ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΜΑΤΘΑΙΟΝ 27 ΚΑΤΑ ΜΑΤΘΑΙΟΝ 27 ΚΕΦΆΛΑΙΟ

1 πρωειαϲ δε γενομενηϲ ϲυμβουλιον ελαβον παντεϲ οι αρχιερειϲ και οι πρεϲβυτεροι του λαου κατα του ι̅υ̅ ωϲτε θανατωϲαι αυτον
2 και δηϲαντεϲ αυτον απηγαγον και παρεδωκαν αυτον ποντιω πιλατω τω ηγεμονει
3 τοτε ιδων ιουδαϲ ο παραδιδουϲ αυτον οτι κατεκριθη μεταμεληθειϲ απεϲτρεψεν τα τριακοντα αργυρια τοιϲ αρχιερευϲιν ϗ τοιϲ πρεϲβυτεροιϲ
4 λεγων ημαρτον παραδουϲ αιμα αθωον οι {δι} [42] ειπον τι προϲ ημαϲ ϲυ οψη
5 και ριψαϲ τα αργυρια εν τω ναω ανεχωρηϲεν και απελθων απηγξατο
6 οι δε αρχιερειϲ λαβοντεϲ τα αργυρια ειπο̅ ουκ εϲτιν βαλιν αυτα ειϲ τον κορβαναν επι τιμη αιματοϲ εϲτιν
7 ϲυμβουλιον δε λαβοντεϲ ηγοραϲαν εξ αυτων τον αγρον του κεραμεωϲ ειϲ ταφην τοιϲ ξενοιϲ
8 διο εκληθη ο αγροϲ εκεινοϲ αγροϲ αιματοϲ εωϲ τηϲ ϲημερον
9 τοτε επληρωθη το ρηθεν δια ιηρεμιου του προφητου λεγοντοϲ και ελαβον τα τριακοντα αργυρια την τιμην του τετιμημενου ον ετιμηϲαντο απο υιων ιϲραηλ
10 και εδωκα αυτα ειϲ τον αγρον του κεραμεωϲ καθα ϲυνεταξεν μοι κ̅ϲ̅
11 ο δε ι̅ϲ̅ εϲτη εμπροϲθεν του ηγεμονοϲ και επηρωτηϲεν αυτον λεγων ϲυ ει ο βαϲιλευϲ των ιουδαιων ο δε ι̅ϲ̅ εφη αυτω ϲυ λεγειϲ
12 και εν τω κατηγοριϲθαι αυτο̅ υπο των αρχιερεων και των πρεϲβυτερων ουδεν απεκρινατο
13 τοτε λεγει αυτω ο πιλατοϲ ουκ ακουειϲ ποϲα ϲου καταμαρτυρουϲιν
14 και ουκ απεκριθη αυτω προϲ ουδε εν ρημα ωϲτε θαυμαζειν τον ηγεμονα λιαν
15 κατα δε εορτην ειωθει ο ηγεμων απολυειν ενα τω οχλω δεϲμιον ον ηθελον
16 ειχον δε τοτε δεϲμιον επιϲημον λεγομενον βαραββαν
17 ϲυνηγμενων ουν αυτων ειπεν αυτοιϲ ο πιλατοϲ τινα θελεται απολυϲω υμιν βαραββαν {} [43] ι̅ν̅ το̅ λεγομενον χ̅ν̅
18 ηδει γαρ οτι δια φθονον παρεδωκαν αυτον
19 καθημενου δε αυτου επι του βηματοϲ απεϲτιλεν προϲ αυτον η γυνη αυτου λεγουϲα μηδεν ϲοι και τω δικαιω εκεινω πολλα γαρ επαθον ϲημερον κατ οναρ δι αυτον
20 οι δε αρχιερειϲ και οι πρεϲβυτεροι επιϲα̅ τουϲ οχλουϲ ινα ετηϲωνται τον βαραββαν τον δε ι̅ν̅ απολεϲωϲιν
21 αποκριθειϲ δε ο ηγεμων ειπεν αυτοιϲ τινα θελεται απο των δυο απολυϲω υμι̅ οι δε ειπον βαραββαν
22 λεγει αυτοιϲ ο πιλατοϲ τι ουν ποιηϲω ι̅ν̅ τον λεγομενον χ̅ν̅ λεγουϲιν παντεϲ ϲταυρωθητω
23 ο δε ηγεμων εφη τι γαρ κακον εποιηϲεν οι δε περιϲϲωϲ εκραζον λεγοντεϲ ϲταυρωθητω
