Библия » Ефремов кодекс — 5 век

ΠΡΟΣ ΕΒΡΑΙΟΥΣ 10 κεφάλαιο

1 ϲκιαν γαρ εχων ο νομοϲ των μελλοντων αγαθων ουκ αυτην την εικονα των πραγματων κατ ενιαυτον ταιϲ αυταιϲ θυϲιαιϲ αϲ προϲφερουϲιν ειϲ το διηνεκεϲ ουδεποτε δυναται τουϲ προϲερχομενουϲ τελειωϲαι
2 επει ουκ αν επαυϲαντο προϲφερομεναι δια το μηδεμιαν εχειν ετι ϲυνειδηϲιν αμαρτιων τουϲ λατρευονταϲ απαξ κεκαθαριϲμενουϲ
3 αλλ εν αυταιϲ αναμνηϲιϲ αμαρτιων κατ ενιαυτον
4 αδυνατον γαρ αιμα ταυρων και τραγων αφαιρειν αμαρτιαϲ
5 διο ειϲερχομενοϲ ειϲ τον κοϲμον λεγει θυϲιαν και προϲφοραν ουκ ηθεληϲαϲ ϲωμα δε κατηρτιϲω μοι
6 ολοκαυτωματα και περι αμαρτιαϲ ουκ ηυδοκηϲαϲ
7 τοτε ειπον ιδου ηκω εν κεφαλιδι βιβλιου γεγραπται περι εμου του ποιηϲαι ο θ̅ϲ̅ το θελημα ϲου
8 ανωτερον λεγων οτι θυϲιαϲ και προϲφοραϲ και ολοκαυτωματα και περι αμαρτιαϲ ουκ ηθεληϲαϲ ουδε ευδοκηϲαϲ αιτινεϲ κατα νομον προϲφερονται
9 τοτε ειρηκεν ιδου ηκω του ποιηϲαι το θελημα ϲου αναιρει το πρωτον ινα το δευτερον ϲτηϲη
10 εν ω θεληματι ηγιαϲμενοι εϲμεν δια τηϲ προϲφοραϲ του ϲωματοϲ ι̅υ̅ χ̅υ̅ εφαπαξ
11 και παϲ μεν αρχιερευϲ εϲτηκεν καθ ημεραν λειτουργων και ταϲ αυταϲ πολλακιϲ προϲφερων θυϲιαϲ αιτινεϲ ουδεποτε δυνανται περιελειν αμαρτιαϲ
12 ουτοϲ δε μιαν υπερ αμαρτιων προϲενεγκαϲ θυϲιαν ειϲ το διηνεκεϲ εκαθιϲεν εν δεξια του θ̅υ̅
13 το λοιπο̅ εκδεχομενοϲ εωϲ τεθωϲιν οι εχθροι αυτου υποποδιον των ποδων αυτου
14 μια γαρ προϲφορα τετελειωκεν ειϲ το διηνεκεϲ τουϲ αγιαζομενουϲ
15 μαρτυρει δε ημιν και το πνευμα το αγιον μετα γαρ το ειρηκεναι
16 αυτη η διαθηκη ην διαθηϲομαι προϲ αυτουϲ μετα ταϲ ημεραϲ εκειναϲ λεγει κ̅ϲ̅ διδουϲ νομουϲ μου επι καρδιαϲ αυτων και επι την διανοιαν αυτων επιγραψω αυτουϲ
17 και των αμαρτιων αυτων και τω̅ ανομιων αυτων ου μη μνηϲθηϲομαι ετι
18 οπου δε αφεϲιϲ τουτων ουκετι προϲφορα περι αμαρτιαϲ
19 εχοντεϲ ουν αδελφοι παρρηϲιαν ειϲ την ειϲοδον των αγιων εν τω αιματι ι̅υ̅
20 ην ενεκενιϲεν ημιν οδον προϲφατον και ζωϲαν δια του καταπεταϲματοϲ τουτ εϲτιν τηϲ ϲαρκοϲ αυτου
21 και ιερεα μεγαν επι τον οικον του θ̅υ̅
22 προϲερχωμεθα μετα αληθινηϲ καρδιαϲ εν πληροφορια πιϲτεωϲ ρεραντιϲμενοι ταϲ καρδιαϲ απο ϲυνειδηϲεωϲ πονηραϲ και λελουμενοι το ϲωμα υδατι καθαρω
23 κατεχωμεν την ομολογιαν τηϲ ελπιδοϲ ακλεινη πιϲτοϲ γαρ ο επαγγειλαμενοϲ
24 και κατανοωμεν αλληλουϲ ειϲ παροξυϲμον αγα πηϲ [отсутствует]
Нашли в тексте ошибку? Выделите её и нажмите: Ctrl + Enter

Послание к Евреям апостола Павла, 10 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.


2007–2022, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.