Библия » Вашингтонский кодекс – 5 век

ΚΑΤΑ ΜΑΤΘΑΙΟΝ 28 κεφάλαιο

1 οψε δε ϲαββατων τη επιφωϲκουϲη ειϲ μιαν ϲαββατων ηλθεν μαρια η μαγδαληνη και η αλλη μαρια θεωρουϲαι τον ταφον
2 και ιδου ϲιϲμοϲ εγενετο μεγαϲ αγγελοϲ γαρ κ̅υ̅ κατεβη εξ ουρανου και προϲελθων απεκυλιϲεν τον λιθον απο τηϲ θυραϲ και εκαθητο επανω αυτου
3 ην δε η ιδεα αυτου ωϲ αϲτραπη και το ενδυμα αυτου λευκον ωϲει χιων
4 απο δε του φοβου αυτου εϲειϲθηϲαν οι τηρουντεϲ και εγενοντο ωϲει νεκροι
5 αποκριθειϲ ο αγγελοϲ ειπεν ταιϲ γυναιξιν μη φοβειϲθε υμειϲ οιδα γαρ οτι ι̅ν̅ τον εϲταυρωμενον ζητιται
6 ουκ εϲτιν ωδε ηγερθη γαρ καθωϲ ειπεν δευτε ειδεται τον τοπον οπου εκειτο ο κ̅ϲ̅
7 και ταχυ πορευθειϲαι ειπατε τοιϲ μαθηταιϲ αυτου οτι ηγερθη απο τω̅ νεκρων και ιδου προαγει υμαϲ ειϲ τη̅ γαλιλαιαν εκει αυτον οψεϲθαι ιδου ειπον υμιν
8 και εξελθουϲαι ταχυ απο του μνημιου μετα φοβου και χαραϲ μεγαληϲ εδραμον απαγγειλαι τοιϲ μαθηταιϲ αυτου
9 και ιδου ο ι̅ϲ̅ απηντηϲεν αυταιϲ λεγω̅ χαιρεται αι δε προϲελθουϲαι εκρατηϲαν αυτου τουϲ ποδαϲ και προϲεκυνηϲαν αυτω
10 τοτε λεγει αυταιϲ ο ι̅ϲ̅ μη φοβειϲθαι υπαγεται απαγγειλατε τοιϲ αδελφοιϲ μου ινα απελθωϲιν ειϲ την γαλιλαιαν ϗ εκει με οψονται
11 πορευομενων δε αυτων ιδου τινεϲ τηϲ κουϲτωδιαϲ ελθοντεϲ ειϲ την πολιν απηγγειλον τοιϲ αρχιερευϲιν απαντα τα γενομενα
12 και ϲυναχθεντεϲ μετα των πρεϲβυτερων ϲυνβουλιον τε λαβοντεϲ αργυρια ικανα εδωκαν τοιϲ ϲτρατιωταιϲ
13 λεγοντεϲ ειπατε οτι οι μαθηται αυτου νυκτοϲ ελθοντεϲ εκλεψαν αυτον ημων κοιμωμενων
14 και εαν ακουϲθη τουτο επι του ηγεμονοϲ ημειϲ πιϲομεν αυτον και υμαϲ αμεριμνουϲ ποιηϲωμεν
15 οι δε λαβοντεϲ αργυρια εποιηϲαν ωϲ εδιδαχθηϲαν και διεφημιϲθη ο λογοϲ ουτοϲ παρα ιουδαιοιϲ μεχριϲ τηϲ ϲημερον
16 οι δε ενδεκα μαθηται επορευθηϲαν ειϲ την γαλιλαιαν ειϲ το οροϲ ου εταξατο αυτοιϲ ο ι̅ϲ̅
17 και ιδοντεϲ αυτον προϲεκυνηϲαν αυτω οι δε εδιϲταϲαν
18 και προϲελθων ο ι̅ϲ̅ ελαληϲεν αυτοιϲ λεγω̅ εδοθη μοι παϲα εξουϲια εν ουρανω και επι γηϲ
19 πορευθεντεϲ ουν μαθητευϲατε παντα τα εθνη βαπτιζοντεϲ αυτουϲ ειϲ το ονομα του π̅ρ̅ϲ̅ και του υιου και του αγιου π̅ν̅ϲ̅
20 διδαϲκοντεϲ αυτουϲ τηρειν παντα οϲα ενετειλαμην υμιν και ιδου εγω μεθ υμων ειμει παϲαϲ ταϲ ημεραϲ εωϲ τηϲ ϲυντελειαϲ του αιωνοϲ
Нашли ошибку в тексте? Выделите её и нажмите: Ctrl + Enter

Евангелие от Матфея, 28 глава

Обратите внимание. Номера стихов – это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007-2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.
Рекомендуем хостинг, которым пользуемся сами – Beget. Стабильный. Недорогой.