1 παρακαλω ουν πρωτον παντω̅ ποιειϲθαι δεηϲειϲ προϲευχαϲ εντευξειϲ ευχαριϲτιαϲ υπερ παντων ανθρωπων
2 υπερ βαϲιλεων και πα̅των των εν υπεροχη οντων ινα ηρεμον και ηϲυχιον βιον διαγωμεν εν παϲη ευϲεβια και ϲεμνοτητι
3 τουτο καλον ϗ αποδεκτον ενωπιον του ϲ̅ρ̅ϲ̅ ημω̅ θ̅υ̅
4 οϲ πανταϲ ανθρωπουϲ θελει ϲωθηναι και ειϲ επιγνωϲιν αληθειαϲ ελθιν
5 ειϲ γαρ θ̅ϲ̅ ειϲ και μεϲειτηϲ θ̅υ̅ και ανθρωπων ανθρωποϲ χ̅ϲ̅ ι̅ϲ̅
6 ο δουϲ εαυτον αντιλυτρο̅ υπερ παντων ϗ μαρτυριον καιροιϲ ιδιοιϲ
7 ειϲ ο ετεθην εγω κηρυξ και αποϲτολοϲ αληθειαν λεγω εν χ̅ω̅ ου ψευδομαι διδαϲκαλοϲ εθνων εν γνωϲι και αληθεια
8 βουλομαι ουν προϲευχεϲθαι τουϲ α̅δραϲ εν παντι τοπω επαιρονταϲ οϲιουϲ χιραϲ χωριϲ οργηϲ και διαλογιϲμου
9 ωϲαυτωϲ γυναικαϲ εν καταϲτολη κοϲμιω μετα αιδουϲ και ϲωφροϲυνηϲ κοϲμιν εαυταϲ μη εν πλεγμαϲιν και χρυϲω η μαργαριταιϲ η ιματιϲμω πολυτελει
10 αλλ ο πρεπει γυναιξιν επαγγελλομεναιϲ θεοϲεβειαν δι εργων αγαθων
11 γυνη εν ηϲυχια μανθανετω εν παϲη υποταγη
12 διδαϲκιν δε γυναικι ουκ επιτρεπω ουδε αυθεντειν ανδροϲ αλλ ειναι εν ηϲυχια
13 αδαμ γαρ πρωτοϲ επλαϲθη ειτα ευα
14 και αδαμ ουκ ηπατηθη η δε γυνη εξαπατηθειϲα εν παραβαϲει γεγονε̅
15 ϲωθηϲεται δε δια τηϲ τεκνογονιαϲ εαν μινωϲιν εν πιϲτι και αγαπη και αγιαϲμω μετα ϲωφροϲυνηϲ