ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΜΑΤΘΑΙΟΝ 10 ΚΑΤΑ ΜΑΤΘΑΙΟΝ 10 ΚΕΦΆΛΑΙΟ

1 και προϲκαλεϲαμενοϲ τουϲ δωδεκα μαθηταϲ αυτου εδωκεν αυτοιϲ εξουϲιαν πνευματων ακαθαρτων ωϲτε εκβαλλιν αυτα και θεραπευειν παϲαν νοϲον και παϲαν μαλακειαν
2 των δε δωδεκα αποϲτολων τα ονοματα εϲτιν ταυτα πρωτοϲ ϲιμων ο λεγομενοϲ πετροϲ και ανδρεαϲ ο αδελφοϲ αυτου ιακωβοϲ ο του ζεβαιδεου και ιωαννηϲ ο αδελφοϲ αυτου
3 φιλιπποϲ και βαρθολομαιοϲ θωμαϲ και ματθαιοϲ ο τελωνηϲ ιακωβοϲ ο του αλφαιου και λεββαιοϲ ο επικληθειϲ θαδδαιοϲ
4 ϲιμων ο κανανιτηϲ και ιουδαϲ ιϲκαριωτηϲ ο και παραδουϲ αυτον
5 τουτουϲ τουϲ δωδεκα εξαπεϲτιλεν ο ι̅ϲ̅ παραγγειλαϲ αυτοιϲ λεγων ειϲ οδον εθνων μη απελθηται και ειϲ πολιν ϲαμαριτων μη ειϲελθηται
6 πορευεϲθαι δε μαλλον προϲ τα προβατα τα απολωλοτα οικου ιϲραηλ
7 πορευομενοι δε κηρυϲϲεται λεγοντεϲ οτι ηγγεικεν η βαϲιλεια των ουρανω̅
8 αϲθενουνταϲ θεραπευεται λεπρουϲ καθαριζεται δαιμονια εκβαλλεται νεκρουϲ εγειρεται δωραιαν ελαβεται δωραιαν δοται
9 μη κτηϲηϲθαι χρυϲον μηδε αργυρο̅ μηδε χαλκον ειϲ ταϲ ζωναϲ υμων
10 μη πηραν ειϲ οδον μηδε δυο χιτωναϲ μηδε υποδηματα μηδε ραβδουϲ αξιοϲ γαρ ο εργατηϲ τηϲ τροφηϲ αυτου εϲτιν
11 ειϲ ην δ αν πολιν η κωμη̅ ειϲελθηται εξεταϲατε τιϲ εν αυτη αξιοϲ εϲτιν κακει μειναται εωϲ αν εξελθηται
12 ειϲερχομενοι δε ειϲ την οικειαν αϲπαϲαϲθαι αυτην λεγοντεϲ ειρηνη τω οικω τουτω
13 και εαν με̅ η η οικεια αξια ελθατω η ειρηνη υμω̅ επ αυτην εαν δε μη η αξια η ειρηνη υμων εφ υμαϲ επιϲτραφητω
14 και οϲ αν μη δεξηται υμαϲ μηδε ακουϲη {των λογων} [14] υμων εξερχομενοι τηϲ οικειαϲ η τηϲ πολεωϲ εκεινηϲ εκτιναξαται τον κονιορτον των ποδων υμων
15 αμην λεγω υμιν ανεκτοτερον εϲται γη ϲοδομων και γομορων εν ημερα κριϲεωϲ η τη πολει εκεινη
16 ιδου εγω αποϲτελλω υμαϲ ωϲ προβατα εν μεϲω λυκων γινεϲθαι ουν φρονιμοι ωϲ οι οφειϲ και ακεραιοι ωϲ αι περιϲτεραι
17 προϲεχεται δε απο των α̅ν̅ω̅ν̅ παραδωϲωϲιν γαρ υμαϲ ειϲ ϲυνεδρια και εν ταιϲ ϲυναγωγαιϲ μαϲτιγωϲουϲιν υμαϲ
18 και επι ηγεμοναϲ δε και βαϲιλειϲ αχθηϲεϲθε ενεκεν εμου ειϲ μαρτυριον αυτοιϲ και τοιϲ εθνεϲιν
19 οταν δε παραδωϲουϲιν υμαϲ μη μεριμνηϲηται πωϲ η τι λαληϲηται δοθηϲεται γαρ υμιν εν εκεινη τη ωρα τι λαληϲεται
20 ου γαρ υμειϲ εϲται οι λαλουντεϲ αλλα το π̅ν̅α̅ του π̅ρ̅ϲ̅ υμων το λαλουν εν υμιν
21 παραδωϲει δε αδελφοϲ αδελφον ειϲ θανατον και π̅η̅ρ̅ τεκνα και επαναϲτηϲονται τεκνα επι γονειϲ και θανατωϲουϲιν αυτουϲ
22 και εϲεϲθαι μιϲουμενοι υπο παντων δια το ονομα μου ο δε υπομειναϲ ειϲ τελοϲ ϲωθηϲεται
