1 πιϲτοϲ ο λογοϲ ει τιϲ επιϲκοπηϲ ορεγεται καλου εργου επιθυμει
2 δι ουν τον επιϲκοπον ανεπιλημπτον ειναι μιαϲ γυναικοϲ ανδρα νηφαλιο̅ ϲωφρονα κοϲμιον φιλοξενον διδακτικον
3 μη παροινον μη πληκτην αλλα επιεικη αμαχο̅ αφιλαργυρον
4 του ιδιου οικου καλωϲ προιϲτανομενον τεκνα εχοντα εν υποταγη μετα παϲηϲ ϲεμνοτητοϲ
5 ει δε τιϲ του ιδιου οικου προϲτηναι ουκ οιδεν πωϲ εκκληϲιαϲ θ̅υ̅ επιμεληϲεται
6 μη νεοφυτον ινα μη τυφωθειϲ ειϲ κριμα εμπεϲη του διαβολου
7 δει δε και μαρτυριαν καλην εχιν απο των εξωθεν ινα μη ειϲ ονιδιϲμον εμπεϲη και παγιδα του διαβολου
8 διακονουϲ ωϲαυτωϲ μη διλογουϲ μη οινω πολλω προϲεχονταϲ μη αιϲχροκερδειϲ
9 εχονταϲ το μυϲτηριον τηϲ πιϲτεωϲ και καθαραϲ ϲυνειδηϲεωϲ
10 και ουτοι δε δοκειμαζεϲθωϲαν πρωτον ειτα διακονιτωϲαν ανεγκλητοι οντεϲ
11 γυναικαϲ ωϲαυτωϲ ϲεμναϲ μη διαβολουϲ νηφαλιουϲ πιϲταϲ εν παϲιν
12 διακονοι εϲτωϲα̅ μιαϲ γυναικοϲ α̅δρεϲ τεκνων καλωϲ προιϲταμενοι και των ιδιω̅ οικων
13 οι γαρ καλωϲ διακονηϲαντεϲ βαθμο̅ εαυτοιϲ καλον περιποιουνται και πολλην παρρηϲιαν εν πιϲτι τη εν χ̅ω̅ ι̅υ̅
14 ταυτα ϲοι γραφω ελπιζων ελθιν προϲ ϲε ταχιον
15 εαν δε βραδυνω ινα ειδηϲ πωϲ δει εν οικω θ̅υ̅ αναϲτρεφεϲθαι ητιϲ εϲτιν εκκληϲια θ̅υ̅ ζωντοϲ ϲτυλοϲ και εδραιωμα τηϲ αληθιαϲ
16 και ομολογουμενωϲ μεγα εϲτιν το τηϲ ευϲεβειαϲ μυϲτηριον οϲ εφανερωθη εν ϲαρκι εδικαιωθη εν π̅ν̅ι̅ ωφθη αγγελοιϲ εκηρυχθη εν εθνεϲιν επιϲτευθη εν κοϲμω ανελημφθη εν δοξη