1 οϲοι ειϲιν υπο ζυγο̅ δουλοι {π}[7] τουϲ ιδιουϲ δεϲποταϲ παϲηϲ τιμηϲ αξιουϲ ηγειϲθωϲαν ινα μη το ονομα του θ̅υ̅ και η διδαϲκαλια βλαϲφημηται
2 οι δε πιϲτουϲ εχοντεϲ δεϲποταϲ μη καταφρονιτωϲαν αλλα μαλλον δουλευετωϲαν οτι πιϲτοι ειϲιν και αγαπητοι οι τηϲ ευεργεϲιαϲ αντιλαμβανομενοι ταυτα διδαϲκε και παρακαλει
3 ει τιϲ ετεροδιδαϲκαλει και μη προϲεχετε υγιαινουϲι λογοιϲ τοιϲ του κ̅υ̅ ημων ι̅υ̅ χ̅υ̅ και τη κατ ευϲεβιαν διδαϲκαλια
4 τετυφωται μηδε̅ επιϲταμενοϲ αλλα νοϲων περι ζητηϲειϲ και λογομαχιαϲ εξ ων γινεται φθονοϲ εριϲ βλαϲφημιαι υπονοιαι πονηραι
5 διαπαρατριβαι διεφθαρμενων ανθρωπω̅ τον νουν και απεϲτερημενων τηϲ αληθειαϲ νομιζο̅των ποριϲμον ειναι την ευϲεβιαν
6 εϲτιν δε ποριϲμοϲ μεγαϲ η ευϲεβεια μετα αυταρκειαϲ
7 ουδεν γαρ ειϲηνεγκαμεν ειϲ τον κοϲμον οτι ουδε εξενεγκειν τι δυναμεθα
8 εχοντεϲ δε διατροφαϲ και ϲκεπαϲματα τουτοιϲ αρκεϲθηϲομεθα
9 οι δε βουλομενοι πλουτιν εμπιπτουϲιν ειϲ πιραϲμον και παγιδα και επιθυμιαϲ πολλαϲ ανοητουϲ και βλαβεραϲ αιτινεϲ βυθιζουϲι τουϲ ανθρωπουϲ ειϲ ολεθρον και απωλιαν
10 ριζα γαρ παντων των κακων εϲτι̅ η φιλαργυρια ηϲ τινεϲ ορεγομενοι απεπλανηθηϲαν απο τηϲ πιϲτεωϲ και εαυτουϲ περιεπειραν οδυναιϲ ποικιλαιϲ
11 ϲυ δε ω ανθρωπε θ̅υ̅ ταυτα φευγε διωκε δε δικαιοϲυνην πιϲτιν αγαπην υπομονην πραυπαθιαν
12 αγωνιζου τον καλον αγωνα τηϲ πιϲτεωϲ επιλαβου τηϲ αιωνιου ζωηϲ ειϲ ην εκληθηϲ και ωμολογηϲαϲ την καλην ομολογιαν ενωπιο̅ πολλων μαρτυρω̅
13 παραγγελλω ενωπιον θ̅υ̅ του ζωοποιουντοϲ τα πα̅τα και ι̅υ̅ χ̅υ̅ του μαρτυρηϲαντοϲ επι ποντιου πιλατου την καλην ομολογιαν
14 τηρηϲαι ϲε την εντολην αϲπιλον ανεπιλημπτον μεχρι τηϲ επιφανειαϲ του κ̅υ̅ ημων χ̅υ̅ ι̅υ̅
15 ην καιροιϲ ιδιοιϲ διξει ο μακαριοϲ και μονοϲ δυναϲτηϲ ο βαϲιλευϲ των βαϲιλευοντων και κ̅ϲ̅ των κυριευοντων
16 ο μονοϲ εχων αθαναϲιαν φωϲ οικων απροϲιτο̅ ον ειδεν ουδειϲ ανθρωπων ουδε ιδειν δυναται ω τιμη και το κρατοϲ αιωνιον αμην
17 τοιϲ πλουϲιοιϲ εν τω νυν καιρω παραγγελλε μη υψηλα φρονιν μηδε ηλπικεναι επι πλουτου αδηλοτητι αλλ επι θ̅ω̅ τω παρεχοντι ημιν πα̅τα πλουϲιωϲ ειϲ απολαυϲιν
18 αγαθοεργειν πλουτιν εν εργοιϲ καλοιϲ ευμεταδοτουϲ ειναι κοινωνικουϲ
19 αποθηϲαυριζονταϲ εαυτοιϲ θεμελιο̅ καλον ειϲ το μελλον ινα επιλαβω̅ται τηϲ οντωϲ ζωηϲ
20 ω τιμοθεε την παραθηκην φυλαξο̅ εκτρεπομενοϲ ταϲ βεβηλουϲ κενοφωνιαϲ και α̅τιθεϲειϲ τηϲ ψευδωνυμου γνωϲεωϲ
21 ην τινεϲ επαγγελλομενοι περι την πιϲτιν ηϲτοχηϲαν η χαριϲ μεθ υμων