ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΜΑΤΘΑΙΟΝ 20 ΚΑΤΑ ΜΑΤΘΑΙΟΝ 20 ΚΕΦΆΛΑΙΟ

1 οιμοια γαρ εϲτιν η βαϲιλεια των ουρανων α̅ν̅ω̅ οικοδεϲποτη οϲτιϲ εξηλθε̅ αμα πρωει μιϲθωϲαϲθαι εργαταϲ ειϲ το̅ αμπελωνα αυτου
2 ϲυμφωνηϲαϲ δε μετα των εργατων εκ δηναριου την ημεραν απεϲτιλεν αυτουϲ ειϲ τον αμπελωνα αυτου
3 και εξελθων περι τριτην ωραν ειδεν αλλουϲ εϲτωταϲ εν τη αγορα αργουϲ
4 και εκεινοϲ ειπεν υπαγεται και υμειϲ ειϲ τον αμπελωνα και ο εαν η δικαιον δωϲω υμιν
5 οι δε απηλθον παλιν εξελθων περι εκτην και ενατην ωραν εποιηϲεν ωϲαυτωϲ
6 περι δε την ενδεκατην ωραν εξελθων ευρεν αλλουϲ εϲτωταϲ αργουϲ και λεγει αυτοιϲ τι ωδε εϲτηκατε ολην την ημεραν αργοι
7 λεγουϲιν αυτω οτι ουδειϲ ημαϲ εμιϲθωϲατο λεγει αυτοιϲ υπαγεται και υμειϲ ειϲ τον αμπελωνα και ο εαν η δικαιον ληψεϲθαι
8 οψειαϲ δε γενομενηϲ λεγει ο κ̅ϲ̅ του αμπελωνοϲ τω επιτροπω αυτου καλεϲον τουϲ εργαταϲ και αποδοϲ αυτοιϲ τον μιϲθον αρξαμενοϲ απο των εϲχατων εωϲ των πρωτων
9 και ελθοντεϲ οι περι την ενδεκατη̅ ωραν ελαβον ανα δηναριον
10 ελθο̅τεϲ δε οι πρωτοι ενομιϲαν οτι πλιο̅ λημψονται και ελαβον και αυτοι ανα δηναριον
11 λαβοντεϲ δε εγογγυζον κατα του οικοδεϲποτου
12 λεγο̅τεϲ οτι ουτοι οι εϲχατοι μιαν ωραν εποιηϲαν και ιϲουϲ ημιν {αυτον} [28] εποιηϲαϲ τοιϲ βαϲταϲαϲιν το βαροϲ τηϲ ημεραϲ και τον καυϲωνα
13 ο δε αποκριθειϲ ειπεν ενι αυτων ετερε ουκ αδικω ϲε ουχι δηναριου ϲυνεφωνηϲαϲ μοι
14 αρον το ϲον και υπαγε θελω δε τουτω τω εϲχατω δουναι ωϲ και ϲοι
15 η ουκ εξεϲτιν μοι ποιηϲαι ωϲ θελω εν τοιϲ εμοιϲ η ο οφθαλμοϲ ϲου πονηροϲ εϲτιν οτι εγω αγαθοϲ ειμει
16 ουτωϲ εϲονται οι εϲχατοι πρωτοι και οι πρωτοι εϲχατοι πολλοι γαρ ειϲιν κλητοι ολιγοι δε εκλεκτοι
17 και αναβαινων ο ι̅ϲ̅ ειϲ ιεροϲολυμα παρελαβεν τουϲ δωδεκα μαθηταϲ κατ ιδιαν εν τη οδω και ειπεν αυτοιϲ
18 ιδου αναβαινομεν ειϲ ιεροϲολυμα και ο υιοϲ του α̅ν̅ο̅υ̅ παραδοθηϲεται τοιϲ αρχιερευϲιν και γραμματευϲιν και κατακρινουϲιν αυτον θανατω