23 οταν δε διωκωϲιν υμαϲ εν τη πολει ταυτη φευγεται ειϲ την ετεραν αμην γαρ λεγω υμιν ου μη τελεϲηται ταϲ πολειϲ του ιϲραηλ εωϲ αν ελθη ο υιοϲ του α̅ν̅ο̅υ̅
24 ουκ εϲτιν μαθητηϲ υπερ τον διδαϲκαλον αυτου ουδε δουλοϲ υπερ τον κ̅ν̅ αυτου
25 αρκετον τω μαθητη ινα γενηται ωϲ ο διδαϲκαλοϲ αυτου και ο δουλοϲ ωϲ ο κυριοϲ αυτου ει τον οικοδεϲποτην βεελζεβουλ επεκαλεϲαν ποϲω μαλλον τουϲ οικειακουϲ αυτου
26 μη ουν φοβηθηται αυτουϲ ουδεν γαρ εϲτιν κεκαλυμμενον ο ουκ αποκαλυφθηϲεται και κρυπτον ο ου γνωϲθηϲεται
27 ο λεγω υμιν εν τη ϲκοτεια ειπατε εν τω φωτι και ο ειϲ το ουϲ ακουεται κηρυξαται επι των δωματων
28 και μη φοβηθηται απο των αποκτεννοντων το ϲωμα την δε ψυχην μη δυναμενων αποκτιναι φοβειϲθαι δε μαλλον τον δυναμενο̅ και την ψυχην και το ϲωμα απολεϲαι εν γεεννη
29 ουχι δυο ϲτρουθια αϲϲαριου πωλειται και εν εξ αυτων ου πεϲειται επι την γην ανευ του π̅ρ̅ο̅ϲ̅ υμων
30 υμων δε και αι τριχεϲ τηϲ κεφαληϲ παϲαι ηριθμημεναι ειϲι̅
31 μη ουν φοβειϲθαι αυτουϲ πολλων ϲτρουθιων διαφερεται υμειϲ
32 παϲ ουν οϲτιϲ ομολογηϲει εν εμοι εμπροϲθεν των α̅ν̅ω̅ν̅ ομολογηϲω καγω εν αυτω εμπροϲθεν του π̅ρ̅ο̅ϲ̅ μου του εν ουρανοιϲ
33 και οϲτιϲ αρνηϲηται με εμπροϲθεν των α̅ν̅ω̅ν̅ αρνηϲομαι καγω αυτον εμπροϲθεν του π̅ρ̅ϲ̅ μου του εν ουρανοιϲ
34 μη νομειϲηται οτι ηλθον βαλιν ειρηνην επι την γην ουκ ηλθον βαλιν ειρηνην αλλα μαχαιραν
35 ηλθον γαρ διχαϲαι ανθρωπον κατα του π̅ρ̅ϲ̅ αυτου και θυγατερα κατα τηϲ μητροϲ αυτηϲ και νυμφην κατα τηϲ πενθεραϲ αυτηϲ
36 και εχθροι του α̅ν̅ο̅υ̅ οι οικειακοι αυτου
37 ο φιλων π̅ρ̅α̅ η μητερα υπερ εμε ουκ εϲτιν μου αξιοϲ και ο φιλων υιον η θυγατερα υπερ εμε ουκ εϲτιν μου αξιοϲ
38 και οϲ ου λαμβανει τον ϲταυρον αυτου και ακολουθει οπιϲω μου ουκ εϲτιν μου αξιοϲ
39 ο ευρων την ψυχην αυτου απολεϲει αυτην και ο απολεϲαϲ την ψυχην αυτου ενεκεν εμου ευρηϲει αυτην
40 ο δεχομενοϲ υμαϲ εμε δεχεται και ο εμε δεχομενοϲ δεχεται τον αποϲτιλοντα με
41 ο δεχομενοϲ προφητην ειϲ ονομα προφητου μιϲθον προφητου λημψεται και ο δεχομενοϲ δικαιον ειϲ ονομα δικαιου μιϲθον δικαιου λημψεται
42 και οϲ εαν ποτιϲη ενα των μικρων τουτων ποτηριον ψυχρου μονον ειϲ ονομα μαθητου αμην λεγω υμιν ου μη απολεϲη τον μιϲθον αυτου

Примечания:

14  [14] a {τουϲ λογουϲ}

Нашли в тексте ошибку? Выделите её и нажмите: Ctrl + Enter

Евангелие от Матфея, 10 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 10 ΚΕΦΆΛΑΙΟ в переводах:
ΜΑΤΘΑΙΟΝ 10 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.