1 παϲ ο πιϲτευων οτι ι̅ϲ̅ εϲτιν ο χ̅ϲ̅ εκ του θ̅υ̅ γεγεννηται και παϲ ο αγαπων τον γεννηϲαντα αγαπα και το γεγεννημενο̅ εξ αυτου
2 εν τουτω γεινωϲκομεν οτι αγαπωμεν τα τεκνα του θ̅υ̅ οτα̅ τον θ̅ν̅ αγαπωμε̅ και ταϲ εντολαϲ αυτου τηρωμεν
3 αυτη γαρ εϲτιν η αγαπη του θ̅υ̅ ινα ταϲ εντολαϲ αυτου τηρωμεν και αι εντολαι αυτου βαρειαι ουκ ειϲιν
4 οτι παν το γεγεννημενον εκ του θ̅υ̅ νικα τον κοϲμον και αυτηϲ εϲτιν η νικη η νικηϲαϲα τον κοϲμον η πιϲτιϲ ημων
5 τιϲ δε εϲτιν ο νεικων τον κοϲμον ει μη ο πιϲτευων οτι ι̅ϲ̅ εϲτιν ο υ̅ϲ̅ του θ̅υ̅
6 ουτοϲ εϲτιν ο ελθων δια υδατοϲ και αιματοϲ και π̅ν̅ϲ̅ ι̅ϲ̅ χ̅ϲ̅ ουκ εν τω υδατι μονον αλλ εν τω υδατι και τω αιματι και το π̅ν̅α̅ εϲτιν το μαρτυρουν οτι το π̅ν̅α̅ εϲτιν η αληθεια
7 οτι οι τρειϲ ειϲιν οι μαρτυρου̅τεϲ
8 το π̅ν̅α̅ και το υδωρ και το αιμα και οι τρειϲ ειϲ το εν ειϲιν
9 ει την μαρτυριαν του θ̅υ̅ λαμβανομεν η μαρτυρια του θ̅υ̅ μειζω̅ εϲτιν οτι αυτη εϲτιν η μαρτυρια του θ̅υ̅ οτι μεμαρτυρηκεν περι του υ̅υ̅ αυτου
10 ο πιϲτευω̅ ειϲ τον υ̅ν̅ του θ̅υ̅ εχει την μαρτυριαν εν εαυτω ο μη πιϲτευων τω θ̅ω̅ ψευϲτην πεποιηκεν αυτον οτι ουκ επιϲτευκεν ειϲ την μαρτυριαν η̅ εμαρτυρηκεν ο θ̅ϲ̅ περι του υ̅υ̅ αυτου
11 και αυτη εϲτι̅ η μαρτυρια οτι ζωην αιωνιον εδωκεν ημιν ο θ̅ϲ̅ ϗ αυτη η ζωη εν τω υιω αυτου εϲτιν
12 ο εχων τον υ̅ν̅ εχει την ζωην ο μη εχων τον υ̅ν̅ του θ̅υ̅ την ζωην ουκ εχει
13 ταυτα εγραψα υμιν ινα ειδητε οτι ζωην αιωνιον εχετε τοιϲ πιϲτευουϲιν ειϲ το ονομα του υιου του θ̅υ̅
14 και αυτη εϲτιν η παρρηϲια ην εχομεν προϲ αυτο̅ οτι εαν τι αιτωμεθα κατα το θελημα αυτου ακουει ημων
15 ο εαν αιτωμεθα οιδαμεν οτι εαν εχωμεν τα αιτηματα α ητηκαμεν απ αυτου
16 εαν τιϲ ιδη τον αδελφον αυτου αμαρτανοντα αμαρτιαν μη προϲ θανατον {αιτηϲιϲ} [6] και {δωϲειϲ} [7] αυτω ζωην τοιϲ αμαρτανουϲιν μη προϲ θανατον εϲτιν αμαρτια προϲ θανατον ου περι εκεινηϲ λεγω ινα ερωτηϲη
17 παϲα αδικια αμαρτια εϲτιν και εϲτι̅ αμαρτια ου προϲ θανατον
18 οιδαμε̅ οτι παϲ ο γεγεννημενοϲ εκ του θ̅υ̅ ουχ αμαρτανι αλλ ο γεννηθειϲ εκ του θ̅υ̅ τηρι εαυτον και ο πονηροϲ ουχ απτεται αυτου
19 οιδαμεν οτι εκ του θ̅υ̅ εϲμεν και ο κοϲμοϲ ολοϲ εν τω πονηρω κειται
20 οιδαμε̅ δε οτι ο υ̅ϲ̅ του θ̅υ̅ ηκει και δεδωκε̅ ημιν διανοιαν ινα γινωϲκομε̅ το αληθινον και εϲμεν εν τω αληθινω εν τω υιω αυτου ι̅υ̅ χ̅υ̅ ουτοϲ εϲτιν ο αληθινοϲ θ̅ϲ̅ και ζωη αιωνιοϲ
21 τεκνια φυλαξατε εαυτα απο των ειδωλων
Примечания:
16 [6] {αιτηϲι}
16 [7] {δωϲει}
Нашли в тексте ошибку? Выделите её и нажмите:
Ctrl + Enter
Первое соборное послание апостола Иоанна, 5 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.