Библия » Александрийский кодекс – 5 век

ΑΠΟΚΑΛΥΨΙΣ ΙΩΑΝΝΟΥ 1 κεφάλαιο

1 αποκαλυψιϲ ι̅υ̅ χ̅υ̅ ην εδωκεν αυτω ο θ̅ϲ̅ δειξαι τοιϲ δουλοιϲ αυτου α δει γενεϲθαι εν ταχει και εϲημανεν αποϲτειλαϲ δια του αγγελου αυτου του δουλου αυτου ιωαννη
2 οϲ εμαρτυρηϲεν τον λογον του θ̅υ̅ και την μαρτυριαν ι̅υ̅ χ̅υ̅ οϲα ιδεν
3 μακαριοϲ ο αναγινωϲκων και οι ακουοντεϲ τουϲ λογουϲ τηϲ προφητειαϲ και τηρουντεϲ τα εν αυτη γεγραμμενα ο γαρ καιροϲ εγγυϲ
4 ιωαννηϲ ταιϲ επτα εκκληϲιαιϲ ταιϲ εν τη αϲια χαριϲ υμιν και ειρηνη απο ο ων και ο ην και ο ερχομενοϲ και απο των επτα πνευματων των ενωπιον του θρονου αυτου
5 και απο ι̅υ̅ χ̅υ̅ ο μαρτυϲ ο πιϲτοϲ ο πρωτοτοκοϲ των νεκρων και ο αρχων τω̅ βαϲιλεων τηϲ γηϲ τω αγαπωντι ημαϲ και λυϲαντι ημαϲ εκ των αμαρτιω̅ εν τω αιματι αυτου
6 και εποιηϲεν ημιν βαϲιλειαν ιερειϲ τω θ̅ω̅ και π̅ρ̅ι̅ αυτου αυτω η δοξα και το κρατοϲ ειϲ τουϲ αιωναϲ αμην
7 ιδου ερχεται μετα των νεφελων και οψεται αυτον παϲ οφθαλμοϲ και οιτινεϲ αυτον εξεκεντηϲαν και κοψονται επ αυτον παϲαι αι φυλαι τηϲ γηϲ ναι αμην
8 εγω ειμι το αλφα και το ω λεγει κ̅ϲ̅ ο θ̅ϲ̅ ο ων και ο ην και ο ερχομενοϲ ο πα̅τοκρατωρ
9 εγω ιωαννηϲ ο αδελφοϲ υμων και ϲυγκοινωνοϲ εν τη θλιψει και βαϲιλεια και υπομονη εν χ̅ω̅ εγενομην εν τη νηϲω τη καλουμενη πατμω δια τον λογον του θ̅υ̅ και την μαρτυριαν ι̅υ̅
10 εγω εγενομην εν π̅ν̅ι̅ εν τη κυριακη ημερα και ηκουϲα φωνην μεγαλη̅ οπιϲθεν μου ωϲ ϲαλπιγγοϲ
11 λεγουϲηϲ ο βλεπειϲ γραψον ειϲ βιβλιον και πεμψον ταιϲ επτα εκκληϲιαιϲ ειϲ εφεϲον και ει ϲμυρναν και ειϲ περγαμον και ειϲ θυατιραν και ειϲ ϲαρδειϲ και ειϲ φιλαδελφιαν και ειϲ λαοδικιαν
12 και επεϲτρεψα βλεπειν την φωνην ητιϲ λαλει μετ εμου και επιϲτρεψαϲ ειδον επτα λυχνιαϲ χρυϲαϲ
13 και εμ μεϲω των λυχνιω̅ ομοιωμα υιω α̅ν̅ο̅υ̅ ενδεδυμενον ποδηρην και περιεζωϲμενον προϲ τοιϲ μαζοιϲ ζωνην χρυϲαν
14 η δε κεφαλη αυτου και αι τριχεϲ λευκαι ωϲ εριον λευκον ωϲ χιων και οι οφθαλμοι αυτου ωϲ φλοξ πυροϲ
15 και οι ποδεϲ αυτου ομοιοι χαλκολιβανω ωϲ εν καμινω πεπυρωμενηϲ και η φωνη αυτου ωϲ φωνη υδατων πολλων
16 και εν τη δεξια χειρι αυτου αϲτερεϲ επτα και εκ του ϲτοματοϲ αυτου ρομφαια διϲτομοϲ οξια εκπορευομενη και η οψιϲ αυτου ωϲ ο ηλιοϲ φαινι εν τη δυναμει αυτου
17 και οτε ειδον αυτον επεϲα προϲ τουϲ ποδαϲ αυτου ωϲ νεκροϲ και εθηκεν την δεξιαν αυτου επ εμε λεγων μη φοβου εγω ειμι ο πρωτοτοκοϲ και ο εϲχατοϲ
18 και ο ζων και εγενομην νεκροϲ και ιδου ζων ειμι ειϲ τουϲ αιωναϲ των αιωνων και εχω ταϲ κλιϲ του θανατου και του αδου
19 γραψον ουν α ιδεϲ και α ειϲιν και α μελλει γεινεϲθαι μετα ταυτα
20 το μυϲτηριον των επτα αϲτερων ουϲ ειδεϲ εν τη δεξια μου και ταϲ επτα λυχνιαϲ ταϲ χρυϲαϲ οι επτα αϲτερεϲ αγγελοι των επτα εκκληϲιων ειϲιν και αι λυχνιαι αι επτα επτα εκκληϲιαι ειϲιν
Нашли в тексте ошибку? Выделите её и нажмите: Ctrl + Enter

Откровение Иоанна Богослова, 1 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007–2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.