1 και ιδον εκ τηϲ θαλαϲϲηϲ θηριον αναβαινον εχον κερατα δεκα και κεφαλαϲ επτα και επι των κερατω̅ αυτου δεκα διαδηματα και επι ταϲ κεφαλαϲ αυτου ονοματα βλαϲφημιαϲ
2 και το θηριον ο ιδον ην ομοιον παρδαλι και οι ποδεϲ αυτου ωϲ αρκου και το ϲτομα αυτου ωϲ ϲτομα λεοντοϲ και εδωκεν αυτω ο δρακων την δυναμιν αυτου και τον θρονον αυτου και εξουϲιαν μεγαλην {}[13]
3 και μιαν εκ των κεφαλων αυτου ωϲ εϲφαγμενην ειϲ θανατον και η πληγη του θανατου αυτου εθεραπευθη και εθαυμαϲθη ολη η γη οπιϲω του θηριου
4 και προϲεκυνηϲαν τω δρακοντι οτι εδωκεν την εξουϲιαν τω θηριω και προϲεκυνηϲαν το θηριον λεγοντεϲ τιϲ ομοιοϲ τω θηριω και τιϲ δυναται πολεμηϲαι μετ αυτου
5 και εδοθη αυτω ϲτομα λαλου̅ μεγαλα και βλαϲφημα και εδοθη αυτω εξουϲια ποιηϲαι μηναϲ τεϲϲερακοντα και δυο
6 και ηνοιξεν το ϲτομα αυτου ειϲ βλαϲφημιαϲ προϲ τον θ̅ν̅ βλαϲφημηϲαι το ονομα αυτου και την ϲκηνην αυτου τουϲ εν τω ο̅υ̅ν̅ω̅ ϲκηνουνταϲ
7 και εδοθη αυτω εξουϲια επι παϲαν φυλην και λαον και γλωϲϲαν και εθνοϲ
8 και προϲκυνηϲουϲιν αυτον παντεϲ οι κατοικουντεϲ επι τηϲ γηϲ ουαι γεγραπται το ονομα αυτου εν τω βιβλιω τηϲ ζωηϲ του αρνιου του εϲφαγμενου απο καταβοληϲ κοϲμου
9 ει τιϲ εχει ουϲ ακουϲατω
10 ει τιϲ ειϲ αιχμαλωϲιαν ειϲ αιχμαλωϲιαν υπαγει ει τιϲ εν μαχαιρη αποκτα̅θηναι αυτον εν μαχαιρη αποκτα̅θηναι ωδε εϲτιν η υπομονη και η πιϲτιϲ των αγιων
11 και ιδον αλλο θηριον αναβαινον εκ τηϲ γηϲ και ειχεν κερατα δυο ομοια αρνιω και ελαλει ωϲ δρακων
12 και την εξουϲιαν του πρωτου θηριου παϲαν ποιει ενωπιο̅ αυτου και ποιει την γην και τουϲ εν αυτη κατοικουνταϲ ινα προϲκυνηϲουϲιν το θηριον το πρωτο̅ ου εθεραπευθη η πληγη αυτου
13 και ποιει ϲημεια μεγαλα ινα και πυρ ποιη εκ του ο̅υ̅ν̅ο̅υ̅ καταβαινειν ειϲ την γην ενωπιον των α̅ν̅ω̅ν̅
14 και πλανα τουϲ κατοικουνταϲ επι τηϲ γηϲ δια τα ϲημεια α εδοθη αυτω ποιηϲαι ενωπιον του θηριου λεγων τοιϲ κατοικουϲιν επι τηϲ γηϲ ποιηϲαι εικοναν τω θηριω οϲ εχει την πληγην τηϲ μαχαιρηϲ και εζηϲεν
15 και εδοθη αυτη δουναι πνευμα τη εικονι του θηριου ινα και λαληϲη η εικων του θηριου και ποιηϲη ινα οϲοι εαν μη προϲκυνηϲωϲιν την εικονα του θηριου αποκτανθωϲιν
16 και ποιει πανταϲ τουϲ μικρουϲ και τουϲ μεγαλουϲ και τουϲ πλουϲιουϲ και τουϲ πτωχουϲ και τουϲ ελευθερουϲ και τουϲ δουλουϲ ινα δωϲιν αυτοιϲ χαραγμα επι τηϲ χειροϲ αυτων τηϲ δεξιαϲ η επι το μετωπον αυτων
17 και ινα μη τιϲ δυνηται αγοραϲαι η πωληϲαι ει μη ο εχων το χαραγμα το ονομα του θηριου η τον αριθμον του ονοματοϲ αυτου
18 ωδε η ϲοφια εϲτι̅ ο εχων νουν ψηφιϲατω τον αριθμον του θηριου αριθμοϲ γαρ α̅ν̅ο̅υ̅ εϲτιν και ο αριθμοϲ αυτου εξακοϲιοι εξηκοντα εξ