ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΜΑΤΘΑΙΟΝ 26 ΚΑΤΑ ΜΑΤΘΑΙΟΝ 26 ΚΕΦΆΛΑΙΟ

1 και εγενετο οτε ετελεϲεν ο ι̅ϲ̅ πανταϲ τουϲ λογουϲ τουϲ ειπεν τοιϲ μαθηταιϲ αυτου
2 οιδατε οτι μετα ημεραϲ δυο το παϲχα γεινεται και ο υιοϲ του α̅ν̅ο̅υ̅ παραδιδοτε ειϲ το ϲταυρωθηναι
3 τοτε ϲυνηχθηϲαν οι αρχιερειϲ και οι φαριϲαιοι και οι πρεϲβυτεροι του λαου ειϲ την αυλην του αρχιερεωϲ του λεγομενου καιαφα
4 και ϲυνεβουλευϲαντο ινα τον ι̅ν̅ δολω κρατηϲωϲιν και αποκτινωϲιν
5 ελεγον δε μη εν τη εορτη ινα μη θορυβοϲ γενηται εν τω λαω
6 του δε ι̅υ̅ γενομενου εν βηθανια εν οικεια ϲιμωνοϲ του λεπρου
7 προϲηλθε̅ αυτω γυνη αλαβαϲτρον μυρου εχουϲα βαρυτιμου και κατεχεεν επι την κεφαλην αυτου ανακειμενου
8 ιδοντεϲ δε οι μαθηται αυτου ηγανακτηϲαν λεγοντεϲ ειϲ τι η απωλια αυτη
9 εδυνατο γαρ τουτο πραθηναι πολλου και δοθηναι πτωχοιϲ
10 γνουϲ δε ο ι̅ϲ̅ ειπεν αυτοιϲ τι κοπουϲ παρεχεται τη γυναικει εργον γαρ καλον ηγαϲατο ειϲ εμε
11 παντοτε γαρ τουϲ πτωχουϲ εχεται μεθ εαυτων εμε δε ου παντοτε εχεται
12 βαλουϲα γαρ αυτη το μυρον τουτο επι του ϲωματοϲ μου προϲ το ενταφιαϲαι με εποιηϲεν
13 αμην λεγω υμι̅ οπου εαν κηρυχθη το ευαγγελιον τουτο εν ολω τω κοϲμω λαληθηϲεται και ο εποιηϲεν αυτη ειϲ μνημοϲυνο̅ αυτηϲ
14 τοτε πορευθειϲ ειϲ των δεκαδυο ο λεγομενοϲ ιουδαϲ ιϲκαριωτηϲ προϲ τουϲ αρχιερειϲ
15 ειπεν τι θελεται μοι δουναι και εγω υμιν παραδω αυτον οι δε εϲτηϲαν αυτω τριακοντα αργυρια
16 και απο τοτε εζητι ευκαιριαν ινα αυτον παραδω
17 τη δε πρωτη των αζυμων προϲηλθον οι μαθηται λεγοντεϲ τω ι̅υ̅ που θελιϲ απελθοντεϲ ετοιμαϲωμεν ϲοι φαγειν το παϲχα
18 ο δε ειπεν υπαγεται ειϲ τη̅ πολιν προϲ τον δινα και ειπατε αυτω ο διδαϲκαλοϲ λεγει ο καιροϲ μου εγγυϲ εϲτιν προϲ ϲε ποιω τα παϲχα μετα τω̅ μαθητων μου
19 εποιηϲαν ουν οι μαθηται ωϲ ϲυνεταξεν αυτοιϲ ο ι̅ϲ̅ και ητοιμαϲαν το παϲχα
20 οψειαϲ δε γενομενηϲ ανεκειτο μετα των δωδεκα μαθητων
21 και εϲθιοντω̅ αυτων ειπεν αμην λεγω υμιν οτι ειϲ εξ υμων παραδωϲει με
22 και λυπουμενοι ϲφοδρα ηρξαντο λεγει̅ αυτω εκαϲτοϲ αυτων μητι εγω ειμει κ̅ε̅
