πωλουϲιν ειπεν αρατε ταυτα εντευθεν μη ποιειτε τον οικο̅ του πατροϲ μου οικο̅ εμποριου
17 εμνηϲθηϲαν οι μαθηται αυτου οτι εϲτιν γεγραμμενον ο ζηλοϲ του οικου ϲου καταφαγεται με
18 απεκριθηϲαν ουν οι ιουδαιοι και ειπαν αυτω τι ϲημειον δεικνυειϲ ημιν οτι ταυτα ποιειϲ
19 απεκριθη ι̅ϲ̅ και ειπεν αυτοιϲ λυϲατε τον ναον τουτον και τριϲιν ημεραιϲ εγερω αυτον
20 ειπαν ουν οι ιουδαιοι τεϲϲερακοντα και εξ ετεϲιν οικοδομηθη ο ναοϲ ουτοϲ και ϲυ εν τριϲιν ημεραιϲ εγερειϲ αυτον
21 εκεινοϲ δε ελεγεν περι του ναου του ϲωματοϲ αυτου
22 οτε ουν ηγερθη εκ νεκρων εμνηϲθηϲα̅ οι μαθηται αυτου οτι τουτο ελεγεν και επιϲτευϲαν τη γραφη και τω λογω ον ειπεν ο ι̅ϲ̅
23 ωϲ δε ην εν τοιϲ ιεροϲολυμοιϲ εν τω παϲχα τη εορτη πολλοι επιϲτευϲαν ειϲ το ονομα αυτου θεωρουντεϲ αυτου τα ϲημεια α εποιει
24 αυτοϲ δε ι̅ϲ̅ ουκ επιϲτευεν αυτον αυτοιϲ δια το αυτον γινωϲκει̅ πανταϲ
25 και οτι ου χρειαν ειχεν ινα τιϲ μαρτυρηϲη περι του ανθρωπου αυτοϲ γαρ εγινωϲκεν τι ην εν τω ανθρωπω
Нашли в тексте ошибку? Выделите её и нажмите:
Ctrl + Enter
Евангелие от Иоанна, 2 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.