1 ουτοϲ γαρ ο μελχειϲεδεκ βαϲιλευϲ ϲαλημ ιερευϲ του θ̅υ̅ του υψιϲτου οϲ ϲυναντηϲαϲ αβρααμ υποϲτρεφοντι απο τηϲ κοπηϲ των βαϲιλεων και ευλογηϲαϲ αυτον
2 ω και δεκατην απο παντοϲ εμεριϲεν αβρααμ πρωτο̅ μεν ερμηνευομενοϲ βαϲιλευϲ δικαιοϲυνηϲ επειτα δε και βαϲιλευϲ ϲαλημ ο εϲτιν βαϲιλευϲ ειρηνηϲ
3 απατωρ αμητωρ αγενεαλογητοϲ μητε αρχην ημερων μητε ζωηϲ τελοϲ εχω̅ αφωμοιωμενοϲ δε τω υιω του θ̅υ̅ μενει ιερευϲ ειϲ το διηνεκεϲ
4 θεωρειτε δε πηλικοϲ ουτοϲ ω δεκατην αβρααμ εδωκεν εκ των ακροθινειων ο πατριαρχηϲ
5 και οι μεν εκ τω̅ υιων λευει την ιερατειαν λαμβανοντεϲ εντολην εχουϲιν αποδεκατοιν τον λαο̅ κατα τον νομον τουϲ αδελφουϲ αυτων καιπερ εξεληλυθοταϲ εκ τηϲ οϲφυοϲ αβρααμ
6 ο δε μη γενεαλογουμενοϲ εξ αυτων δεδεκατωκεν αβρααμ και τον εχοντα ταϲ επαγγελιαϲ ευλογηκε̅
7 χωριϲ δε παϲηϲ αντιλογιαϲ το ελαττον υπο του κρειττονοϲ ευλογειται
8 και ωδε μεν δεκαταϲ αποθνηϲκοντεϲ ανθρωποι λαμβανουϲιν εκει δε μαρτυρουμενοϲ οτι ζη
9 και ωϲ εποϲ ειπει̅ δι αβρααμ και λευειϲ ο δεκαταϲ λαμβανων δεδεκατωται
10 ετι γαρ εν τη οϲφυι του πατροϲ ην οτε ϲυνηντηϲεν αυτω μελχιϲεδεκ
11 ει μεν ουν τελιωϲιϲ δια τηϲ λευειτικηϲ ιερωϲυνηϲ ο λαοϲ γαρ επ αυτηϲ νενομοθετηται τιϲ ετι χρεια κατα την ταξιν μελχιϲεδεκ ετερον ανιϲταϲθαι ιερεα και ου κατα την ταξιν ααρων λεγεϲθαι
12 μετατιθεμενηϲ γαρ τηϲ ιερωϲυνηϲ εξ αναγκηϲ μεταθεϲιϲ γεινεται
13 εφ ο̅ γαρ λεγεται ταυτα φυληϲ ετεραϲ μετεϲχηκεν αφ ηϲ ουδειϲ προϲεϲχηκεν τω θυϲιαϲτηριω
14 προδηλον γαρ οτι εξ ιουδα ανατεταλκεν ο κ̅ϲ̅ ημων ειϲ ην φυλην περι ιερεω̅ ουδεν μωυϲηϲ ελαληϲεν
15 και περιϲϲοτερο̅ ετι καταδηλον εϲτι̅ ει κατα ομοιοτητα μελχιϲεδεκ ανιϲταται ιερευϲ ετεροϲ
16 οϲ ου κατα νομον εντολη ϲαρκινηϲ γεγονε̅ αλλα κατα δυναμιν ζωηϲ ακαταλυτου
17 μαρτυρειται γαρ οτι ϲυ ιερευϲ ειϲ τον αιωνα κατα την ταξιν μελχειϲεδεκ
18 αθετηϲιϲ μεν γαρ γεινεται προαγουϲηϲ εντοληϲ δια το αυτηϲ αϲθενεϲ και ανωφελεϲ
19 ουδε̅ γαρ ετελειωϲεν ο νομοϲ επειϲαγωγη δε κρειττονοϲ ελπιδοϲ δι ηϲ εγγιζομεν τω θ̅ω̅
20 και καθ οϲον ου χωριϲ ορκωμοϲιαϲ οι με̅ γαρ χωριϲ ορκωμοϲιαϲ ειϲιν ιερειϲ γεγονοτεϲ
21 ο δε μετ ορκωμοϲιαϲ δια του λεγοντοϲ προϲ αυτον ωμοϲεν κ̅ϲ̅ και ου μεταμεληθηϲεται ϲυ ιερευϲ ειϲ τον αιωνα
22 κατα τοϲουτο και κρειττονοϲ διαθηκηϲ γεγονεν εγγυοϲ ι̅ϲ̅
23 και οι μεν πλειονεϲ ειϲι̅ γεγονοτεϲ ιερειϲ δια το θανατω κωλυεϲθαι παραμενειν
24 ο δε δια το μενειν αυτον ειϲ το̅ αιωνα απαραβατον εχει την ιερωϲυνην
25 οθεν και ϲωζειν ειϲ το παντελεϲ δυναται τουϲ προϲερχομενουϲ δι αυτου τω θ̅ω̅ παντοτε ζων ειϲ το εντυγχανειν υπερ αυτων
26 τοιουτοϲ γαρ ημιν και επρεπεν αρχιερευϲ οϲιοϲ ακακοϲ αμιαντοϲ κεχωριϲμενοϲ απο τω̅ αμαρτωλων και υψηλοτεροϲ των ουρανω̅ γενομενοϲ
27 οϲ ουκ εχει καθ ημεραν αναγκη̅ ωϲπερ οι αρχιερειϲ προτερον υπερ των ιδιω̅ αμαρτιων θυϲιαϲ αναφερειν επειτα των του λαου τουτο γαρ εποιηϲεν εφαπαξ εαυτο̅ ανενεγκαϲ
28 ο νομοϲ γαρ ανθρωπουϲ καθιϲτηϲιν αρχιερειϲ εχο̅ταϲ αϲθενειαν ο λογοϲ δε τηϲ ορκωμοϲιαϲ τηϲ μετα τον νομον υιον ειϲ τον αιωνα τετελειωμενον
Нашли в тексте ошибку? Выделите её и нажмите:
Ctrl + Enter
Послание к Евреям апостола Павла, 7 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.