23 ο δε αποκριθειϲ ειπεν ο εμβαψαϲ μετ εμου εν τω τρυβλιω την χειρα εκεινοϲ με παραδωϲει
24 ο μεν υιοϲ του α̅ν̅ο̅υ̅ υπαγει καθωϲ γεγραπται περι αυτου ουαι δε τω α̅ν̅ω̅ εκεινω δι ου ο υιοϲ του α̅ν̅ο̅υ̅ παραδιδοτε καλον ην αυτω ει ουκ εγεννηθη ο ανθρωποϲ εκεινοϲ
25 αποκριθειϲ δε ιουδαϲ ο παραδιδουϲ αυτο̅ ειπεν μητι εγω ειμει ραββει λεγει αυτω ϲυ ειπαϲ
26 εϲθιοντων δε αυτων λαβων ο ι̅ϲ̅ τον αρτον ευχαριϲτηϲαϲ εκλαϲεν και εδιδου τοιϲ μαθηταιϲ και ειπεν λαβετε φαγετε τουτο εϲτι̅ το ϲωμα μου
27 και λαβων ποτηριον και ευχαριϲτηϲαϲ εδωκεν αυτοιϲ λεγων πιεται εξ αυτου παντεϲ
28 τουτο γαρ εϲτι̅ το αιμα μου το τηϲ καινηϲ διαθηκηϲ το περι πολλων εκχυνομενον ειϲ αφεϲιν αμαρτιων
29 λεγω δε υμιν οτι ου μη πιω απ αρτι εκ τουτου του γενηματοϲ τηϲ αμπελου εωϲ τηϲ ημεραϲ εκεινηϲ οταν αυτο πινω μεθ υμων καινον εν τη βαϲιλεια του π̅ρ̅ϲ̅ μου
30 και υμνηϲαντεϲ εξηλθον ειϲ το οροϲ των ελεων
31 τοτε λεγει αυτοιϲ ο ι̅ϲ̅ παντεϲ υμειϲ ϲκα̅δαλιϲθηϲεϲθαι εν εμοι εν τη νυκτι ταυτη γεγραπται γαρ παταξω τον ποιμενα και διαϲκορπιϲθηϲονται τα προβατα τηϲ ποιμνηϲ
32 μετα δε το εγερθηναι με προαξω υμαϲ ειϲ την γαλιλαιαν
33 αποκριθειϲ δε ο πετροϲ ειπεν αυτω ει και παντεϲ ϲκανδαλιϲθηϲονται εν ϲοι εγω ουδεποτε ϲκανδαλιϲθηϲομαι
34 εφη αυτω ο ι̅ϲ̅ αμην λεγω ϲοι οτι εν ταυτη τη νυκτι πριν αλεκτορα φωνηϲαι τριϲ απαρνηϲη με
35 λεγει αυτω ο πετροϲ καν δεη με ϲυ̅ ϲοι αποθανειν ου μη ϲε απαρνηϲομε ομοιωϲ δε και παντεϲ οι μαθηται ειπο̅
36 τοτε ερχεται ο ι̅ϲ̅ μετ αυτων ειϲ χωριον λεγομενον γεδϲημανι και λεγει τοιϲ μαθηταιϲ αυτου καθειϲατε αυτου εωϲ αν απελθων προϲευξωμαι εκει
37 και παραλαβων τον πετρον και τουϲ δυο υιουϲ ζεβαιδεου ηρξατο λυπιϲθαι και αδημονειν
38 τοτε λεγει αυτοιϲ περιλυποϲ εϲτιν η ψυχη μου εωϲ θανατου μεινατε ωδε και γρηγορειτε μετ εμου
39 και προϲελθων μικρον επεϲεν επι προϲωπον αυτου προϲευχομενοϲ και λεγων πατερ μου ει δυνατον εϲτιν παρελθατω απ εμου το ποτηριον τουτο πλην ουχ ωϲ εγω θελω αλλ ωϲ ϲυ
40 και ερχετε προϲ τουϲ μαθηταϲ και ευριϲκει αυτουϲ καθευδονταϲ και λεγει τω πετρω ουτωϲ ουκ καθευδονταϲ μιαν ωραν γρηγορηϲαι μετ εμου
