1 ου θελω γαρ υμαϲ αγνοειν αδελφοι οτι οι πατερεϲ ημων πα̅τεϲ υπο την νεφελην ηϲαν και παντεϲ δια τηϲ θαλαϲϲηϲ διηλθον
2 και παντεϲ ειϲ τον μωυϲην εβαπτιϲθηϲαν εν τη νεφελη και εν τη θαλαϲϲη
3 και παντεϲ το π̅ν̅ι̅κ̅ο̅ν̅ βρωμα εφαγον
4 και παντεϲ το αυτο π̅ν̅ι̅κ̅ο̅ν̅ επιον πομα επινον γαρ εκ π̅ν̅ι̅κ̅η̅ϲ̅ ακολουθουϲηϲ πετραϲ η δε πετρα ην ο χ̅ϲ̅
5 αλλ ουκ εν τοιϲ πλειοϲιν αυτων ηυδοκηϲεν ο θ̅ϲ̅ κατεϲτρωθηϲαν γαρ εν τη ερημω
6 ταυτα δε τυποι ημ�� εγενηθηϲαν ειϲ το μη ειναι ημαϲ επιθυμηταϲ κακων καθωϲ κακεινοι επεθυμηϲαν
7 μηδε ειδωλολατραι γινεϲθε καθωϲ τινεϲ αυτων ωϲ γεγραπται εκαθιϲεν ο λαοϲ φαγειν και πειν και ανεϲτηϲαν παιζειν
8 μηδε πορνευωμεν καθωϲ τινεϲ αυτων επορνευϲαν και επεϲαν εν μια ημερα εικοϲι τρειϲ χιλιαδεϲ
9 μηδε εκπειραζωμεν τον κ̅ν̅ καθωϲ τινεϲ αυτων εξεπειραϲαν και υπο των οφεων απωλοντο
10 μηδε γογγυζετε καθωϲ τινεϲ αυτων εγογγυϲαν και απωλοντο υπο του ολοθρευτου
11 ταυτα δε παντα τυπικωϲ ϲυνεβαινεν εκεινοιϲ εγραφη δε προϲ νουθεϲιαν ημων ειϲ ουϲ τα τελη των αιωνω̅ κατηντηκεν
12 ωϲτε ο δοκων εϲταναι βλεπετω μη πεϲη
13 πειραϲμοϲ υμαϲ ουκ ειληφεν ει μη ανθρωπινοϲ πιϲτοϲ δε ο θ̅ϲ̅ οϲ ουκ εαϲει υμαϲ πειραϲθηναι υπερ ο δυναϲθαι αλλα ποιηϲει ϲυν τω πειραϲμω και την εκβαϲι̅ του δυναϲθαι υπενεγκειν
14 διοπερ αγαπητοι μου φευγετε απο τηϲ ειδωλολατριαϲ
15 ωϲ φρονιμοιϲ λεγω κρινατε υμειϲ ο φημι
16 το ποτηριον τηϲ ευλογιαϲ ο ευλογουμεν ουχι κοινωνια του αιματοϲ του χ̅υ̅ εϲτι̅ τον αρτον ον κλωμεν ουχι κοινωνια του ϲωματοϲ του χ̅υ̅ εϲτιν
17 οτι ειϲ αρτοϲ εν ϲωμα οι πολλοι εϲμεν οι γαρ πα̅τεϲ εκ του ενοϲ αρτου μετεχομεν
18 βλεπετε τον ι̅η̅λ̅ κατα ϲαρκα ουχ οι εϲθιοντεϲ ταϲ θυϲιαϲ κοινωνοι του θυϲιαϲτηριου ειϲιν
19 τι ουν φημι οτι ιδωλοθυτον τι εϲτιν
20 αλλ οτι α θυουϲιν τα εθνη δαιμονιοιϲ και ου θ̅ω̅ θυουϲιν ου θελω δε υμαϲ κοινωνουϲ των δαιμονιων γινεϲθαι
21 ου δυναϲθε ποτηριον κ̅υ̅ πινειν και ποτηριον δαιμονιον ου δυναϲθε τραπεζηϲ κ̅υ̅ μετεχειν και τραπεζηϲ δαιμινιων
22 η παραζηλουμεν τον κ̅ν̅ μη ιϲχυροτεροι αυτου εϲμεν
23 παντα εξεϲτιν αλλ ου παντα ϲυμφερει παντα εξεϲτιν αλλ ου παντα οικοδομει
24 μηδειϲ το εαυτου ζητειτω αλλα το του ετερου
25 παν το εν μακελλω πωλουμενον εϲθιετε μηδεν ανακρινοντεϲ δια την ϲυνειδηϲιν
26 του κ̅υ̅ γαρ η γη και το πληρωμα αυτηϲ
27 ει δε τιϲ καλει υμαϲ των απιϲτων και θελετε πορευεϲθαι παν το παρατιθεμενον υμιν εϲθιετε μηδεν ανακρινο̅τεϲ δια την ϲυνειδηϲιν
28 εαν δε τιϲ υμιν ειπη τουτο ειδωλοθυτον εϲτιν μη εϲθιετε δι εκεινον τον μηνυϲαντα και την ϲυνειδηϲιν
29 ϲυνειδηϲιν δε λεγω ουχι την εαυτου αλλα την του ετερου ινα τι γαρ η ελευθερια μου κρινεται υπο αλληϲ ϲυνειδηϲεωϲ
30 ει εγω χαριτι μετεχω τι βλαϲφημουμαι υπερ ου εγω ευχαριϲτω
31 ειτε ουν εϲθιετε ειτε πινετε ειτε τι ποιειτε παντα ειϲ δοξαν θ̅υ̅ ποιειτε
32 απροϲκοποι και ιουδαιοιϲ γινεϲθε και ελληϲι και τη εκκληϲια του θ̅υ̅
33 καθωϲ καγω παντα παϲιν αρεϲκω μη ζητω̅ το εμαυτου ϲυμφορον αλλα το των πολλων ινα ϲωθωϲιν
Нашли в тексте ошибку? Выделите её и нажмите:
Ctrl + Enter
Первое послание к Коринфянам апостола Павла, 10 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.