1 φοβηθωμεν ουν μηποτε καταλειπομενηϲ επαγγελιαϲ ειϲελθειν ειϲ την καταπαυϲιν αυτου δοκη τιϲ εξ υμων υϲτερηκεναι
2 και παρ εϲμεν ευηγγελιϲμενοι καθαπερ κακεινοι αλλ ουκ ωφεληϲεν ο λογοϲ τηϲ ακοηϲ εκεινουϲ μη ϲυγκεκεραϲμενουϲ τη πιϲτει τοιϲ ακουϲαϲιν
3 ειϲερχομεθα ουν ειϲ την καταπαυϲιν οι πιϲτευϲα̅τεϲ καθωϲ ειρηκεν ωϲ ωμοϲα εν τη οργη μου η ειϲελευϲονται ειϲ την καταπαυϲιν μου καιτοι των εργω̅ απο καταβοληϲ κοϲμου γενηθεντων
4 ειρηκεν γαρ που περι τηϲ εβδομηϲ ουτωϲ και κατεπαυϲεν ο θ̅ϲ̅ εν τη ημερα τη εβδομη απο παντων των εργων αυτου
5 και εν τουτω παλιν ει ειϲελευϲονται ειϲ την καταπαυϲιν μου
6 επει ουν απολειπεται τιναϲ ειϲελθειν ειϲ αυτην και οι προτερον {ευαγγελιϲθεντεϲ} [2] ουκ ειϲηλθον δι απειθειαν
7 παλιν τινα οριζει ημεραν ϲημερον εν δαυειδ λεγων μετα τοϲουτον χρονον καθωϲ προειρηται ϲημερον εαν τηϲ φωνηϲ αυτου ακουϲητε μη ϲκληρυνητε ταϲ καρδιαϲ υμων
8 ει γαρ αυτουϲ ι̅ϲ̅ κατεπαυϲεν ουκ αν περι αλληϲ ελαλει μετ αυτα ημεραϲ
9 αρα απολειπεται ϲαββατιϲμοϲ τω λαω του θ̅υ̅
10 ο γαρ ειϲελθων ειϲ την καταπαυϲιν αυτου και αυτοϲ κατεπαυϲεν απο των εργων αυτου ωϲπερ απο των ιδιων ο θ̅ϲ̅
11 ϲπουδαϲωμεν ουν ειϲελθειν ειϲ εκεινην την καταπαυϲιν ινα μη εν τω αυτω τιϲ υποδειγματι πεϲη τηϲ απειθειαϲ
12 ζω γαρ ο λογοϲ του θ̅υ̅ και ενεργηϲ και τομωτεροϲ υπερ παϲαν μαχαιραν διϲτομον και διικνουμενοϲ αχρι μεριϲμου ψυχηϲ και π̅ν̅ϲ̅ αρμων τε και μυελων και κριτικοϲ ενθυμηϲεωϲ και εννοιων καρδιαϲ
13 και ουκ εϲτι κτιϲιϲ αφανηϲ ενωπιον αυτου παντα δε γυμνα και τετραχηλιϲμενα τοιϲ οφθαλμοιϲ αυτου προϲ ον ημιν ο λογοϲ
14 εχοντεϲ ουν αρχιερεα μεγαν διεληλυθοτα τουϲ ουρανουϲ ι̅ν̅ τον υ̅ν̅ του θ̅υ̅ κρατωμεν τηϲ ομολογιαϲ
15 ου γαρ εχομεν αρχιερεα μη δυναμενον ϲυνπαθηϲαι ταιϲ αϲθενειαιϲ ημων πεπειραμενον δε κατα παντα καθ ομοιοτητα χωριϲ αμαρτιαϲ
16 προϲερχωμεθα ουν μετα παρρηϲιαϲ τω θρονω τηϲ χαριτοϲ ινα λαβωμεν ελεοϲ και χαριν ευρωμεν ειϲ ευκαιρον βοηθειαν
Примечания:
6 [2] {ευηγγελιϲθεντεϲ}
Нашли в тексте ошибку? Выделите её и нажмите:
Ctrl + Enter
Послание к Евреям апостола Павла, 4 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.