1 το λοιπον προϲευχεϲθαι αδελφοι περι ημων ινα ο λογοϲ του κ̅υ̅ τρεχη και δοξαζηται καθωϲ και προϲ υμαϲ
2 και ινα ρυϲθωμε̅ απο των ατοπων και πονηρων ανθρωπων ου γαρ πα̅των η πιϲτιϲ
3 πιϲτοϲ δε ο κ̅ϲ̅ εϲτι̅ οϲ ϲτηριξει υμαϲ και φυλαξει απο του πονηρου
4 πεποιθαμεν δε εν κ̅ω̅ εφ υμαϲ οτι α παραγγελλομε̅ ποιειτε και ποιηϲετε
5 ο δε κ̅ϲ̅ κατευθυναι υμων ταϲ καρδιαϲ ειϲ την αγαπην του θ̅υ̅ και ειϲ την υπομονην του χ̅υ̅
6 παραγγελλομεν δε υμιν αδελφοι εν ονοματι του κ̅υ̅ ημων ι̅υ̅ χ̅υ̅ ϲτελλεϲθαι υμαϲ απο παντοϲ αδελφου ατακτωϲ περιπατου̅τοϲ και μη κατα τη̅ παραδοϲιν ην παρελαβοϲαν παρ ημων
7 αυτοι γαρ οιδαται πωϲ δει μιμιϲθαι ημαϲ οτι ουκ ητακτηϲαμεν εν υμιν
8 ουδε δωρεαν αρτον εφαγομεν παρα τινοϲ αλλα εν κοπω και μοχθω νυκτοϲ και ημεραϲ εργαζομενοι προϲ το μη επιβαρηϲαι τινα υμων
9 ουχ οτι ουκ εχομεν εξουϲιαν αλλ ινα εαυτουϲ τυπον δωμε̅ υμιν ειϲ το μιμιϲθαι ημαϲ
10 και γαρ οτε ημεν προϲ υμαϲ παρηγγελλομεν υμιν οτι ει τιϲ ου θελει εργαζεϲθε μηδε εϲθιετω
11 ακουομεν γαρ τιναϲ περιπατουνταϲ εν υμιν ατακτωϲ μηδεν εργαζομενουϲ αλλα περιεργαζομενουϲ
12 τοιϲ δε τοιουτοιϲ παραγγελλομεν και παρακαλουμε̅ εν κ̅ω̅ ι̅υ̅ χ̅ω̅ ινα μετα ηϲυχιαϲ εργαζομενοι τον εαυτων αρτον εϲθιωϲιν
13 υμειϲ δε αδελφοι μη εγκακηϲητε καλοποιουντεϲ
14 ει δε τιϲ ουχ υπακουει τω λογω ημω̅ δια τηϲ επιϲτοληϲ τουτον ϲημιουϲθαι μη ϲυναναμιγνυϲθαι αυτω ινα εντραπη
15 και μη ωϲ εχθρον ηγειϲθε αλλα νουθετιται ωϲ αδελφον
16 αυτοϲ δε ο κ̅ϲ̅ τηϲ ειρηνηϲ δωη υμιν την ειρηνη̅ δια παντοϲ εν πα̅τι τροπω ο κ̅ϲ̅ μετα παντων υμων
17 ο αϲπαϲμοϲ τη εμη χειρι παυλου ο εϲτιν ϲημιον εν παϲη επιϲτολη ουτωϲ γραφω
18 η χαριϲ του κ̅υ̅ ημων ι̅υ̅ χ̅υ̅ μετα παντων υμων