1 ολωϲ ακουεται εν υμιν πορνεια και τοιαυτη πορνεια ητιϲ ουδε εν τοιϲ εθνεϲιν ωϲτε γυναικα τινα του π̅ρ̅ϲ̅ εχειν
2 και υμειϲ πεφυϲιωμενοι εϲτε και ουχι μαλλον επενθηϲατε ινα αρθη εκ μεϲου υμω̅ ο το εργον τουτο πραξαϲ
3 εγω μεν γαρ απων τω ϲωματι παρων δε τω π̅ν̅ι̅ ηδη κεκρικα ωϲ παρων τον ουτωϲ τουτο κατεργαϲαμενο̅
4 εν τω ονοματι του κ̅υ̅ ι̅υ̅ ϲυναχθεντων υμων και του εμου π̅ν̅ϲ̅ ϲυν τη δυναμει του κ̅υ̅
5 παραδουναι αυτον τω ϲατανα ειϲ ολεθρον τηϲ ϲαρκοϲ ινα το π̅ν̅α̅ ϲωθη εν τη ημερα του κ̅υ̅
6 ου καλον το καυχημα υμων ουκ οιδατε οτι μικρα ζυμη ολον το φυραμα ζυμοι
7 εκκαθαρατε ουν την παλαια̅ ζυμην ινα ητε νεον φυραμα καθωϲ εϲτε αζυμοι και γαρ το παϲχα ημων ετυθη χ̅ϲ̅
8 ωϲτε εορταζωμεν μη ε̅ ζυμη παλαια μηδε εν ζυμη κακιαϲ και πονηριαϲ αλλ ε̅ν αζυμοιϲ ειλικρινιαϲ και αληθιαϲ
9 εγραψα υμιν εν τη επιϲτολη μη ϲυναναμιγνυϲθαι πορνοιϲ
10 ου παντωϲ τοιϲ πορνοιϲ του κοϲμου τουτου η τοιϲ πλεονεκταιϲ και αρπαξιν η ειδωλολατραιϲ επει ωφειλετε αρα εκ του κοϲμου εξελθειν
11 νυνι δε εγραψα υμιν μη ϲυναναμιγνυϲθαι εαν τιϲ αδελφοϲ ονομαζομενοϲ η πορνοϲ η μεθυϲοϲ η ειδωλολατρηϲ η λοιδοροϲ η πλεονεκτηϲ η αρπαξ τω τοιουτω μηδε ϲυνεϲθιειν
12 τι γαρ μοι τουϲ εξω κρινειν ουχι τουϲ εϲω υμαϲ κρινετε
13 τουϲ δε εξω ο θ̅ϲ̅ κρινει εξαρατε τον πονηρον εξ υμων αυτων
Нашли в тексте ошибку? Выделите её и нажмите:
Ctrl + Enter
Первое послание к Коринфянам апостола Павла, 5 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.