1 περι δε των χρονων και των καιρων αδελφοι ου χρειαν εχετε του γραφεϲθαι υμιν
2 αυτοι γαρ ακρειβωϲ οιδατε οτι ημερα κ̅υ̅ ωϲ κλεπτηϲ εν νυκτι ουτωϲ ερχεται
3 οταν λεγωϲιν ειρηνη και αϲφαλεια τοτε αιφνιδιοϲ αυτοιϲ επιϲταται ολεθροϲ ωϲπερ η ωδειν τη εν γαϲτρι εχουϲη και ου μη εκφυγωϲι̅
4 υμειϲ δε αδελφοι ουκ εϲται εν ϲκοτει ινα η ημερα υμαϲ ωϲ κλεπτηϲ καταλαβη
5 παντεϲ γαρ υμειϲ υιοι φωτοϲ {εϲται}[6] και υιοι ημεραϲ ουκ εϲμεν νυκτοϲ ουδε ϲκοτουϲ
6 αρα ουν μη καθευδωμεν ωϲ οι λοιποι αλλα γρηγορωμεν και νηφωμε̅
7 οι γαρ καθευδοντεϲ νυκτοϲ καθευδουϲιν και οι μεθυϲκομενοι νυκτοϲ μεθυουϲιν
8 ημειϲ δε ημεραϲ οντεϲ νηφωμε̅ ενδυϲαμενοι θωρακα πιϲτεωϲ και περικεφαλαιαν ελπιδα ϲωτηριαϲ
9 οτι ουκ εθετο ημαϲ ο θ̅ϲ̅ ειϲ οργη̅ αλλα ειϲ περιποιηϲιν ϲωτηριαϲ δια του κ̅υ̅ ημω̅ ι̅υ̅ χ̅υ̅
10 του αποθανοντοϲ περι ημω̅ ινα ειτε γρηγορωμεν ειτε καθευδωμεν αμα ϲυν αυτω ζηϲωμεν
11 διο παρακαλειτε αλληλουϲ και οικοδομειτε ειϲ τον ενα καθωϲ και ποιειτε
12 ερωτωμεν δε υμαϲ αδελφοι ειδεναι τουϲ κοπιωνταϲ εν υμιν και προιϲτανομενουϲ υμων εν κ̅ω̅ και νουθετουνταϲ υμαϲ
13 και ηγειϲθαι αυτουϲ υπερ εκ περιϲϲου εν αγαπη δια το εργον αυτων και ειρηνευετε εν αυτοιϲ
14 παρακαλουμεν δε υμαϲ αδελφοι νουθετειτε τουϲ ατακτουϲ παραμυθειϲθε τουϲ ολιγοψυχουϲ αντεχεϲθε των αϲθενων μακροθυμειτε προϲ πανταϲ
15 ορατε μη τιϲ κακον αντι κακου τινι αποδοι αλλα παντοτε το αγαθον διωκετε ειϲ αλληλουϲ και ειϲ πανταϲ
16 παντοτε χαιρετε
17 αδιαλιπτωϲ προϲευχεϲθε
18 εν παντι ευχαριϲτειτε τουτο γαρ θελημα του θ̅υ̅ εν χ̅ω̅ ι̅υ̅ ειϲ υμαϲ
19 το π̅ν̅α̅ μη ϲβεννυτε
20 προφητειαϲ μη εξουθενειτε
21 παντα δοκιμαζετε το καλο̅ κατεχετε
22 απο πα̅τοϲ ειδουϲ πονηρου απεχεϲθε
23 αυτοϲ δε ο θ̅ϲ̅ τηϲ ειρηνηϲ αγιαϲαι υμαϲ ολοτελειϲ και ολοκληρον υμων το π̅ν̅α̅ και η ψυχη και το ϲωμα αμεμπτωϲ εν τη παρουϲια του κ̅υ̅ ημων ι̅υ̅ χ̅υ̅ τηρηθειη
24 πιϲτοϲ ο καλων υμαϲ οϲ και ποιηϲει
25 αδελφοι προϲευχεϲθε περι ημων
26 αϲπαϲαϲθε τουϲ αδελφουϲ πανταϲ εν φιληματι αγιω
27 ορκιζω υμαϲ το̅ κ̅ν̅ αναγνωϲθηναι την επιϲτολη̅ παϲι τοιϲ αδελφοιϲ
28 η χαριϲ του κ̅υ̅ ημων ι̅υ̅ χ̅υ̅ μεθ υμων αμην