41 γρηγοριτε και προϲευχεϲθαι ινα μη ειϲελθητε ειϲ πειραϲμον το μεν π̅ν̅α̅ προθυμον η δε ϲαρξ αϲθενηϲ
42 παλιν εκ δευτερου απελθων προϲηυξατο λεγων πατερ μου ει ου δυναται τουτο παρελθειν απ εμου εαν μη αυτο πιω γενηθητω το θελημα ϲου
43 και ελθων ευρεν αυτουϲ παλιν καθευδονταϲ ηϲα̅ γαρ αυτων οι οφθαλμοι βεβαρημενοι
44 και αφειϲ αυτουϲ απελθων προϲηυξατο παλιν εκ τριτου τον αυτον λογον ειπω̅
45 τοτε ερχεται προϲ τουϲ μαθηταϲ αυτου και λεγει αυτοιϲ καθευδεται λοιπον και αναπαυεϲθαι ιδου ηγγικεν η ωρα και ο υιοϲ του α̅ν̅ο̅υ̅ παραδιδοτε ειϲ χειραϲ αμαρτωλων
46 εγειρεϲθαι αγωμεν ιδου ηγγεικεν ο παραδιδουϲ με
47 και ετι αυτου λαλουντοϲ ιδου ιουδαϲ ειϲ των δωδεκα ηλθεν και μετ αυτου οχλοϲ πολυϲ μετα μαχερων και ξυλων απο των αρχιερεων και πρεϲβυτερων του λαου
48 ο δε παραδιδουϲ αυτον εδωκεν αυτοιϲ ϲημιον λεγων ον εαν φιληϲω αυτοϲ εϲτιν κρατηϲατε αυτον
49 και ευθεωϲ προϲηλθεν τω ι̅υ̅ και ειπεν χαιρε ραββει και κατεφιληϲεν αυτον
50 ο δε ι̅ϲ̅ ειπεν αυτω ετερε εφ ο παρει τοτε προϲελθοντεϲ επεβαλον ταϲ χειραϲ επι τον ι̅ν̅ και εκρατηϲαν αυτον
51 και ιδου ειϲ των μετα ι̅υ̅ εκτειναϲ την χειρα απεϲπαϲεν την μαχαιραν αυτου ϗ παταξαϲ τον δουλον του αρχιερεωϲ αφιλεν αυτου το ωτιον
52 τοτε λεγει αυτω ο ι̅ϲ̅ αποϲτρεψον ϲου την μαχαιραν ειϲ τον τοπον αυτηϲ παντεϲ γαρ οι λαβοντεϲ μαχαιραν εν μαχαιρα αποθανουνται
53 η δοκειϲ οτι ου δυναμαι αρτι παρακαλεϲαι τον π̅ρ̅α̅ μου και παραϲτηϲι μοι πλιουϲ η δωδεκα {λεγιωναϲ} [41] αγγελων
54 πωϲ ουν πληρωθωϲιν αι γραφαι οτι ουτωϲ δει γενεϲθαι
55 εν εκεινη τη ωρα ειπεν ο ι̅ϲ̅ τοιϲ οχλοιϲ ωϲ επι ληϲτην εξηλθατε μετα μαχαιρων και ξυλων ϲυλλαβει̅ με καθ ημεραν προϲ υμαϲ εκαθεζομη̅ διδαϲκων εν τω ιερω και ουκ εκρατηϲατε με
56 τουτο δε ολον γεγονεν ινα πληρωθωϲιν αι γραφαι των προφητων τοτε οι μαθητε παντεϲ αφεντεϲ αυτον εφυγον
57 οι δε κρατηϲαντεϲ τον ι̅ν̅ απηγαγο̅ προϲ καιαφαν τον αρχιερεα οπου οι γραμματειϲ και οι πρεϲβυτεροι ϲυνηχθηϲαν
58 ο δε πετροϲ ηκολουθει αυτω απο μακροθε̅ εωϲ τηϲ αυληϲ του αρχιερεωϲ και ειϲελθων εϲω εκαθητο μετα των υπηρετων ιδειν το τελοϲ
