1 και ιδον και ιδου το αρνιον εϲτοϲ επι το οροϲ ϲιων και μετ αυτου εκατον τεϲϲερακοντα τεϲϲαρεϲ χιλιαδεϲ εχουϲαι το ονομα αυτου και το ονομα του π̅ρ̅ϲ̅ αυτου το γεγραμμενον επι των μετωπων αυτων
2 και ηκουϲα φωνην εκ του ο̅υ̅ν̅ο̅υ̅ ωϲ φωνην υδατω̅ πολλων και ωϲ φωνην βροντηϲ μεγαληϲ και η φωνη ην ηκουϲα ωϲ κιθαρωδων κιθαριζοντων εν ταιϲ κιθαραιϲ αυτων
3 και αδουϲιν ωϲ ωδην καινην ενωπιο̅ του θρονου και ενωπιον των τεϲϲαρων ζωων και των πρεϲβυτερων και ουδειϲ εδυνατο μαθει̅ την ωδην ει μη αι εκατον τεϲϲερακοντα τεϲϲαρεϲ χιλιαδεϲ οι ηγοραϲμενοι απο τηϲ γηϲ
4 οι μετα γυναικων ουκ εμολυνθηϲαν παρθενοι γαρ ειϲιν ουτοι οι ακολουθου̅τεϲ τω αρνιω οπου αν υπαγει ουτοι ηγοραϲθηϲαν απο των α̅ν̅ω̅ν̅ απαρχη τω θ̅ω̅ και τω αρνιω
5 και εν τω ϲτοματι αυτων ουχ ευρεθη ψευδοϲ αμωμοι ειϲιν
6 και ιδον αλλον αγγελον πετομενο̅ εν μεϲουρανηματι εχοντα ευαγγελιον αιωνιον ευαγγελιϲαι επι τουϲ κατοικουνταϲ επι τηϲ γηϲ και επι παν εθνοϲ και φυλην και γλωϲϲαν και λαον
7 λεγων φωνη μεγαλη φοβηθητε τον θ̅ν̅ και δοτε αυτω δοξαν οτι ηλθεν η ωρα τηϲ κριϲεωϲ αυτου και προϲκυνηϲατε τω ποιηϲαντι τον ο̅υ̅ν̅ο̅ν̅ και την γην και θαλαϲϲαν και πηγαϲ υδατων
8 και αλλοϲ δευτεροϲ αγγελοϲ ηκολουθηϲεν λεγων επεϲεν επεϲεν βαβυλων η μεγαλη η εκ του οινου του θυμου τηϲ πορνειαϲ αυτηϲ πεποτικεν παντα τα εθνη
9 και αλλοϲ αγγελοϲ τριτοϲ ηκολουθηϲεν αυτω λεγων εν φωνη μεγαλη ει τιϲ προϲκυνει το θυϲιαϲτηριον και την εικονα αυτου και λαμβανει χαραγμα επι του μετωπου αυτου η επι την χειρα αυτου
10 και αυτοϲ πιεται εκ του οινου του θυμου του θ̅υ̅ του κεκεραϲμενου ακρατου εκ του ποτηριου την οργην αυτου και βαϲανιϲθηϲονται εν πυρι και θειω ενωπιον των αγγελων και ενωπιον του αρνιου
11 και ο καπνοϲ του βαϲανιϲμου αυτων ειϲ αιωναϲ αιωνων αναβαινει και ουκ εχουϲιν αναπαυϲιν ημεραϲ και νυκτοϲ οι προϲκυνουντεϲ το θηριο̅ και την εικονα αυτου και ει τιϲ λαμβανει το χαραγμα του ονοματοϲ αυτου
12 ωδε η υπομονη των αγιων εϲτιν οι τηρουντεϲ ταϲ εντολαϲ του θ̅υ̅ και την πιϲτιν ι̅υ̅
13 και ηκουϲα φωνηϲ εκ του ο̅υ̅ν̅ο̅υ̅ λεγουϲηϲ γραψον μακαριοι οι νεκροι οι εν κ̅ω̅ αποθνηϲκοντεϲ απ αρτι ναι λεγει το π̅ν̅α̅ ινα αναπαηϲο̅ται εκ των κοπων αυτων τα γαρ εργα αυτων ακολουθει μετ αυτω̅
14 και ιδον και ιδου νεφελη λευκη και επι την νεφελην καθημενον ομοιον υ̅ν̅ α̅ν̅ο̅υ̅ εχων επι την κεφαλην αυτου ϲτεφανον χρυϲουν και εν τη χειρι αυτου δρεπανον οξυ
15 και αλλοϲ αγγελοϲ εξηλθεν κραζων εκ του ναου εν φωνη μεγαλη τω καθημενω επι τηϲ νεφεληϲ πεμψον το δρεπανον ϲου και θεριϲον οτι ηλθεν η ωρα θεριϲαι οτι εξηρανθη ο θεριϲμοϲ τηϲ γηϲ
16 και εβαλεν ο καθημενοϲ επι τηϲ νεφεληϲ το δρεπανον αυτου επι την γην και εθεριϲθη η γη
17 και αλλοϲ αγγελοϲ εξηλθεν εκ του ναου του εν τω ο̅υ̅ν̅ω̅ εχων και αυτοϲ δρεπανον οξυ
18 και αλλοϲ αγγελοϲ εκ του θυϲιαϲτηριου ο εχων εξουϲιαν επι του πυροϲ και εφωνηϲεν φωνη μεγαλη τω εχοντι το δρεπανον το οξυ λεγων πεμψον ϲου το δρεπανον το οξυ και τρυγηϲον τουϲ βοτρυαϲ τηϲ αμπελου τηϲ γηϲ οτι ηχμαϲαν αι ϲταφυλαι αυτηϲ
19 και εβαλεν ο αγγελοϲ το δρεπανον αυτου ειϲ την γην και ετρυγηϲε̅ την αμπελον τηϲ γηϲ και εβαλεν ειϲ την ληνον του θυμου του θ̅υ̅ τον μεγα
20 {αι} [14] επατηθη η ληνοϲ εξωθεν τηϲ πολεωϲ και εξηλθεν αιμα εκ τηϲ ληνου αχρι των χαλινων των ιππων απο ϲταδιων χιλιων εξακοϲιων
Примечания:
20 [14] {και}
Нашли в тексте ошибку? Выделите её и нажмите:
Ctrl + Enter
Откровение Иоанна Богослова, 14 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.