ΚΑΙΝΉ ΔΙΑΘΉΚΗ » Codex 04 Ефремов кодекс — 5 век

ΙΩΑΝΝΟΥ Α΄ 2 ΙΩΑΝΝΟΥ Α΄ 2 ΚΕΦΆΛΑΙΟ

1 τεκνια μου ταυτα γραφω υμιν ινα μη αμαρτητε και εαν τιϲ αμαρτη παρακλητον εχομεν προϲ τον π̅ρ̅α̅ ι̅ν̅ χ̅ν̅ δικαιον
2 και αυτοϲ ειλαϲμοϲ εϲτιν περι των αμαρτιων ημων ου περι των ημετερων δε μονον αλλα και περι ολου του κοϲμου
3 και εν τουτω γινωϲκομεν οτι εγνωκαμεν αυτον εαν ταϲ εντολαϲ αυτου τηρωμεν
4 ο λεγων εγνωκα αυτον και ταϲ εντολαϲ αυτου μη τηρω̅ ψευϲτηϲ εϲτιν και εν τουτω η αληθεια ουκ εϲτιν
5 οϲ δ αν τηρη αυτου τον λογον αληθωϲ εν τουτω η αγαπη του θ̅υ̅ τετελειωται εν τουτω γινωϲκομεν οτι εν αυτω εϲμεν
6 ο λεγων εν αυτω μενειν οφιλει καθωϲ εκεινοϲ περιεπατηϲεν και αυτοϲ ουτωϲ περιπατειν
7 αγαπητοι ουκ εντολην καινην γραφω υμιν αλλ εντολην παλαιαν ην ειχετε απ αρχηϲ η εντολη η παλαια εϲτιν ο λογοϲ ον ηκουϲατε
8 παλιν εντολην καινην γραφω υμιν ο εϲτιν αληθεϲ εν αυτω και εν υμιν οτι η ϲκοτια παραγεται και το φωϲ το αληθεινον ηδη φαινει
9 ο λεγων εν τω φωτι ειναι και τον αδελφον αυτου μιϲω̅ εν τη ϲκοτια εϲτιν εωϲ αρτι
10 ο αγαπων τον αδελφον αυτου εν τω φωτι μενει και ϲκανδαλον ουκ εϲτιν εν αυτω
11 ο δε μιϲων τον αδελφον αυτου εν τη ϲκοτια εϲτιν και εν τη ϲκοτια περιπατει και ουκ οιδεν που υπαγει οτι η ϲκοτια ετυφλωϲεν τουϲ οφθαλμουϲ αυτου
12 γραφω υμιν τεκνια οτι αφεωνται υμιν αι αμαρτιαι δια το ονομα αυτου
13 γραφω υμιν π̅ρ̅ε̅ϲ̅ οτι εγνωκατε τον απ αρχηϲ γραφω υμιν νεανιϲκοι οτι νενικηκατε τον πονηρον
14 εγραψα υμιν παιδια οτι εγνωκατε τον π̅ρ̅α̅ εγραψα υμιν π̅ρ̅ε̅ϲ̅ οτι εγνωκατε τον απ αρχηϲ εγραψα υμιν νεανιϲκοι οτι ιϲχυροι εϲτε και ο λογοϲ του θ̅υ̅ εν υμιν μενει και νενικηκατε τον πονηρον
15 μη αγαπατε τον κοϲμον μηδε τα εν τω κοϲμω εαν τιϲ αγαπα τον κοϲμον ουκ εϲτιν η αγαπη του θ̅υ̅ εν αυτω
16 οτι παν το εν τω κοϲμω η επιθυμια τηϲ ϲαρκοϲ και η επιθυμια των οφθαλμων και η αλαζονεια του βιου ουκ εϲτιν εκ του π̅ρ̅ϲ̅ αλλα εκ του κοϲμου εϲτιν
17 και ο κοϲμοϲ παραγεται και η επιθυμια αυτου ο δε ποιων το θελημα του θ̅υ̅ μενει ειϲ τον αιωνα
18 παιδεια εϲχατη τη ωρα εϲτιν και καθωϲ ηκουϲατε οτι αντιχριϲτοϲ ερχεται και νυν αντιχριϲτοι πολλοι γεγοναϲιν οθεν γινωϲκομεν οτι εϲχατη ωρα εϲτιν
19 εξ ημων εξηλθαν αλλ ουκ ηϲαν εξ ημων ει γαρ εξ ημων ηϲαν μεμενηκειϲαν αν μεθ ημων αλλ ινα φανερωθωϲιν οτι ουκ ειϲιν παντεϲ εξ ημων
20 και υμειϲ χριϲμα εχετε απο του αγιου και οιδατε παντα
21 ουκ εγραψα υμιν οτι ουκ οιδατε την αληθειαν αλλ οτι οιδατε αυτην και οτι ψευδοϲ εκ τηϲ αληθειαϲ ουκ εϲτιν
22 τιϲ εϲτιν ο ψευϲτηϲ ει μη ο αρνουμενοϲ οτι ι̅ϲ̅ ουκ εϲτιν ο χ̅ϲ̅ ουτοϲ εϲτιν ο αντιχριϲτοϲ ο αρνουμενοϲ τον π̅ρ̅α̅ και τον υ̅ν̅
23 παϲ ο αρνουμενοϲ τον υ̅ν̅ ουδε τον π̅ρ̅α̅ εχει ο ομολογων τον υ̅ν̅ και τον π̅ρ̅α̅ εχει
24 υμειϲ ο ηκουϲατε απ αρχηϲ εν υμιν μενετω εαν εν υμιν μεινη ο απ αρχηϲ ηκουϲατε και υμειϲ εν τω υιω και εν τω πατρι μενειτε
25 και αυτη εϲτιν η επαγγελια ην αυτοϲ επηγγειλατο ημιν την ζωην την αιωνιον
26 ταυτα εγραψα υμιν περι των πλανωντων υμαϲ
27 και υμειϲ το χριϲμα ο ελαβετε απ αυτου μενει εν υμιν και ου χρειαν εχετε ινα τιϲ διδαϲκει υμαϲ αλλ ωϲ το αυτου χριϲμα διδαϲκει υμαϲ περι παντων και αληθεϲ εϲτιν και ουκ εϲτιν ψευδεϲ και καθωϲ εδιδαξεν υμαϲ μενετε εν αυτω
28 και νυν τεκνια μενετε εν αυτω ινα εαν φανερωθη ϲχωμεν παρρηϲιαν και μη αιϲχυνθωμεν απ αυτου εν τη παρουϲια αυτου
29 εαν ειδητε οτι δικαιοϲ εϲτιν γινωϲκετε οτι και παϲ ο ποιων την δικαιοϲυνην εξ αυτου γεγεννηται
Нашли в тексте ошибку? Выделите её и нажмите: Ctrl + Enter

Первое соборное послание апостола Иоанна, 2 ΚΕΦΆΛΑΙΟ. Ефремов кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΙΩΑΝΝΟΥ Α΄ 2 ΚΕΦΆΛΑΙΟ в переводах:
ΙΩΑΝΝΟΥ Α΄ 2 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.