1 παϲ γαρ αρχιερευϲ εξ ανθρωπων λαμβανομενοϲ υπερ ανθρωπων καθιϲταται τα προϲ τον θ̅ν̅ ινα προϲφερη δωρα και θυϲιαϲ υπερ αμαρτιων
2 μετριοπαθειν δυναμενοϲ τοιϲ αγνοουϲιν και πλανωμενοιϲ επει και αυτοϲ περικειται αϲθενειαν
3 και δι αυτη̅ οφιλει καθωϲ περι του λαου ουτωϲ και περι αυτου προϲφερειν περι αμαρτιων
4 και ουχ εαυτω {} [1] λαμβανει την τειμην αλλα καλουμενοϲ υπο του θ̅υ̅ καθωϲπερ και ααρων
5 ουτωϲ και ο χ̅ϲ̅ ουχ εαυτον εδοξαϲεν γενηθηναι αρχιερεα αλλ ο λαληϲαϲ προϲ αυτον υιοϲ μου ει ϲυ εγω ϲημερον γεγεννηκα ϲε
6 καθωϲ και εν ετερω λεγει ϲυ ιερευϲ ειϲ τον αιωνα κατα την ταξι̅ μελχιϲεδεκ
7 οϲ εν ταιϲ ημεραιϲ τηϲ ϲαρκοϲ αυτου δεηϲιϲ τε και ικετηριαϲ προϲ τον δυναμενον ϲωζειν αυτον εκ θανατου μετα κραυγηϲ ιϲχυραϲ και δακρυων προϲενεγκαϲ και ειϲακουϲθειϲ απο τηϲ ευλαβειαϲ
8 καιπερ ων υιοϲ εμαθεν απ ων επαθεν την υπακοην
9 και τελειωθειϲ εγενετο παϲιν τοιϲ υπακουουϲιν αυτω αιτιοϲ ϲωτηριαϲ αιωνιου
10 προϲαγορευθειϲ υπο του θ̅υ̅ αρχιερευϲ κατα την ταξι̅ μελχιϲεδεκ
11 περι ου πολυϲ ημιν ο λογοϲ και δυϲερμηνευτοϲ λεγειν επει νωθροι γεγονατε ταιϲ ακοαιϲ
12 και γαρ οφειλοντεϲ ειναι διδαϲκαλοι δια τον χρονον παλιν χρειαν εχετε του διδαϲκει̅ υμαϲ τινα τα ϲτοιχεια τηϲ αρχηϲ των λογιων του θ̅υ̅ και γεγονατε χρειαν εχοντεϲ γαλακτοϲ και ου ϲτερεαϲ τροφηϲ
13 παϲ γαρ ο μετεχων γαλακτοϲ απειροϲ λογου δικαιοϲυνηϲ νηπιοϲ γαρ εϲτιν
14 τελειων δε εϲτι̅ η ϲτερεα τροφη των δια την εξιν τα εϲθητηρια γεγυμναϲμενα εχοντων προϲ διακριϲιν καλου τε και κακου
Примечания:
4 [1] {τιϲ}
Нашли в тексте ошибку? Выделите её и нажмите:
Ctrl + Enter
Послание к Евреям апостола Павла, 5 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.