24 ιδων δε ο πιλατοϲ οτι ουδε̅ ωφελει αλλα μαλλον θορυβοϲ γινεται λαβων υδωρ απενιψατο ταϲ χειραϲ απεναντι του οχλου λεγων αθωοϲ ειμει απο του αιματοϲ του δικαιου τουτου υμειϲ οψεϲθαι
25 και αποκριθειϲ παϲ ο λαοϲ ειπεν το αιμα αυτου εφ ημαϲ και επι τα τεκνα ημων
26 τοτε απελυϲε̅ αυτοιϲ τον βαραββαν τον δε ι̅ν̅ φραγελλωϲαϲ παρεδωκεν ινα ϲταυρωθη
27 τοτε οι ϲτρατιωτε του ηγεμονοϲ παραλαβο̅τεϲ τον ι̅ν̅ ειϲ το πρετωριον ϲυνηγαγον επ αυτον ολην την ϲπιραν
28 και εκδυϲαντεϲ αυτον περιεθηκαν αυτω χλαμυδα κοκκινη̅
29 και πλεξαντεϲ ϲτεφανον εξ ακανθων εθηκαν επι την κεφαλην αυτου και καλαμον επι την δεξιαν αυτου και γονυπετηϲαντεϲ εμπροϲθεν αυτου ενεπεζον αυτω λεγοντεϲ χαιρε ο βαϲιλευϲ των ιουδαιω̅
30 και εμπτυϲαντεϲ ειϲ αυτον ελαβον τον καλαμον και ετυπτον ειϲ την κεφαλη̅ αυτου
31 και οτε ενεπεξαν αυτω εξεδυϲαν αυτον την χλαμυδα και ενεδυϲαν αυτον τα ιματια αυτου και απηγαγο̅ αυτον ειϲ το ϲταυρωϲαι
32 εξερχομενοι δε ευρον α̅ν̅ο̅ν̅ κυρηναιον ονοματι ϲιμωνα τουτον ηνγαρευϲα̅ ινα αρη τον ϲταυρον αυτου
33 και ελθο̅τεϲ ειϲ τοπον λεγομενον γολγοθα ο εϲτι̅ λεγομενον κρανιου τοποϲ
34 εδωκαν αυτω πιειν οξοϲ μετα χοληϲ μεμιγμενο̅ και γευϲαμενοϲ ουκ ηθελεν πιειν
35 ϲταυρωϲαντεϲ δε αυτον διεμεριϲαντο τα ιματια αυτου βαλλοντεϲ κληρον
36 ϗ καθημενοι ετηρουν αυτον εκει
37 και επεθηκαν επανω τηϲ κεφαληϲ αυτου την αιτιαν αυτου γεγραμμενην ουτοϲ εϲτιν ι̅ϲ̅ ο βαϲιλευϲ των ιουδαιων
38 τοτε ϲταυρουνται ϲυν αυτω δυο ληϲται ειϲ εκ δεξιων και ειϲ εξ ευωνυμων
39 οι δε παραπορευομενοι εβλαϲφημουν αυτον κεινουντεϲ αυτων ταϲ κεφαλαϲ
40 και λεγοντεϲ ο καταλυων τον ναον και εν τριϲιν ημεραιϲ οικοδομων ϲωϲον ϲεαυτον ει υιοϲ ει του θ̅υ̅ καταβηθει απο του ϲταυρου
41 ομοιωϲ οι αρχιερειϲ εμπεζοντεϲ μετα των γραμματεων και φαριϲαιω ελεγον
42 αλλουϲ εϲωϲεν εαυτον ου δυνατε ϲωϲε ει βαϲιλευϲ ι̅ϲ̅ρ̅λ̅ εϲτιν καταβατω νυν απο του ϲταυρου και πιϲτευϲωμεν επ αυτω
43 πεποιθεν επι τον θ̅ν̅ ρυϲαϲθω νυν αυτο̅ ει θελει αυτον ειπεν γαρ οτι του θ̅υ̅ ειμι υιοϲ
44 το δ αυτο και οι ληϲται οι ϲυ̅ϲταυρωθεντεϲ αυτω ωνιδιζον αυτο̅
45 απο δε εκτηϲ ωραϲ εγενετο ϲκοτοϲ επι παϲαν την γην εωϲ ωραϲ ενατηϲ
46 περι δε την ενατην ωραν εβοηϲεν ο ι̅ϲ̅ φωνη μεγαλη λεγων ηλι ηλι μα ϲαβαχθανει τουτ εϲτιν {θε} [44] μου θεε μου ινα τι με ενκατελειπεϲ
47 τινεϲ δε των εκει ϲτηκωτων ακουϲαντεϲ ελεγον οτι ηλιαν φωνει ουτοϲ
