1 παϲ γαρ αρχιερευϲ εξ α̅ν̅ω̅ν̅ λαμβανομενοϲ υπερ α̅ν̅ω̅ν̅ καθιϲταται τα προϲ τον θ̅ν̅ ινα προϲφερη δωρα τε και θυϲιαϲ υπερ αμαρτιων
2 μετριοπαθειν δυναμενοϲ τοιϲ αγνοουϲι και πλανωμενοιϲ επει και αυτοϲ περικειται αϲθενειαν
3 και δι αυτην οφειλει καθωϲ περι του λαου ουτωϲ και περι εαυτου προϲφερειν περι αμαρτιων
4 και ουχ εαυτω τιϲ λαμβανει την τιμην αλλα καλουμενοϲ υπο του θ̅υ̅ καθαπερ και ααρων
5 ουτωϲ και ο χ̅ϲ̅ ουχ εαυτον εδοξαϲε̅ γενηθηναι αρχιερεα αλλ ο λαληϲαϲ προϲ αυτον υ̅ϲ̅ μου ει ϲυ εγω ϲημερον γεγεννηκα ϲε
6 καθωϲ και εν ετερω λεγει ϲυ ιερευϲ ειϲ τον αιωνα κατα την ταξιν μελχιϲεδεκ
7 οϲ εν ταιϲ ημεραιϲ τηϲ ϲαρκοϲ αυτου δεηϲειϲ τε και ικετηριαϲ προϲ τον δυναμενον ϲωζειν αυτον εκ θανατου μετα κραυγηϲ ιϲχυραϲ και δακρυων προϲενεγκαϲ και ειϲακουϲθειϲ απο τηϲ ευλαβειαϲ
8 καιπερ ων υιοϲ εμαθεν αφ ων επαθεν την υπακοην
9 και τελειωθειϲ εγενετο παϲιν τοιϲ υπακουουϲιν αυτω αιτιοϲ ϲωτηριαϲ αιωνιου
10 προϲαγορευθειϲ υπο του θ̅υ̅ αρχιερευϲ κατα την ταξιν μελχιϲεδεκ
11 περι ου πολυϲ ημιν ο λογοϲ και δυϲερμηνευτοϲ λεγειν επει νωθροι γεγονατε ταιϲ ακοαιϲ
12 και γαρ οφειλοντεϲ ειναι διδαϲκαλοι δια τον χρονον παλιν χρειαν εχετε του διδαϲκειν υμαϲ τινα τα ϲτοιχεια τηϲ αρχηϲ των λογιων του θ̅υ̅ και γεγονατε χρειαν εχοντεϲ γαλακτοϲ ου ϲτερεαϲ τροφηϲ
13 παϲ γαρ ο μετεχων γαλακτοϲ απειροϲ λογου δικαιοϲυνηϲ νηπιοϲ γαρ εϲτιν
14 τελειων δε εϲτιν η ϲτερεα τροφη των δια την εξιν τα αιϲθητηρια γεγυμναϲμενα εχοντων προϲ διακριϲιν καλου τε και κακου
Нашли в тексте ошибку? Выделите её и нажмите:
Ctrl + Enter
Послание к Евреям апостола Павла, 5 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.