59 οι δε αρχιερειϲ και οι πρεϲβυτεροι και το ϲυνεδριον ολον εζητουν ψευδομαρτυριαν κατα του ι̅υ̅ οπωϲ θανατωϲουϲιν αυτον
60 και ουχ ευρον και πολλων ψευδομαρτυρων προϲελθοντω̅ ουχ ευρον υϲτερον δε προϲελθοντεϲ δυο τινεϲ ψευδομαρτυρεϲ
61 ειπον ουτοϲ εφη δυναμαι καταλυϲαι τον ναο̅ του θ̅υ̅ και δια τριων ημερων οικοδομηϲαι αυτον
62 και αναϲταϲ ο αρχιερευϲ ειπεν αυτω ουδεν αποκρινη τι ουτοι ϲου καταμαρτυρουϲιν
63 ο δε ι̅ϲ̅ εϲιωπα και αποκριθειϲ ο αρχιερευϲ ειπεν αυτω εξορκιζω ϲε κατα του θ̅υ̅ του ζωντοϲ ινα ημιν ειπηϲ ει ϲυ ει ο χ̅ϲ̅ ο υιοϲ του θ̅υ̅ του ζωντοϲ
64 λεγει αυτω ο ι̅ϲ̅ ϲυ ειπαϲ πλην λεγω υμιν απ αρτι οψεϲθαι τον υιον του α̅ν̅ο̅υ̅ καθημενον εκ δεξιων τηϲ δυναμεωϲ και ερχομενον επι των νεφελων του ουρανου
65 τοτε ο αρχιερευϲ διερηξεν τα ιματια αυτου λεγων οτι εβλαϲφημηϲεν τι ετι χριαν εχομεν μαρτυρων ειδε νυν ηκουϲατε την βλαϲφημιαν αυτου
66 τι υμιν δοκει οι δε αποκριθεντεϲ ειπον ενοχοϲ θανατου εϲτιν
67 τοτε ενεπτυϲαν ειϲ το προϲωπον αυτου και εκολαφιϲαν αυτον οι δε εριπιϲαν
68 λεγοντεϲ προφητευϲον ημιν χ̅ε̅ τιϲ εϲτιν ο πεϲαϲ ϲε
69 ο δε πετροϲ εξω εκαθητο ε̅ τη αυλη και προϲηλθεν αυτω μια παιδιϲκη λεγουϲα και ϲυ ηϲθα μετα ι̅υ̅ του γαλιλαιου
70 ο δε ηρνηϲατο εμπροϲθεν αυτων παντων λεγων ουκ οιδα τι λεγειϲ
71 εξελθοντα δε αυτον ειϲ τον πυλωνα ιδεν αυτον αλλη και λεγει τοιϲ εκει και ουτοϲ ην μετα ι̅υ̅ του ναζωραιου
72 και παλιν ηρνηϲατο μετα ρ ορκου οτι ουκ οιδα τον ανθρωπον
73 μετα μικρον δε προϲελθοντεϲ οι εϲτωτεϲ ειπον τω πετρω αληθωϲ και ϲυ εξ αυτων ει και γαρ η λαλια ϲου δηλον ϲε ποιει
74 τοτε ηρξατο καταθεματιζει̅ και ομνυειν οτι ουκ οιδα τον α̅ν̅ο̅ν̅ και ευθεωϲ αλεκτωρ εφωνηϲεν
75 και εμνηϲθη ο πετροϲ του ρηματοϲ του ι̅υ̅ ειρηκοτοϲ αυτω οτι πριν αλεκτορα φωνηϲε τριϲ απαρνηϲη με και εξελθων εξω εκλαυϲεν πικρωϲ

Примечания:

53  [41] {λεγεωναϲ}

Нашли в тексте ошибку? Выделите её и нажмите: Ctrl + Enter

Евангелие от Матфея, 26 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΜΑΤΘΑΙΟΝ 26 ΚΕΦΆΛΑΙΟ в переводах:
ΜΑΤΘΑΙΟΝ 26 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.