48 και ευθεωϲ δραμων ειϲ εξ αυτων και λαβων ϲπογγον πληϲαϲ τε οξουϲ και περιθειϲ καλαμω εποτιζεν αυτον
49 οι δε λοιποι ελεγον αφεϲ ειδωμεν ει ερχεται ηλιαϲ ϲωζων αυτον
50 ο δε ι̅ϲ̅ κραξαϲ παλιν φωνη μεγαλη αφηκεν το π̅ν̅α̅
51 και ιδου το καταπεταϲμα του ναου εϲχιϲθη ειϲ δυο απ ανωθεν εωϲ κατω και η γη εϲχιϲθη και αι πετραι εϲχιϲθηϲα̅
52 και τα μνημια ανεωχθη και πολλα ϲωματα των κεκοιμημενων αγιων ηγερθη
53 και εξελθοντεϲ εκ των μνημιων μετα την εγερϲιν αυτου ειϲηλθον ειϲ την αγιαν πολιν και ενεφανιϲθηϲαν πολλοιϲ
54 ο δε εκατονταρχοϲ και οι μετ αυτου τηρουντεϲ τον ι̅ν̅ ιδοντεϲ τον ϲιϲμον και τα γενομενα εφοβηθηϲαν ϲφοδρα λεγοντεϲ αληθωϲ θ̅υ̅ υιοϲ ην ουτοϲ
55 ηϲαν δε εκει γυναικεϲ πολλαι μακροθε̅ θεωρουϲαι αιτινεϲ ηκολουθηϲαν τω ι̅υ̅ απο τηϲ γαλιλαιαϲ {διακονηϲαι} [45] αυτω
56 εν αιϲ ην μαρια η μαγδαληνη και μαρια η του ιακωβου και ιωϲηφ μ̅η̅ρ̅ και η μ̅η̅ρ̅ των υιων ζεβαιδεου
57 οψειαϲ δε γενομενηϲ ηλθεν α̅ν̅ο̅ϲ̅ πλουϲιοϲ απο αριμαθεαϲ τουνομα ιωϲηφ οϲ και αυτοϲ εμαθητευϲεν τω ι̅υ̅
58 ουτοϲ προϲελθω τω πιλατω ητηϲατο το ϲωμα του ι̅υ̅ τοτε ο πιλατοϲ εκελευϲεν αποδοθηναι το ϲωμα
59 και λαβων το ϲωμα ο ιωϲηφ ενετυλιξεν αυτο ϲινδονι καθαρα
60 και εθηκεν αυτο εν τω καινω αυτου μνημιω ω ελατομηϲεν εν τη πετρα και προϲκυλιϲαϲ λιθον μεγα εν τη θυρα του μνημιου απηλθεν
61 ην δε εκει μαρια η μαγδαληνη και η αλλη μαρια καθημεναι επι του ταφου
62 τη δε επαυριον ητιϲ εϲτιν μετα την παραϲκευην ϲυνηχθηϲαν οι αρχιερειϲ και οι φαριϲαιοι προϲ πιλατον
63 λεγοντεϲ κ̅ε̅ εμνηϲθημεν οτι εκεινοϲ ο πλανοϲ ειπεν ετι ζων μετα τριϲ ημεραϲ εγειρομαι
64 κελευϲον ουν αϲφαλιϲθηναι τον ταφον εωϲ τηϲ τριτηϲ ημεραϲ μηποτε ελθο̅τεϲ οι μαθηται αυτου κλεψωϲιν αυτο̅ και ειπωϲιν τω λαω ηγερθη απο των νεκρων και εϲται η εϲχατη πλανη χειρων τηϲ πρωτηϲ
65 εφη δε αυτοιϲ ο πειλατοϲ εχεται κουϲτωδιαν υπαγεται αϲφαλιϲαϲθαι ωϲ οιδατε
66 οι δε πορευθεντεϲ ηϲφαλιϲαντο τον ταφον ϲφραγιϲαντεϲ τον λιθον μετα τηϲ κουϲτωδιαϲ

Примечания:

4  [42] {δε}
17  [43] {η}
46  [44] a {θεε}
55  [45] a {διακονουϲαι}

Нашли в тексте ошибку? Выделите её и нажмите: Ctrl + Enter

Евангелие от Матфея, 27 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 27 ΚΕΦΆΛΑΙΟ в переводах:
ΜΑΤΘΑΙΟΝ 27 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.