1 και ο πεμπτοϲ αγγελοϲ εϲαλπιϲεν και ιδον αϲτερα εκ του ο̅υ̅ν̅ο̅υ̅ πεπτωκοτα ειϲ την γην και εδοθη αυτω η κλιϲ του φρεατοϲ τηϲ αβυϲϲου
2 και ηνοιξεν το φρεαρ τηϲ αβυϲϲου και ανεβη καπνοϲ εκ του φρεατοϲ καπνοϲ καμινου μεγαληϲ και εϲκοτωθη ο ηλιοϲ και ο αηρ εκ του καπνου του φρεατοϲ
3 και εκ του καπνου εξηλθον ακριδεϲ ειϲ την γην και εδοθη αυταιϲ εξουϲια ωϲ εχουϲι̅ εξουϲιαν οι ϲκορπιοι τηϲ γηϲ
4 και ερρεθη αυταιϲ ινα μη αδικηϲουϲιν τον χορτον τηϲ γηϲ ουδε πα̅ χλωρον ουδε παν δενδρον ει μη τουϲ α̅ν̅ο̅υ̅ϲ̅ οιτινεϲ ουκ εχουϲι την ϲφραγιδα του θ̅υ̅ επι των μετωπων
5 και εδοθη αυτοιϲ ινα μη αποκτεινωϲιν αυτουϲ αλλ ινα βαϲανιϲθηϲονται μηναϲ πεντε και ο βαϲανιϲμοϲ αυτων ωϲ βαϲανιϲμοϲ ϲκορπιου οταν πεϲη α̅ν̅ο̅ν̅
6 και εν ταιϲ ημεραιϲ εκειναιϲ ζητουϲιν οι α̅ν̅ο̅ι̅ τον θανατον και ου μη ευρωϲιν αυτον και επιθυμηϲουϲιν αποθανειν και φευγει ο θανατοϲ απ αυτων
7 και τα ομοιωματα των ακριδων ομοιωματα ιπποιϲ ητοιμαϲμενοιϲ ειϲ πολεμον και επι ταϲ κεφαλαϲ αυτων ωϲ ϲτεφανοι ομοιοι χρυϲω και τα προϲωπα αυτων ωϲ προϲωπα α̅ν̅ω̅ν̅
8 και ειχαν τριχαϲ ωϲ τριχαϲ γυναικω̅ και οι οδοντεϲ αυτων ωϲ λεοντων ηϲαν
9 και ειχον θωρακαϲ ωϲ θωρακαϲ ϲιδηρουϲ και η φωνη των πτερυγων αυτων ωϲ φωνη αρματων ιππων πολλων τρεχοντων ειϲ πολεμον
10 και εχουϲιν ουραϲ ομοιοιϲ ϲκορπιοιϲ και κεντρα και εν ταιϲ ουραιϲ αυτων η εξουϲια αυτων αδικηϲαι τουϲ α̅ν̅ο̅υ̅ϲ̅ μηναϲ πεντε
11 εχουϲιν επ αυτων βαϲιλεα το̅ αρχοντα τηϲ αβυϲϲου τον αγγελο̅ ονομα αυτω εβραιϲτι αβαδδων και εν τη ελληνικη ονομα εχει απολλυων
12 η ουαι η μια απηλθεν ιδου ερχεται ετι δυο ουαι μετα ταυτα
13 και ο εκτοϲ αγγελοϲ εϲαλπιϲεν και ηκουϲα φωνην μιαν εκ των κερατων του θυϲιαϲτηριου του χρυϲου του ενωπιον του θ̅υ̅
14 λεγοντα τω αγγελω ο εχων την ϲαλπιγγα λυϲον τουϲ τεϲϲαραϲ αγγελουϲ τουϲ δεδεμενουϲ επι τω ποταμω τω μεγαλω ευφρατη
15 και ελυπηθηϲαν οι τεϲϲαρεϲ αγγελοι οι ητοιμαϲμενοι ειϲ την ωραν και ημεραν και μηνα και ενιαυτο̅ ινα αποκτεινωϲιν το τριτον των α̅ν̅ω̅ν̅
16 και ο αριθμοϲ των ϲτρατευματων του ιππικου διϲ μυριαδεϲ μυριαδων ηκουϲα τον αριθμο̅ αυτων
17 και ουτωϲ ιδον τουϲ ιππουϲ εν τη οραϲει και τουϲ καθημενουϲ επ αυτων εχονταϲ θωρακαϲ πυρινουϲ και υακινθινουϲ και θειωδειϲ και αι κεφαλαι τω̅ ιππων ωϲ κεφαλαι λεοντων και εκ των ϲτοματων αυτων εκπορευεται πυρ και καπνοϲ και θιον
18 απο των τριων πληγων τουτων απνκτανθηϲαν το τριτον των α̅ν̅ω̅̅̅ εκ του πυροϲ και του καπνου και του θιου του εκπορευομενου εκ τω̅ ϲτοματων αυτων
19 η γαρ εξουϲια τω̅ τοπων εν τω ϲτοματι αυτων εϲτι̅ και εν ταιϲ ουραιϲ αυτων αι γαρ ουραι αυτων ομοιαι οφεϲιν εχουϲαι κεφαλαϲ και εν αυταιϲ αδικουϲιν
20 και οι λοιποι των α̅ν̅ω̅ν̅ οι ουκ απεκτανθηϲαν εν ταιϲ πληγαιϲ ταυταιϲ ουτε μετενοηϲαν εκ των εργων των χειρων αυτων ινα μη προϲκυνηϲουϲιν τα δαιμονια και τα ειδωλα τα χρυϲα και τα αργυρα και τα χαλκα και τα λιθινα και τα ξυλινα α ουτε βλεπειν δυνανται ουτε ακουειν ουτε περιπατιν
21 και ου μετενοηϲαν εκ των φονων αυτων ουτε εκ των φαρμακιων αυτων ουτε εκ τηϲ πονηριαϲ αυτων ουτε εκ των κλεμματων αυτων
Нашли в тексте ошибку? Выделите её и нажмите:
Ctrl + Enter
Откровение Иоанна Богослова, 9 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.