1 αποθεμενοι ουν παϲαν κακιαν και παντα δολον και υποκριϲειϲ και φθονουϲ και παϲαϲ καταλαλιαϲ
2 ωϲ αρτιγεννητα βρεφη το λογικον αδολον γαλα επιποθηϲατε ινα εν αυτω αυξηθητε ειϲ ϲωτηριαν
3 ειπερ εγευϲαϲθε οτι χρηϲτοϲ ο κ̅ϲ̅
4 προϲ ον προϲερχομενοι λιθον ζωντα απο α̅ν̅ω̅ν̅ μεν αποδεδοκιμαϲμενον παρα δε θ̅ω̅ εκλεκτον εντιμον
5 και αυτοι ωϲ λιθοι ζωντεϲ εποικοδομειϲθε οικοϲ πνευματικοϲ ειϲ ιερατευμα αγιον ανενεγκαι πνευματικαϲ θυϲιαϲ ευπροϲδεκτουϲ θ̅ω̅ δια ι̅υ̅ χ̅υ̅
6 διοτι περιεχει η γραφη ιδου τιθημι εν ϲιω λιθον εκλεκτον ακρογωνιαιον εντιμον και ο πιϲτευων επ αυτω ου μη καταιϲχυνθη
7 υμιν ουν η τιμη τοιϲ πιϲτευουϲιν απιϲτουϲιν δε λιθοϲ ον απεδοκιμαϲαν οι οικοδομουντεϲ ουτοϲ εγενηθη ειϲ κεφαλην γωνιαϲ
8 και λιθοϲ προϲκομματοϲ και πετρα ϲκανδαλου οϲοι προϲκοπτουϲιν τω λογω απιθουντεϲ ειϲ ο και ετεθηϲαν
9 υμειϲ δε γενοϲ εκλεκτον βαϲιλειον ιερατευμα εθνοϲ αγιον λαοϲ ειϲ περιποιηϲιν οπωϲ ταϲ αρεταϲ εξαγγειλητε του εκ ϲκοτουϲ υμαϲ καλεϲαντοϲ ειϲ το θαυμαϲτον αυτου φωϲ
10 οι ποτε ου λαοϲ νυν δε λαοϲ θ̅υ̅ οι ουκ ηλεημενοι νυν δε ηλεηθεντεϲ
11 αγαπητοι παρακαλω ωϲ παροικουϲ και παρεπιδημουϲ απεχεϲθε απο των ϲαρκικων επιθυμιων αιτινεϲ ϲτρατευονται κατα τηϲ ψυχηϲ
12 την αναϲτροφην υμων εν τοιϲ εθνεϲιν εχοντεϲ καλην ινα εν ω καταλαλουϲιν υμων ωϲ κακοποιων εκ των καλων εργων εποπτευοντεϲ δοξαϲωϲιν τον θ̅ν̅ εν ημερα επιϲκοπηϲ
13 υποταγητε παϲη φυϲει ανθρωπινη δια τον κ̅ν̅ ειτε βαϲιλει ωϲ υπερεχοντι
14 ειτε ηγεμοϲιν ωϲ δι αυτου πεμπομενοιϲ ειϲ εκδικηϲιν μεν κακοποιων επαινον δε αγαθοποιων
15 οτι ουτωϲ εϲτιν το θελημα του θ̅υ̅ αγαθοποιουνταϲ υμαϲ φιμουν την των αφρονων ανθρωπων αγνωϲιαν
16 ωϲ ελευθεροι και μη ωϲ επικαλυμμα εχοντεϲ τηϲ κακιαϲ την ελευθεριαν αλλ ωϲ θ̅υ̅ δουλοι
17 πανταϲ τιμηϲατε την αδελφοτητα αγαπατε τον θ̅ν̅ φοβειϲθε τον βαϲιλεα τιματε
18 οι οικεται υποταϲϲομενοι εν παντι φοβω τοιϲ δεϲποταιϲ ου μονον τοιϲ αγαθοιϲ και επιεικεϲι αλλα και τοιϲ ϲκολιοιϲ
19 τουτο γαρ χαριϲ παρα τω θ̅ω̅ ει δια ϲυνειδηϲιν αγαθην υποφερει τιϲ λυπαϲ παϲχω̅ αδικωϲ
20 ποιον γαρ κλεοϲ ει αμαρτανοντεϲ και κολαφιζομενοι υπομενειτε αλλ ει αγαθοποιουντεϲ και παϲχοντεϲ τουτο χαριϲ παρα θ̅ω̅
21 ειϲ τουτο γαρ εκληθητε οτι και χ̅ϲ̅ επαθεν υπερ υμω̅ υμιν υπολιμπανων υπογραμμον ινα επακολουθηϲητε τοιϲ ιχνεϲιν αυτου
22 οϲ αμαρτιαν ουκ εποιηϲεν ουδε ευρεθη δολοϲ εν τω ϲτοματι αυτου
23 οι λοιδορουμενοϲ ουκ αντελοιδορει παϲχω̅ ουκ ηπειλει παρεδιδου τε τω κρινοντι δικαιωϲ
24 οϲ ταϲ αμαρτιαϲ ημων αυτοϲ ανηνεγκεν εν τω ϲωματι αυτου επι το ξυλον ινα ταιϲ αμαρτιαιϲ απογενομενοι τη δικαιοϲυνη ϲυνζηϲωμεν ου τω μωλωπιε ιαθητε
25 ητε γαρ ωϲ προβατα πλανωμενα αλλ επεϲτρεφατε νυν επι τον ποιμενα και επιϲκοπο̅ των ψυχων υμων
Нашли в тексте ошибку? Выделите её и нажмите:
Ctrl + Enter
Первое соборное послание апостола Петра, 2 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.