19 και παραδωϲουϲιν αυτον τοιϲ εθνεϲιν ειϲ το ενπεξαι και μαϲτιγωϲαι και ϲταυρωϲαι και τη τριτη ημερα αναϲτηϲεται
20 τοτε προϲηλθεν αυτω η μ̅η̅ρ̅ των υιων ζεβεδαιου μετα των υιων αυτηϲ προϲκυνουϲα και αιτουϲα τι παρ αυτου
21 ο δε ειπεν αυτη τι θελειϲ λεγει αυτω ειπε ινα καθιϲωϲιν ουτοι οι δυο υιοι μου ειϲ εκ δεξιων ϲου και ειϲ εξ ευωνυμω̅ ϲου εν τη βαϲιλεια ϲου
22 αποκριθειϲ δε ο ι̅ϲ̅ ειπεν ουκ οιδατε τι αιτιϲθαι δυναϲθαι πιν το ποτηριον ο εγω μελλω πινειν η το βαπτιϲμα ο εγω βαπτιζομαι βαπτιϲθηναι λεγουϲιν αυτω δυναμεθα
23 και λεγει αυτοιϲ το μεν ποτηριον μου πιεϲθε και το βαπτιϲμα ο εγω βαπτιζομαι βαπτιϲθηϲεϲθαι το δε καθειϲαι εκ δεξιων μου και εξ ευωνυμων μου ουκ εϲτιν εμον τουτο δουναι αλλ οιϲ ητοιμαϲται υπο του π̅ρ̅ϲ̅ μου
24 και ακουϲαντεϲ οι δεκα ηγανακτηϲαν περι των δυο αδελφων
25 ο δε ι̅ϲ̅ προϲκαλεϲαμενοϲ αυτουϲ ειπεν αυτοιϲ οιδατε οτι οι αρχοντεϲ των εθνων κατακυριευουϲιν αυτω̅ και οι μεγαλοι κατεξουϲιαζουϲιν αυτων
26 ουχ ουτωϲ εϲται εν υμιν αλλ οϲ εαν θελη εν υμιν μεγαϲ γενεϲθαι εϲται υμων διακονοϲ
27 και οϲ αν θελη εν υμιν πρωτοϲ ειναι εϲται υμων δουλοϲ
28 ωϲπερ ο υιοϲ του ανθρωπου ουκ ηλθεν διακονηθηναι αλλα διακονηϲαι και δουναι την ψυχην αυτου λυτρον αντι πολλων
29 και εκπορευομενων αυτων απο ιεριχω ηκολουθηϲεν αυτω οχλοϲ πολυϲ
30 και ιδου δυο τυφλοι καθημενοι παρα την οδον ακουϲαντεϲ οτι ι̅ϲ̅ παραγει εκραξαν λεγοντεϲ ελεηϲον ημαϲ κ̅ε̅ υιοϲ δαυειδ
31 ο δε οχλοϲ επετιμηϲεν αυτοιϲ ινα ϲιωπηϲωϲιν οι δε μιζον εκραζον λεγοντεϲ ελεηϲον ημαϲ κ̅ε̅ υιοϲ δαυειδ
32 και ϲταϲ ο ι̅ϲ̅ εφωνηϲεν αυτουϲ και ειπεν τι θελεται ποιηϲω υμιν
33 λεγουϲιν αυτω κ̅ε̅ ινα ανεωχθωϲιν ημω̅ οι οφθαλμοι
34 ϲπλανχνιϲθειϲ δε ο ι̅ϲ̅ ηψατο των οφθαλμων αυτων και ευθεωϲ ανεβλεψαν αυτων οι οφθαλμοι και ηκολουθηϲαν αυτω

Примечания:

12  [28] {αυτουϲ}

Нашли в тексте ошибку? Выделите её и нажмите: Ctrl + Enter

Евангелие от Матфея, 20 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 20 ΚΕΦΆΛΑΙΟ в переводах:
ΜΑΤΘΑΙΟΝ 20 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.